Genesis 14:20 - Marahay na Bareta Biblia

²⁰ Pag-omawon logod an Kahorohalangkaweng Dios na nagtao saimo nin kapangganahan laban sa saimong mga kaiwal!” Dangan tinawan ni Abram si Melkizedek kan ikasampolong parte kan gabos na sinamsam.

Genesis 14:20 ပူးပေါင်းရင်းမြစ်များ

Genesis 14:21

Nagsabi ki Abram an hade kan Sodoma, “Saimo na an sinamsaman, alagad balikan sako an mga tawohan ko.”

Genesis 24:27

asin nagsabi, “Pag-omawon an Kagurangnan, an Dios kan kagurangnan kong si Abraham, na nagpahiling kan saiyang danay na pagkamoot asin kaimbodan sa sakong kagurangnan; huli ta an Kagurangnan an nangenot sako pasiring sa mga kadugo kan sakong kagurangnan.”

Genesis 28:22

An gapong ini na sakong pinatindog bilang hariging giromdom iyo an magigin lugar na pagsasambahan saimo; itatao ko saimo an ikasampolong kabtang kan gabos na itatao mo sako.”

Genesis 47:24

Sa tig-anihan, itatao nindo an ikalimang parte kan ani sa hade. An natadang apat na parte, gibohon nindong banhi para sa saindong oma asin pagkakan nindo sagkod kan saindong pamilya.”

Genesis 47:26

Kaya ginibo ni Jose na sarong pagboot sa daga nin Egipto na an ikalimang parte kan ani itatao sa hade. Sagkod ngunyan sinusunod pa an pagboot na ini. An mga daga sana kan mga padi an dai nasadirihan kan hade.

Genesis 9:26

Pag-omawon an Kagurangnan, an Dios ni Sem! Si Canaan magigin oripon ni Sem.

2 Samuel 18:28

Nagkurahaw nin pangomusta si Ahimaaz sa hade, nagdapa sa daga sa atubangan kan hade saka nagsabi, “Pag-omawon an Kagurangnan na saimong Dios, na nagtao saimo nin kapangganahan laban sa mga nagrebelde sa mahal na Hade!”

2 Mga Cronica 31:12

Maimbod na sinaray ninda duman an mga dolot, an mga himoloan saka an mga bagay na kinonsagra. An opisyal na namahala kaini iyo an Levita na si Conanias, asin an tugang niyang si Simei iyo an saiyang katabang.

Nehemias 10:37

Dadarahon mi sa mga padi sa Templo an tinagba kan enot na trigo na samuyang inani, kan samuyang arak, lana nin oliba asin kan gabos na bunga nin kahoy. An himoloan kan samuyang mga tinanom itatao nyamo sa mga Levita, na iyo an nagkokolekta kaiyan sa samong mga banwa.

Nehemias 13:12

Dangan an mga tawo nagdara giraray nin mga himoloan na trigo, arak saka lana nin oliba saka ilinaog sa mga kwartong sarayan.

Salmo 144:1

Pag-omawon an Kagurangnan, sakong gapo na sinasarigan, sa pakigera ako saiyang tinutukdoan, sa pakilaban ako saiyang inaandam.

Salmo 44:3

Bakong huli sa saindang espada napasainda an daga; bakong huli sa saindang kosog nakamtan an panggana; kundi huli sa too mong kamot asin takyag patin sa liwanag kan lalawogon mo; huli ta sinda nawilihan mo.

Salmo 68:19

Pag-omawon an Kagurangnan, na minadara aroaldaw kan satong mga pasan; siya an Dios nin satong kaligtasan.

Exodo 18:10

asin siya nagsabi, “Omawon an Kagurangnan na nagligtas saindo sa kamot kan hade asin kan mga Egipcio.

Amos 4:4

An Kagurangnan Dios nagtataram, “Mga taga Israel, dumuman kamo sa banal na lugar sa Betel asin magkasala kamo! Dumuman kamo sa Gilgal asin orog pa kamong magkasala! Daraha nindo an mga hayop na isasakripisyo aga-aga, asin an saindong himoloan sa lambang ikatolong aldaw.

Malakias 3:10

Daraha nindo an bilog na halaga kan saindong mga himoloan sa Templo, tanganing magkaigwa nin dakul na pagkakan duman. Baloa nindo ako asin mahihiling nindo na bubukasan ko an mga bintana nin kalangitan dangan iuula ko sa saindo an nagsusupay na mga marahay na bagay.

Malakias 3:8

Hahapoton ko kamo. Tama daw na dayaon nin sarong tawo an Dios? Bako, alagad dinadaya nindo ako. ‘Sa paanong paagi?’ an hapot nindo. Sa paagi kan saindong mga himoloan saka mga dolot.

Mga Bilang 28:26

Sa enot na aldaw kan Pyesta nin Pag-ani, pagdara nindo sa Kagurangnan kan dolot na bagong trigo, magtiripon kamo sa pagsamba asin dai kamo magtrabaho.

Lukas 18:12

Nag-aayuno ako nin duwang beses sa semana saka nagtatao ako saimo nin himoloan kan gabos kong hinanapan.’

Roma 15:16

na magin sorogoon ni Cristo Jesus sa mga pagano. Naglilingkod ako arog sa sarong padi na naghuhulit kan Marahay na Bareta hale sa Dios, tanganing an mga pagano magin sarong dolot na maaako nin Dios, dolot na kinonsagra saiya kan Espiritu Santo.

Efeso 1:3

Magpasalamat kita sa Dios na Ama ni Jesu-Cristo na satong Kagurangnan! Huli ta benendisyonan niya kita diyan ki Cristo, kan gabos na bendisyon na espiritwal sa kalangitan.

Deuteronomio 12:17

Dai nindo pagkakanon sa saindong mga pinag-eerokan an ano man na idinolot nindo sa Kagurangnan, siring man an mga himoloan kan saindong ani, kan saindong arak o kan saindong lana, an mga matua kan saindong mga baka saka mga karnero, an saindong mga panugang regalo sa Kagurangnan, an saindong mga boluntad na dolot sagkod an iba pa nindong mga sakripisyo.

Deuteronomio 14:23

Dangan magduman kamo sa lugar na pagsasambahan na pinili nin Kagurangnan na saindong Dios; duman sa atubang niya, kakanon nindo an mga himoloan kan saindong ani, kan saindong arak saka lana, asin kan matua kan saindong mga hayop. Gibohon nindo ini tanganing makanood kamong danay na matakot sa Kagurangnan na saindong Dios.

Deuteronomio 14:28

Pakatapos nin lambang tolong taon, darahon nindo an himoloan kan gabos nindong produkto asin tiponon nindo iyan sa saindong mga banwa.

Josue 10:42

Dinaog ni Josue an mga hade duman asin sinakop an saindang mga teritoryo sa laog nin saro sanang pagsalakay, huli ta nakipaglaban para sa mga Israelita an Kagurangnan na Dios nin Israel.