Genesis 13:13 - Marahay na Bareta Biblia

¹³ An nag-eerok sa Sodoma mga maraot na tawo asin mga parakasala sa Kagurangnan.

Genesis 13:13 ပူးပေါင်းရင်းမြစ်များ

Genesis 10:9

Sa atubang nin Kagurangnan, siya sarong dakulang paraayam, kun kaya nagkaigwa nin kasabihan, “Siring ki Nimrod na dakulang paraayam sa atubangan nin Kagurangnan!”

Genesis 15:16

Apat na henerasyon pa an maagi bago makabalik digdi an saimong kapagarakian huli ta dai ko papahaleon an mga Amoreo sagkod na dai pa nagsobra an saindang karatan kaya kaipuhan nang padusahan sinda.”

Genesis 18:20

Dangan tinaraman nin Kagurangnan si Abraham, “Dakul nang marahay an sumbong laban sa Sodoma saka Gomorra asin grabe na an kasalan ninda.

Genesis 19:13

huli ta tutunawon mi an lugar na ini. Nadangog nin Kagurangnan an gabos na sumbong laban sa mga nag-eerok sa Sodoma asin sinugo niya kami tanganing tunawon ini.”

Genesis 38:7

Alagad maraot an ugale ni Er asin dai siya naoyonan nin Kagurangnan, kaya ginadan siya nin Kagurangnan.

Genesis 39:9

pareho an samong kapangyarihan digdi sa harong asin dai siya nin ipinapangalad sako kundi ika sana, huli ta agom ka niya. Tano ta magibo ako kan siring na karigsokan asin magkasala ako sa Dios?”

Genesis 6:11

alagad an ibang tawo maraot sa atubang nin Dios asin an daga napano kan saindang kadahasan.

2 Mga Hade 21:6

Isinakripisyo niya an saiyang aking lalaki bilang tinutong na atang. Naghula siya asin nagsalamangka. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

Isaias 1:9

Kun an Kagurangnan nin mga hukbo dai nagwalat sato nin dikit na tawo, nakaarog kutana kita sa Sodoma, asin nagin siring sa Gomorra.

Jeremias 23:14

Alagad orog pa an karatan na ginigibo kan mga propeta sa Jerusalem: nakikidorog sinda sa bako nindang agom saka nagtataram nin mga kaputikan; tinatabangan ninda an mga tawo sa paggibo nin maraot, kaya mayo nin minaontok sa paggibo nin karatan. Para sako, gabos sinda maraot arog kan mga taga Sodoma saka mga taga Gomorra.

Jeremias 23:24

Mayo nin siisay man na makakatago sa arin man na lugar na dai ko mahihiling. Dai nindo naaaraman na yaon ako maski saen na lugar sa langit saka sa daga?

Mga Bilang 32:23

Alagad kun dai nindo gibohon an saindong panuga, pinapatanidan ko kamo na magkakasala kamo sa Kagurangnan. Tandaan nanggad nindo; papadusahan kamo huli kan saindong kasalan.

Mateo 9:10

Kan nagkakakan si Jesus sa saiyang harong, nag-abot an dakul na parasingil nin buhis asin mga parakasala. Nagsabay sinda ki Jesus asin sa saiyang mga disipulo sa pagkakan.

Mateo 9:13

Isip-isipa daw nindo kun ano an kahulogan kaini, ‘Pagkaherak an mawot ko, bakong atang.’ Dai ako nagdigdi sa pag-apod kan mga banal kundi kan mga parakasala.”

Juan 9:24

Kaya ipinaapod giraray ninda an dating buta asin sinabihan, “Sa ngaran nin Dios magsabi ka kan totoo! Aram ming parakasala an tawong nagbolong saimo.”

Juan 9:31

Aram ta na dai dinadangog nin Dios an mga parakasala, kundi an nagsasamba sana saka nag-ootob kan saiyang kabotan.

Roma 1:27

Siring man, an mga lalaki bako nang sa babae nakikidorog, kundi naglalaad sinda sa kamawotan para sa kapwa lalaki. Naggibo sinda nin kadustaan lalaki sa lalaki, kaya itinao na sainda an padusa na maninigo sa gibo nindang karatan.

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

2 Pedro 2:10

Papadusahan nin Dios orog na idtong mga nagsusunod kan saindang maating mga kamawotan nin laman, asin nagsisikwal kan kapangyarihan nin Dios. An mga bakong tunay na paratukdong ini mapangahas, hambogon asin mayong paggalang sa mga halangkaw na kapangyarihan sa kalangitan.

Judas 1:7

Giromdoma nindo an Sodoma saka an Gomorra asin an mga kataed na syudad, na naggibo man nin karigsokan saka kadustaan, kaya pinadusahan sa paagi nin kalayong daing kataposan. Ini sarong patanid sa gabos.

1 Samuel 15:18

sinugo ka niya asin pinagbotan na gadanon an makasalan na mga Amalekita. Pinagbotan ka niyang makilaban sagkod na maubos sinda.

1 Samuel 2:17

Siring kadakula an kasalan kan mga aking lalaki ni Eli sa atubang nin Kagurangnan, huli ta dai ninda iginalang an mga dolot para sa Kagurangnan.