Genesis 14:1 - Marahay na Bareta Biblia

¹ Igwa nin apat na hade, si Amrafel kan Babilonia, si Ariok kan Ellasar, si Kedorlaomer kan Elam, asin si Tidal kan Goiim,

Genesis 14:1 ပူးပေါင်းရင်းမြစ်များ

Genesis 10:10

Kaayon sa kaenot-enoteng kahadean na sakop niya iyo an Babilon, an Erek, asin an Accad, na gabos yaon sa daga kan Babilonia.

Genesis 10:22

An mga aking lalaki ni Sem iyo si Elam, Assur, Arpaksad, Lud asin Aram.

Genesis 11:2

Sa pagparalakaw kan mga tawo sa sirangan, nakaabot sinda sa sarong kapatagan sa daga kan Babilonia asin duman na sinda nag-erok.

Genesis 14:9

laban sa mga hade kan Elam, Goiim, Babilonia, asin Ellasar; limang hade laban sa apat.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 21:2

Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Isaias 22:6

An mga soldados hale sa daga nin Elam nag-abot na nakalunad sa mga kabayo, armado nin mga pana. Inandam na man kan mga soldados na hale sa Kir an saindang mga kalasag.

Isaias 37:12

Rinaot kan sakong mga ginikanan an mga syudad nin Gozan, Haran, saka Rezep, dangan ginaradan ninda an mga taga Eden na nag-erok sa Tel-asar; mayo ni saro sa saindang dios an nagligtas sa sainda.

Ezekiel 32:24

“Yaon duman an Elam, na napapalibotan kan mga lulubngan kan saiyang mga soldados. Gabos sinda nagadan sa gera, asin naglusad, sinda na bakong diosnon na mga tawo, sa kinaban kan mga gadan. Kan buhay pa sinda, tinakot ninda an daga kan mga nabubuhay, alagad ngunyan dara ninda sa lulubngan an kasosopgan kaiba kan mga nagkagaradan.

Daniel 1:2

Itinugot nin Kagurangnan na mabihag si Hadeng Jehoiakim ni Hadeng Nebukadnezzar asin samsamon kaini an nagkapirang kagamitan kan Templo. An nagkapirang bihag dinara niya sa templo kan saiyang mga dios sa Babilon, asin an mga nasamsam na kagamitan ibinugtak niya sa mga sarayan kan templo.

Daniel 8:2

Sa bisyon, nahiling ko an sakong sadiri sa laog kan kudal kan syudad nin Susa sa probinsya nin Elam. Nagtitindog ako sa tampi kan Salog nin Ulai,

Zacarias 5:11

Nagsimbag siya, “Sa Babilonia, saen mapatindog sinda nin sarong templo para saiya. Kun haman na an templo, ibubugtak ninda duman an basket tanganing pagsambahon.”

Josue 12:23

Dor (sa baybayon), Goiim (sa Galilea),