Genesis 1:9 - Marahay na Bareta Biblia

⁹ Dangan nagboot an Dios, “Magkatiripon sa saro sanang lugar an katubigan sa irarom kan kalangitan tanganing mahiling an mamarang kadagaan,” asin ini nangyari.

Genesis 1:9 ပူးပေါင်းရင်းမြစ်များ

Genesis 1:8

An kahiwasan inapod niyang “Kalangitan.” Nagkahapon dangan nagkaaga: an ikaduwang aldaw.

Nehemias 9:6

Dangan an banwaan nin Israel namibi nin siring: “Kagurangnan, ika sana an Kagurangnan; linalang mo an kalangitan asin an mga bitoon sa kaitaasan. Linalang mo an daga saka an dagat, asin an gabos na yaon diyan; ika an nagtao nin buhay sa gabos. An langitnon na hukbo nagsasamba saimo.

An Libro ni Job 26:10

Linaen niya an liwanag sa kadikloman huli sa sarong bilog na saiyang ginibo sa ibabaw kan katubigan.

An Libro ni Job 26:7

Biniklad nin Dios an langit sa amihan dangan saiyang binitay an daga sa tahaw kan kahiwasan.

Salmo 104:3

Itinugdok mo an saimong harong sa ibabaw kan katubigan sa itaas. Ginamit mo an mga panganoron bilang karwahe, asin naglulunad ka sa mga pakpak kan doros.

Salmo 33:7

An gabos na dagat tinipon niya sa sarong lugar; an mga kaladman linaom niya sa mga sarayan.

Salmo 95:5

Saiya an dagat, huli ta ini ginibo niya; huli ta an mamarang daga hinaman kan saiyang mga kamot.

Parahulit 1:7

An gabos na salog minabulos pasiring sa dagat, alagad dai ini napapano. An tubig minabalik sa mga salog, tanganing padagos naman na magbulos.

Jeremias 5:22

Ako an Kagurangnan; tadaw ta dai kamo natatakot sako? Tadaw ta dai kamo tinatakigan sa atubangan ko? Ibinugtak ko an baybay bilang kasagkoran kan dagat, sarong kasagkoran na dai nanggad pwedeng balyohon. Maski mag-apwak digdi an dagat, o maghagubohob an mga alon, alagad dai sinda makakaibong.

Jonas 1:9

Nagsimbag si Jonas, “Hebreyo ako. Nagsasamba ako sa Kagurangnan, an Dios nin langit, an naglalang kan daga asin kan dagat.”

2 Pedro 3:5

Talagang tinutuyo nindang dai pahalagahan an katotoohan, na huli sa tataramon nin Dios kaidto, nalalang an langit asin an daga. An daga nahaman hale sa tubig asin huli sa tubig.

Kapahayagan 10:6

asin nagsumpa sa ngaran nin Dios na buhay sagkod pa man, an naglalang kan langit, daga, dagat saka kan gabos na yaon diyan. Nagsabi an anghel, “Dai na mahahaloy!