Genesis 1:29 - Marahay na Bareta Biblia

²⁹ Itinatao ko saindo an gabos na klase nin tinanom na nagtatao nin banhi asin nin mga kahoy na nagtatao nin bunga; iyan an saindong magigin pagkakan.

Genesis 1:29 ပူးပေါင်းရင်းမြစ်များ

Genesis 2:16

Tinaraman niya an tawo, “Pwede mong kakanon an bunga kan arin man na kahoy digdi

Genesis 6:21

Magdara ka nin manlaen-laen na kakanon para saindo asin para sa mga hayop.”

Genesis 9:3

Itatao ko saindo bilang kakanon an lambang linalang na may buhay kaiba an mga berdeng tinanom. Itinatao ko saindo an gabos.

An Libro ni Job 36:31

Huli sa mga paaging ini hinuhukoman niya an mga nasyon; minatao siya nin labi-labing pagkakan.

Salmo 111:5

An mga natatakot saiya tinatawan niya nin pagkakan; dai niya nalilingawan an saiyang tipan.

Salmo 115:16

An langit sadiri nin Kagurangnan, alagad an daga itinao niya sa katawohan.

Salmo 136:25

Siya an nagtatao nin kakanon sa gabos na nabubuhay; an saiyang pagkamoot mayo nin kataposan.

Salmo 146:7

minapahiling siya nin hustisya sa inaapi; minatao nin kakanon sa nagugutom. Pinapatalingkas nin Kagurangnan an mga bilanggo;

Salmo 147:9

Kakanon itinatao niya sa mga hayop asin sa mga ogbon na uwak na minaapod saiya.

Salmo 24:1

Sadiri nin Kagurangnan an kinaban asin an kapanoan kaiyan, an daga saka an gabos na nag-eerok diyan;

Isaias 33:16

Dangan magigin ligtas kamo; magigin ligtas kamo na garo nasa laog nin sarong makosog na bantayan. Magkakaigwa kamo nin tinapay na kakakanon asin tubig na iinomon.

Oseas 2:8

Dai niya nanggad aakoon na ako an nagtao saiya nin trigo, arak, lana nin oliba, asin kan gabos na plata saka bulawan na ginamit niya sa pagsamba ki Baal.

Mateo 6:11

Itao mo samuya an samong kakanon sa aroaldaw.

Mga Gibo 14:17

Alagad danay siyang nagpapahiling nin mga patotoo tanganing mamidbidan nindo siya sa paagi kan mga karahayan na ginigibo niya: pinapadarhan niya kamo nin uran, tinatawan nin marahay na ani sa tamang panahon saka tinatawan pa niya kamo nin kakanon asin pinapano nin kaogmahan an saindong puso.”

Mga Gibo 17:28

huli ta, ‘Sa saiya kita nabubuhay, naghihiro, asin nagkakaigwa nin sadiring pagkatawo;’ siring sa sinabi kan nagkapira nindong poeta, ‘Kita mananggad mga aki niya.’

1 Timoteo 4:3

Ipinapangalad ninda an pag-agom asin itinutukdo ninda an pag-ayuno sa mga kakanon, na linalang nin Dios tanganing kakanon na may pasalamat kan mga nagtutubod asin nakakaaram kan katotoohan.

1 Timoteo 6:17

Pagbotan mo an mga mayaman sa kinaban na ini na dai sinda magin mapaabaw-abaw; dai sinda magsarig sa mga bagay na dai malalaoman arog baga kan kayamanan, kundi magsarig sa Dios na matinao sato kan gabos na bagay para sa satong kaogmahan.