Genesis 15:17 - Marahay na Bareta Biblia

¹⁷ Kan solnop na an aldaw asin madiklom na, sarong nag-aasong koron saka sarong naglalaad na karaba an biglang nagtunga dangan nag-agi sa pagultanan kan binaraak na mga hayop.

Genesis 15:17 ပူးပေါင်းရင်းမြစ်များ

Genesis 15:10

Dinara ni Abram sa Dios an mga hayop; pakatapos binaraak niya ini gabos, alagad dai niya binaak an mga gamgam. Tinaralay niya sa duwang linya an gabos, an kabaak na nasa sarong linya kahampang kan kabaak na nasa saro man na linya.

2 Samuel 22:9

Aso nagluwas hale sa saiyang dungo, nanghahalon na kalayo saka naglalaad na baga hale sa saiyang ngoso.

1 Mga Hade 18:38

Dangan naghulog an kalayo nin Kagurangnan; tinutong kaini an atang, an igatong asin an mga gapo saka an daga. Nagmara an tubig sa kali.

1 Mga Cronica 21:26

Nagpatindog duman si David nin sarong altar para sa Kagurangnan, asin nagdolot siya nin mga tinutong na atang saka mga dolot para sa katoninongan. Namibi siya asin sinimbag siya nin Kagurangnan sa paagi nin kalayong hale sa langit na tuminutong kan mga dolot sa altar.

Exodo 19:18

Napatos nin aso an bukid huli ta naghilig duman an Kagurangnan sa porma nin kalayo. Nag-itaas an aso arog sa aso nin sarong horno asin naglinog nin makosog an bilog na bukid.

Exodo 20:18

Kan madangog kan mga tawo an daguldol saka an tanog kan trompeta asin kan mahiling ninda an kikilat sagkod an nag-aasong bukid, nagtarakig sinda sa takot; kaya nagtirindog sinda sa harayo.

Isaias 62:1

Magtataram ako tanganing pakosogon an boot kan Jerusalem; dai ako magkakaalo sagkod na ligtas na siya, asin nagliliwanag an saiyang kapangganahan siring sa sarong karaba sa pagkabanggi.

Jeremias 11:4

Iyo ini an tipan na ginibo ko sa saindang mga ginikanan kan iluwas ko sinda sa Egipto, an daga na garo sarong nagkakalayong horno sa sainda. Tinaraman ko sinda na kuyogon ninda ako saka gibohon an gabos na pagboot ko. Nagtaram pa ako na kun magkuyog sinda, magigin banwaan ko sinda asin ako an magigin Dios ninda.

Deuteronomio 4:20

Alagad kamo an banwaan na ilinigtas niya sa Egipto, an nagkakalayong horno, tanganing gibohon niyang sadiring banwaan, na iyo kamo ngunyan.

Hukom 13:20

Mantang nag-iitaas an kalayo hale sa altar, nahiling kan mag-agom na nag-iitaas sa langit an anghel nin Kagurangnan kaiba kan kalayo. Dangan nasabotan ni Manoa na an lalaki iyo palan an anghel nin Kagurangnan, kaya nagdapa an mag-agom sa daga. Dai na nanggad ninda nahiling an anghel.

Hukom 6:21

Dangan an karne saka tinapay dinutaan kan anghel nin Kagurangnan kan poro kan saiyang sugkod. Biglang luminuwas an kalayo hale sa gapo asin tinutong an karne sagkod an tinapay. Pakatapos kaini, nawara an anghel.