Genesis 10:32 - Marahay na Bareta Biblia

³² Iyo ini an mga pamilya kan mga aking lalaki ni Noe, sosog sa saindang mga kapagarakian. Sa sainda nagpoon an gabos na nasyon sa kinaban na nakalakop sa daga pakatapos kan baha.

Genesis 10:32 ပူးပေါင်းရင်းမြစ်များ

Genesis 10:1

Iyo ini an mga kapagarakian kan mga aking lalaki ni Noe na si Sem, Ham, asin Jafet. Sindang tolo nagkaigwa nin mga aking lalaki pakatapos kan baha.

Genesis 10:20

Iyo ini an mga aki ni Ham, na an lambang saro nagin dakulang nasyon na may sadiring daga asin lengwahe.

Genesis 10:25

Duwa an nagin aking lalaki ni Eber—an saro inapod niyang Peleg, huli ta sa panahon kaini nabanga an mga tawo sa daga; asin an ikaduwa, nginaranan niyang Joktan.

Genesis 10:31

Ini an mga aki ni Sem, na an lambang nasyon na may sadiring daga asin lengwahe.

Genesis 10:5

Sinda an mga ginikanan kan mga tawong nag-eerok sa mga baybayon asin sa mga isla. Sinda an mga aking lalaki ni Jafet, na an lambang saro nagin dakulang nasyon na may sadiring daga saka lengwahe.

Genesis 11:1

Kaidto, saro sana an lengwahe kan mga tawo sa kinaban.

Genesis 9:1

Benendisyonan nin Dios si Noe asin an saiyang mga aking lalaki dangan tinaraman, “Magkaigwa kamo nin dakul na mga aki tanganing an saindong kapagarakian makalakop sa bilog na daga.

Genesis 9:19

Sindang tolo an ginikanan kan gabos na tawo sa kinaban.

Genesis 9:7

“Kaipuhan na magkaigwa kamo nin dakul na aki tanganing an saindang kapagarakian makalakop sa bilog na daga.”

An Libro ni Job 15:19

Ligtas an saindang daga sa mga dayuhan; mayo nin madagka sainda na magrayo sa Dios.

Mga Gibo 17:26

Linalang niya an gabos na rasa sa kinaban gikan sa saro sanang tawo. Lambang linalang tinawan niya nin talaan na panahon na mabuhay asin nin lugar na eerokan.