Genesis 12:18 - Marahay na Bareta Biblia

¹⁸ Kaya ipinaapod kan hade si Abram asin hinapot, “Ano ining ginibo mo sako? Tano ta dai ka nagtaram na agom mo an babaeng ini?

Genesis 12:18 ပူးပေါင်းရင်းမြစ်များ

Genesis 12:19

Tano ta nagsabi kang tugang mo siya, kun kaya kinua ko siya na magin agom ko? Uya an agom mo; kuaha siya asin hale na kamo!”

Genesis 20:3

Sarong banggi, nagpahiling an Dios ki Abimelek sa pangatorogan asin nagtaram, “Magagadan ka huli ta kinua mo an babaeng ini na may agom.”

Genesis 29:25

Pagkaaga, nahiling ni Jacob na an kadorog niya iyo si Lea, kaya sinabihan niya si Laban, “Ano ining ginibo mo sako? Bakong nagmanugang ako saimo para ki Rachel? Tano ta dinaya mo ako?”

Genesis 3:13

Hinapot nin Kagurangnan Dios an babae, “Tano ta ginibo mo ini?” Nagsimbag an babae, “Dinaya ako kan halas kaya nagkakan ako.”

Genesis 31:26

Sinabihan ni Laban si Jacob, “Tano ta dinaya mo ako, asin dinara mo an sakong mga aki na siring sa mga bihag sa gera?

Genesis 4:10

Dangan nagtaram an Kagurangnan, “Tano ta ginibo mo an makangirhat na bagay na ini? An tingog kan dugo kan tugang mo nag-aagrangay sako hale sa irarom kan daga, naghahagad nin pagbalos.

Genesis 44:15

Nagsabi si Jose, “Ano ining ginibo nindo? Dai nindo aram na an tawong arog sako pwedeng makahula kan saindong ginibo?”

2 Samuel 3:24

Kaya nagduman si Joab sa hade dangan nagsabi, “Ano an ginibo mo? Nagdigdi na saimo si Abner—tadaw ta tinugotan mo pang makahale?

Exodo 32:21

Sinabihan ni Moises si Aaron, “Ano an ginibo saimo kan mga tawong ini ta tinugotan mo sindang magkasala?”

Mga Talinhaga 21:1

An isip kan hade sarong sapa nin tubig sa kamot nin Kagurangnan; siya an nagboboot kan direksyon kaiyan.

Josue 7:19

Sinabihan ni Josue si Acan, “Aki ko, isabi mo an totoo digdi sa atubangan nin Kagurangnan, an Dios nin Israel. Ituga mo sako kun ano an ginibo mo. Dai ka magputik sako.”

Hukom 2:2

Dai kamo makipagtipan sa mga tawong nag-eerok sa dagang ini. Gabaon nindo an saindang mga altar.’ Alagad ano ining ginibo nindo? Dai nindo kinuyog an sakong pagboot!

1 Samuel 14:43

Hinapot ni Saul si Jonatan, “Ano an ginibo mo?” Nagsimbag si Jonatan, “Nagkakan ako nin dikit na dugos. Uya ako, andam na magadan.”