Genesis 10:5 - Marahay na Bareta Biblia

⁵ Sinda an mga ginikanan kan mga tawong nag-eerok sa mga baybayon asin sa mga isla. Sinda an mga aking lalaki ni Jafet, na an lambang saro nagin dakulang nasyon na may sadiring daga saka lengwahe.

Genesis 10:5 ပူးပေါင်းရင်းမြစ်များ

Genesis 10:20

Iyo ini an mga aki ni Ham, na an lambang saro nagin dakulang nasyon na may sadiring daga asin lengwahe.

Genesis 10:25

Duwa an nagin aking lalaki ni Eber—an saro inapod niyang Peleg, huli ta sa panahon kaini nabanga an mga tawo sa daga; asin an ikaduwa, nginaranan niyang Joktan.

Genesis 10:32

Iyo ini an mga pamilya kan mga aking lalaki ni Noe, sosog sa saindang mga kapagarakian. Sa sainda nagpoon an gabos na nasyon sa kinaban na nakalakop sa daga pakatapos kan baha.

Genesis 10:4

An mga aking lalaki ni Javan iyo si Elisa, Espanya, Chipre asin Rodas.

Genesis 10:6

An mga aking lalaki ni Ham iyo si Cus, Egipto, Libya, asin Canaan.

Genesis 9:19

Sindang tolo an ginikanan kan gabos na tawo sa kinaban.

Esther 10:1

Pinapagbuhis ni Hadeng Jerjes an gabos na tawo na sakop niya, sagkod kan mga nag-eerok sa tampi kan mga dagat.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 24:15

mantang an mga nasa sirangan mag-oomaw saiya. Mag-oomaw sa Kagurangnan, an Dios nin Israel, an mga nag-eerok sa baybayon.

Isaias 40:15

Sa Kagurangnan, an mga nasyon mayo nin halaga, arog sana sa sarong tagdo nin tubig; an mga isla siring sa alpog kagian.

Isaias 41:5

“An mga tawo sa hararayong mga daga nakahiling kan sakong ginibo, kaya pinagtarakigan sinda sa takot. Nagtiripon sinda asin nagdirigdi sinda gabos.

Isaias 42:10

Awitan nindo nin bagong awit an Kagurangnan; awita nindo an saiyang pag-omaw, bilog na kinaban! Omawon nindo siya, gabos na linalang sa dagat. Mag-awit kamo, mga harayong daga asin kamo gabos na nag-eerok diyan!

Isaias 42:4

Dai siya mawawaraan nin paglaom o kosog nin boot; papupusogon niya an hustisya sa kinaban. Hinahalat kan mga harayong daga an saiyang katukdoan.”

Isaias 49:1

Pagdangog kamo sako, harayong mga nasyon, kamong mga tawong nag-eerok sa harayong lugar! Bago ako namundag, pinili na ako nin Kagurangnan asin itinalaan nang magin saiyang sorogoon.

Isaias 51:5

Madatong tolos ako sa pagligtas sainda; harani na an panahon nin sakong kapangganahan. Ako mismo an masakop sa mga nasyon. Hinahalat kan hararayong daga an sakong pagdatong; may paglaom na naghahalat sinda sako nganing iligtas ko sinda.

Isaias 59:18

Papadusahan niya an saiyang mga kaiwal sosog sa saindang ginibo, maski idtong mga nag-eerok sa harayong mga daga.

Isaias 60:9

An mga sakayan na ini harale sa harayong mga daga; nakalunad diyan an banwaan nin Dios. May dara sindang plata saka bulawan tanganing omawon an ngaran nin Kagurangnan, an banal na Dios nin Israel, na nagpamuraway kan saiyang banwaan sa mata kan gabos na nasyon.

Jeremias 2:10

Lakaw pasiring sa amihan sa isla nin Chipre, o sugoa sa sirangan an sarong tawo, sa daga nin Kedar. Maaaraman mo na mayo kaidto nin nangyaring siring kaini.

Ezekiel 26:15

Ini an itinataram nin Kagurangnan Dios manongod sa Tiro, “Kun sinasakop na kamo, an mga tawo na nag-eerok sa tampi kan dagat matatakot sa mga kinurahaw kan mga ginagaradan.

Ezekiel 26:18

Ngunyan, sa aldaw nin pagkarumpag kaiyan, nagtarakig an mga isla. An saindang banwaan namomongnan kan siring na pagkatunaw.”

Daniel 11:18

Pakatapos kaiyan, sasalakayon niya an mga nasyon sa tampi kan dagat asin sasakopon niya an kadaklan sainda. Alagad dadaogon siya kan sarong dayuhan na lider asin tataposon kaini an saiyang kapaabaw-abawan; sa katotoohan ipapakakan kan lider na ini sa hade nin Siria an kapalangkawan kaini.

Sofonias 2:11

Tatakoton sinda nin Kagurangnan. Hahalean niya nin halaga an mga dios-dios kan daga, dangan sasambahon siya kan lambang nasyon, an lambang saro sa sadiri niyang daga.

Deuteronomio 32:8

An Kahorohalangkawe an nagtao sa mga nasyon kan saindang daga. Kan siriblagon niya an mga banwaan, asin bugtakan nin kasagkoran an mga daga, linaen na niya an mga aki ni Israel.