Genesis 14:2 - Marahay na Bareta Biblia

² na nakigera sa lima pang hade na si Bera kan Sodoma, Birsa kan Gomorra, Sinab kan Adma, Semeber kan Zeboiim asin sa hade kan Bela (o Zoar.)

Genesis 14:2 ပူးပေါင်းရင်းမြစ်များ

Genesis 10:19

Hale sa Sidon, an saindang teritoryo nakaabot sa Gerar harani sa Gaza sa habagat asin sa Sodoma, Gomorra, Adma saka Zeboiim harani sa Lasa sa sirangan.

Genesis 13:10

Nangalagkalag si Lot asin nahiling niya na mayaman sa tubig an bilog na Kapantayan nin Jordan sagkod sa Zoar, arog kan tatamnan kan Kagurangnan o arog kan daga nin Egipto. (Ini an kamugtakan kan daga bago tunawon nin Kagurangnan an Sodoma asin an Gomorra.)

Genesis 13:12

Nagpawalat si Abram sa Canaan mantang si Lot nag-erok sa mga syudad duman sa kapantayan na harani sa Sodoma.

Nehemias 11:34

Hadid, Zeboim, Neballat,

Isaias 15:5

Tinatangisan kan sakong puso an Moab! Nagdudurulag na an mga tawo pasiring sa Zoar, asin sa Eglat-selisiya. An nagkapira nagtuturukad pasiring sa Luhit, nagtatangis mantang naglalakaw; an nagkapira nagdudurulag pasiring sa Horonaim, makosog na naghaharaya.

Jeremias 48:34

Nagkukurahaw an Hesbon saka Eleale, asin an kinurahaw ninda nakakaabot sa Jahaz; nadadangog iyan magpoon sa Zoar sagkod sa Horonaim saka Eglat-selisiya. Huli ta nagmara maski an tubig kan Sapa nin Nimrim.

Oseas 11:8

“Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Deuteronomio 29:23

Magigin alang asin tutong an kaomahan na natatambonan nin asupre saka asin; dai iyan tatanoman asin dai tataluboan nin ano man maski kan doot. An saindong daga magigin siring sa mga syudad nin Sodoma saka Gomorra, nin Adma asin Zeboiim, na tinunaw nin Kagurangnan kan siya maanggot nin marahay.

Deuteronomio 34:3

an habagat na parte nin Juda; an kapatagan, na minapoon sa Zoar dangan minasagkod sa Jerico, an syudad nin mga palma.

1 Samuel 13:18

an saro nagpasiring sa Bet-horon, asin an saro nagpasiring sa pagdolonan na minadungaw sa kapantayan nin Zeboiim asin sa kalangtadan.