Genesis 13:10 - Marahay na Bareta Biblia

¹⁰ Nangalagkalag si Lot asin nahiling niya na mayaman sa tubig an bilog na Kapantayan nin Jordan sagkod sa Zoar, arog kan tatamnan kan Kagurangnan o arog kan daga nin Egipto. (Ini an kamugtakan kan daga bago tunawon nin Kagurangnan an Sodoma asin an Gomorra.)

Genesis 13:10 ပူးပေါင်းရင်းမြစ်များ

Genesis 11:27

Iyo ini an mga kapagarakian ni Tera, na ama ni Abram, Nahor asin Haran. Si Haran iyo an ama ni Lot.

Genesis 13:11

Kaya pinili ni Lot an bilog na Kapantayan nin Jordan, asin naglakaw siya pasiring sa sirangan; sa siring na paagi nagsuhay sindang duwa.

Genesis 13:9

Mas marahay pang magsuhay kita; pilion mo an arin man na parte kan daga na magustohan mo; kun pumawala ka, mapatoo ako; kun pumatoo ka, mapawala ako.”

Genesis 14:2

na nakigera sa lima pang hade na si Bera kan Sodoma, Birsa kan Gomorra, Sinab kan Adma, Semeber kan Zeboiim asin sa hade kan Bela (o Zoar.)

Genesis 14:8

Dangan an mga hade kan Sodoma, Gomorra, Adma, Zeboiim asin Bela nag-andam kan saindang hukbo asin duman sa Kapantayan nin Siddim nakigera sinda

Genesis 3:6

Nahiling kan babae na magayon an kahoy asin garo masiram pagkakanon an bunga kaini patin naisip niya na an kahoy makakatao nin kadonongan. Kaya kuminua siya kan bunga dangan kuminakan. Dangan tinawan man niya an saiyang agom asin kuminakan man ini.

Genesis 47:6

yaon an bilog na daga kan Egipto na pagpipilian mo. Duman mo sinda paerokon sa rehiyon nin Goshen, an pinakamarahay na parte kan daga. Kun igwa sa saindang marahay na magpastor, gibohon mo siyang parapamahala kan sakong mga hayop.”

Genesis 6:2

nahiling kan mga aki nin Dios na magagayon an mga aking babae kan mga tawo, kaya inagom ninda an saindang nagustohan.

1 Mga Hade 7:46

Ipinagibo niya ini duman sa kapantayan nin Jordan, sa lugar na tunawan nin mga metal sa pagultanan kan Sukkot asin Zaretan.

An Libro ni Job 40:23

Dai siya natatakot sa salog na nagbabaha matoninong siya kun nagbubulos an Jordan sa ibabaw kan saiyang ngoso.

Salmo 107:34

An mayaman na daga ginibo niyang maasgad na kalangtadan huli kan karatan kan mga nag-eerok duman.

Isaias 15:5

Tinatangisan kan sakong puso an Moab! Nagdudurulag na an mga tawo pasiring sa Zoar, asin sa Eglat-selisiya. An nagkapira nagtuturukad pasiring sa Luhit, nagtatangis mantang naglalakaw; an nagkapira nagdudurulag pasiring sa Horonaim, makosog na naghaharaya.

Isaias 51:3

“Maheherakan ko an Jerusalem, an gabos na nag-eerok sa mga raot na lugar kaiyan. Maski saro nang desyerto an saiyang daga, gigibohon ko iyan na sarong tatamnan, siring sa tatamnan na ibinugtak ko sa Eden. Makukua diyan an kaogmahan saka an kagayagayahan, an mga pasasalamat sako saka an mga awit nin pag-omaw.

Jeremias 48:34

Nagkukurahaw an Hesbon saka Eleale, asin an kinurahaw ninda nakakaabot sa Jahaz; nadadangog iyan magpoon sa Zoar sagkod sa Horonaim saka Eglat-selisiya. Huli ta nagmara maski an tubig kan Sapa nin Nimrim.

Ezekiel 16:46

“An matua mong tugang na babae, kaiba an saiyang mga baryo, iyo an Samaria, sa amihan. An ngohod mong tugang na babae, kaiba an saiyang mga baryo, iyo an Sodoma, sa habagat.

Ezekiel 16:49

Nag-orgulyo siya asin an saiyang mga aking babae huli ta igwa sinda nin dakul na kakanon asin nag-eerok sa katoninongan, alagad dai ninda inataman an mga dukha saka an mga daing sukat.

Ezekiel 28:13

Nag-erok ka sa Eden, an tatamnan nin Dios, dangan sulot mo an gabos na mahahalagang bato: rubi saka diamante; topasyo, berilo, kornalina, saka haspe; safiro, esmeralda asin karbunko. Igwa ka nin mga samno na gibo sa bulawan. Ginibo iyan para saimo kan aldaw na lalangon ka.

Ezekiel 31:8

Mayo nin arin pa man na sedro sa tatamnan nin Dios an makakaarog kaiyan. Mayo nin kahoy na pino na igwa nin siring na mga sanga, asin mayo nin kahoy na igwa nin mga sangang arog kaiyan; mayong kahoy sa tatamnan nin Dios an arog kaiyan an kagayonan.

Ezekiel 31:9

Ginibo ko iyan na magayon, na may marambong na mga sanga. Naori diyan an gabos na kahoy sa Eden, an tatamnan nin Dios.

Ezekiel 47:18

“An pagdolonan sa sirangan mapoon sa pagultanan kan Damasco saka Hauran, dangan mapasiring sa habagat. An Salog nin Jordan iyo an magigin pagdolonan kan daga nin Israel sa parteng solnopan asin kan Gilead sa parteng sirangan, sagkod sa Tamar, sa Gadan na Dagat.

Joel 2:3

Arog sa kalayo, kinakakan ninda an mga tinanom. An daga sa atubang ninda nakakaagid sa Tatamnan nin Eden, alagad saindang binabayaan na garo mayong tanom na kalangtadan. Mayo nin nakakadulag sa sainda.

Deuteronomio 34:3

an habagat na parte nin Juda; an kapatagan, na minapoon sa Zoar dangan minasagkod sa Jerico, an syudad nin mga palma.