Genesis 11:30 - Marahay na Bareta Biblia

³⁰ Alagad baog si Sarai kaya dai siya nagkaaki.

Genesis 11:30 ပူးပေါင်းရင်းမြစ်များ

Genesis 11:31

Kan maghale si Tera sa Ur kan Babilonia tanganing magduman sa Canaan, ipinag-iba niya si Abram na saiyang aki, an makoapo niyang si Lot na aki ni Haran asin an manugang niyang si Sarai; alagad kan makaabot sinda sa Haran, duman na sinda nag-erok.

Genesis 25:21

Huli ta dai nag-aaki si Rebecca, namibi si Isaac sa Kagurangnan. Sinimbag nin Kagurangnan an pamibi ni Isaac asin nagbados si Rebecca.

Genesis 29:31

Kan mahiling nin Kagurangnan na pinaorog ni Jacob si Rachel, pinagmarahay niyang magkaaki si Lea alagad ginibo niyang baog si Rachel.

Salmo 113:9

Tinatawan niya nin harong an babaeng baog; ginigibong maogmang ina nin mga aki. Omawon an Kagurangnan!

Lukas 1:36

Natatandaan mo an pinsan mong si Isabel? Pinagsasabi na dai siya mangangaki, alagad nangidam siya maski ngani gurang na nin marahay. Ngunyan anom na bulan na siyang bados,

Lukas 1:7

Alagad mayo sindang aki huli ta baog si Isabel asin pareho sindang gurang nang marahay.

Hukom 13:2

Igwa kaidto nin sarong lalaki na an ngaran Manoa; gikan siya sa banwa nin Zora asin kaayon siya sa tribu ni Dan. Dai nangangaki an saiyang agom.

1 Samuel 1:2

Duwa an saiyang agom: si Hanna asin si Peninna. Igwa nin mga aki si Peninna, alagad si Hanna mayo.

1 Samuel 1:5

Maski namomotan niya nin marahay si Hanna, tinatawan niya si Hanna nin saro sanang kahirasan huli ta dai siya tinawan nin aki nin Kagurangnan.