Genesis 15:16 - Marahay na Bareta Biblia

¹⁶ Apat na henerasyon pa an maagi bago makabalik digdi an saimong kapagarakian huli ta dai ko papahaleon an mga Amoreo sagkod na dai pa nagsobra an saindang karatan kaya kaipuhan nang padusahan sinda.”

Genesis 15:16 ပူးပေါင်းရင်းမြစ်များ

Genesis 10:16

Si Canaan iyo man an ginikanan kan mga Jebuseo, Amoreo, Gergeseo,

Genesis 15:13

Dangan nagtaram saiya an Kagurangnan, “An saimong mga kapagarakian magigin mga dayuhan sa bako nindang daga, magigin mga oripon duman asin pag-aapihon sa laog nin kwatro syentos na taon.

Genesis 48:21

Dangan nagsabi si Jacob, “Jose, madali na akong magadan, alagad iibahan ka nin Dios asin ibabalik ka niya sa daga kan saimong mga ginikanan.

Genesis 50:24

Sinabihan ni Jose an saiyang mga tugang, “Madali na akong magadan, alagad aatamanon kamo nin Dios asin papangenotan niya kamo paluwas sa dagang ini pasiring sa dagang ipinanuga niya ki Abraham, ki Isaac asin ki Jacob.”

1 Mga Hade 21:26

Ginibo niya an makauuyam na mga kasalan huli sa pagsamba sa mga dios-dios arog kan ginibo kan mga Amoreo, na pinahale nin Kagurangnan mantang nagdadangadang an banwaan nin Israel sa dagang idto.)

2 Mga Hade 21:11

“Ginibo ni Manases na hade nin Juda an makauuyam na mga bagay na ini, mga bagay na mas maraot ki sa mga ginibo kan mga Cananeo; asin huli kan saiyang mga dios-dios pinapagkasala niya an banwaan nin Juda.

Salmo 105:43

Kaya ilinuwas niya an saiyang piniling banwaan, nag-awit sinda asin nagkurahaw sa kaogmahan.

Exodo 12:40

Nag-erok sa Egipto an mga Israelita sa laog nin kwatro syentos treyntang taon.

Exodo 13:3

Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Exodo 13:4

Naghahale kamo sa Egipto sa aldaw na ini, sa enot na bulan, an bulan nin Abib.

Daniel 8:23

“Kun madali na an kataposan kan mga kahadean na idto, asin nagin maraot sinda kaya kaipuhan nang padusahan, magkakaigwa nin sarong hade, na matagas an payo, maraot asin madaya.

Levitico 18:24

Dai kamo maggibo kan arin man sa mga karigsokan na ini na makakapaati saindo, huli ta an paggibo nin siring iyo an nakapaati sa mga nasyon na hahaleon ko sa atubang nindo.

Deuteronomio 9:4

“Pakapahalea sainda nin Kagurangnan na saindong Dios para saindo, dai kamo magsabi na itinao niya saindo an dagang iyan huli ta maninigo kamong mag-ako kaiyan. An totoo, papahaleon nin Kagurangnan an mga nasyon na iyan sa pagdangadang nindo huli ta mga maraot sinda.

Deuteronomio 9:5

Itatao niya saindo an daga ninda bakong huli ta mga marahay kamo asin tama an ginigibo nindo. Papahaleon sinda nin Kagurangnan huli ta mga maraot sinda asin huli ta boot niyang otobon an saiyang panuga sa saindong mga ginikanan, ki Abraham, ki Isaac saka ki Jacob.

1 Tesalonica 2:16

Hiningowa pa nindang paontokon kami sa paghulit sa mga pagano kan mensahe na magliligtas sa mga ini. Huli kaini uminabot na sa kasagkoran an gabos na kasalan na danay nindang ginigibo. Kaya ngunyan uminabot na an kaanggotan nin Dios sainda.