Genesis 12:17 - Marahay na Bareta Biblia

¹⁷ Alagad huli ta kinua kan hade si Sarai, siya asin an mga yaon sa saiyang palasyo pinadarahan nin Kagurangnan nin mga makangirhat na helang.

Genesis 12:17 ပူးပေါင်းရင်းမြစ်များ

Genesis 20:17

Dangan namibi sa Dios si Abraham asin binulong nin Dios si Abimelek. Binulong man nin Dios an agom kan hade asin an mga oripon na babae tanganing magkaaki sinda,

Genesis 20:18

huli ta pinadusahan nin Kagurangnan na dai mangaki an mga babae sa palasyo ni Abimelek huli kan nangyari ki Sara na agom ni Abraham.

Genesis 20:3

Sarong banggi, nagpahiling an Dios ki Abimelek sa pangatorogan asin nagtaram, “Magagadan ka huli ta kinua mo an babaeng ini na may agom.”

1 Mga Cronica 16:21

Alagad dai nagtugot an Dios na igwang mag-api sainda; an mga hade saiyang pinatanidan huli sainda.

1 Mga Cronica 21:22

Nagsabi si David ki Arauna, “Pabakalan sako an saimong ginikan; tutugdokan ko iyan nin altar para sa Kagurangnan tanganing mag-ontok an peste. Babayadan ko an bilog na halaga kaiyan.”

An Libro ni Job 34:19

na dai nagpapahiling nin pagpapalaen sa mga prinsipe, ni minapaorog sa mayaman ki sa dukha, huli ta gabos sinda gibo kan saiyang mga kamot?

Hebreyo 13:4

An matrimonyo dapat galangan nin gabos, saka dai nindo pagdigtaan an saindong pagkainagoman; huli ta huhukoman nin Dios an mga marigsok saka mga parasambay.