Genesis 1:3 - Marahay na Bareta Biblia

³ Nagboot an Dios, “Magkaigwa nin liwanag,” asin nagkaigwa nin liwanag.

Genesis 1:3 ပူးပေါင်းရင်းမြစ်များ

Genesis 2:4

Siring kaini an pagkalalang kan kalangitan asin kan daga. Kan gibohon nin Kagurangnan Dios an kalangitan asin an daga,

An Libro ni Job 36:30

Winawarak niya an saiyang kikilat sa palibot niya, alagad danay na madiklom an kairaroman kan dagat.

An Libro ni Job 38:19

“Aram mo daw kun saen naghahale an liwanag asin kun ano an ginigikanan kan kadikloman?

Salmo 104:2

natatahoban ka nin kaliwanagan. An kalangitan biniklad mo arog sa sarong tolda.

Salmo 118:27

An Kagurangnan iyo an Dios; siya an nagtao sato nin liwanag. Kapot an mga sanga, poonan na nindo an pyesta asin maglibot kamo sa altar.

Salmo 148:5

Omawon logod ninda an ngaran nin Kagurangnan! Huli ta nagboot siya, asin sinda nalalang.

Salmo 33:6

Sa pagboot nin Kagurangnan, nalalang an kalangitan, an aldaw, an bulan asin an mga bitoon huli kan saiyang tataramon.

Salmo 33:9

Kan magtaram siya, nahaman an kinaban; sa saiyang pagboot, nalalang an gabos.

Salmo 97:11

Ilaw minaliwanag sa mga matanos asin kaogmahan sa mga malinig an puso.

Isaias 45:7

Linalalang ko an liwanag saka an kadikloman; nagpapadara ako nin bendisyon saka kapahamakan. Ako, an Kagurangnan, an naggigibo kan gabos na iyan.

Isaias 60:19

“An aldaw bako na an magigin ilaw mo sa maghapon o an bulan an magliliwanag saimo sa bilog na banggi. Ako, an Kagurangnan, an saimong magigin liwanag sagkod lamang; an liwanag nin sakong kamurawayan iyo an magigin ilaw mo.

Mateo 8:3

Dinutaan siya ni Jesus kan kamot niya asin sinabihan, “Boot ko; malinigan ka!” Asin nahale tolos an saiyang daot.

Juan 1:5

An ilaw nagliliwanag sa kadikloman, asin dai nanggad iyan naparong kan kadikloman.

Juan 1:9

An tunay na ilaw, na nagtatao nin liwanag sa gabos na tawo, minadatong sa kinaban.

Juan 11:43

Pakasabi niya kaini, kuminurahaw siya, “Lazaro, lumuwas ka!”

Juan 3:19

Arog kaini an paagi kan paghukom; nagdigdi an ilaw sa kinaban, alagad orog na namotan kan tawo an kadikloman ki sa liwanag, huli ta maraot an mga gibo ninda.

2 Corinto 4:6

An Dios na nagsabi, “An ilaw maliwanag hale sa kadikloman!” Iyo man an Dios na nagtao nin liwanag sa puso ta, tanganing mamidbidan an orog pang kamurawayan na nasa lalawogon ni Cristo.

Efeso 5:14

huli ta an anoman na nahahayag, nagigin liwanag, kaya sinasabi, “Pagmata, ika na natotorog, magbangon ka hale sa mga gadan, asin liliwanagan ka ni Cristo.”

Efeso 5:8

Kaidto nasa kadikloman kamo, alagad poon na magin sadiri kamo nin Kagurangnan, nasa liwanag na kamo. Kaya maglakaw kamo siring sa mga aki nin liwanag,

1 Timoteo 6:16

Siya sana an mayong kagadanan; nabubuhay siya sa liwanag na mayo nin siisay man na makakadolok. Dai pa siya nahiling; dai siya nanggad mahihiling nin siisay man. Saiya an kaomawan asin an kapangyarihan na daing kataposan! Amen.

1 Juan 1:5

Ini an nadangog mi sa saiyang Aki saka ibinabareta mi saindo: an Dios ilaw, asin mayo nanggad nin anoman na kadikloman saiya.

1 Juan 2:8

Alagad an togon na isinusurat ko ngunyan saindo garo man sana bago, huli ta an katotoohan kaini nahihiling ki Cristo saka diyan sa saindo, asin huli ta an kadikloman nawawara na, dangan an tunay na ilaw nagliliwanag na.