Genesis 1:28 - Marahay na Bareta Biblia

²⁸ Benendisyonan niya sinda dangan tinaraman, “Magmabinunga asin magdakul kamo; panoon nindo an bilog na kinaban asin pamahalaan iyan. Magkaigwa kamo nin kapangyarihan sa mga sira, sa mga gamgam asin sa gabos na hayop.

Genesis 1:28 ပူးပေါင်းရင်းမြစ်များ

Genesis 1:22

Benendisyonan niya ini gabos asin tinaraman, “Magdakul kamo asin panoon nindo an kadagatan asin magdakul man an mga gamgam sa daga.”

Genesis 17:16

Bebendisyonan ko siya asin tatawan taka nin aking lalaki huli saiya. Bebendisyonan ko siya asin magigin ina siya nin mga nasyon patin magigin hade an ibang magikan saiya.”

Genesis 17:20

Nadangog ko an saimong pakimaherak manongod ki Ismael, kaya bebendisyonan ko siya asin tatawan nin dakul na aki asin kapagarakian. Magigin ama siya nin doseng prinsipe, asin gigibohon kong sarong dakulang nasyon an saiyang mga kapagarakian.

Genesis 24:60

Benendisyonan ninda si Rebecca asin sinabihan, “Tugang, magin ina ka logod nin dai mabilang na kaakian! Sakopon logod kan saimong kapagarakian an mga syudad kan saindang mga kaiwal!”

Genesis 26:24

Kan bangging idto, nagpahiling saiya an Kagurangnan asin nagtaram, “Ako an Dios kan saimong ama na si Abraham. Dai ka matakot, huli ta kaiba mo ako. Bebendisyonan taka asin papadakulon ko an saimong mga kapagarakian huli ki Abraham na sorogoon ko.”

Genesis 33:5

Kan mahiling ni Esau an kababaehan asin kaakian naghapot siya, “Siisay an mga kairiba mong ini?” Nagsimbag si Jacob, “Sinda an mga aking pinagmarahay nin Dios na itao sako.”

Genesis 49:25

An Dios nin saimong ama iyo an nagtatabang saimo An Makakamhan na Dios an nagbebendisyon saimo; Mga bendisyon nin uran hale sa itaas, Asin nin katubigan sa irarom nin daga, Bendisyon nin mga hayop saka nin mga aki.

Genesis 5:2

Linalang niya sindang lalaki asin babae, benendisyonan, dangan nginaranan, “Katawohan.”)

Genesis 6:1

Kan magpoon nang magdakul an katawohan sa bilog na kinaban, asin kan nag-araki na sinda nin mga babae,

Genesis 8:17

Iluwas man nindo an mga gamgam asin mga hayop tanganing magdakul dangan maglakop sinda sa bilog na daga.”

Genesis 9:1

Benendisyonan nin Dios si Noe asin an saiyang mga aking lalaki dangan tinaraman, “Magkaigwa kamo nin dakul na mga aki tanganing an saindong kapagarakian makalakop sa bilog na daga.

Genesis 9:7

“Kaipuhan na magkaigwa kamo nin dakul na aki tanganing an saindang kapagarakian makalakop sa bilog na daga.”

1 Mga Cronica 26:5

ikaanom si Ammiel, ikapito si Issakar, asin ikawalo si Peulletai.

1 Mga Cronica 4:10

Namibi si Jabez sa Dios nin Israel, “Bendisyonan mo man logod ako, O Dios, asin tawan mo ako nin dakul na daga. Ibahan mo man logod ako asin ilikay sa anoman na maraot na makakakulog sako.” Itinao nin Dios ki Jabez an saiyang hinagad.

An Libro ni Job 39:11

Magsasarig ka daw saiya huli ta makosog siya, asin ipapaniwala mo daw saiya an saimong magabat na trabaho?

An Libro ni Job 42:12

Benendisyonan nin Kagurangnan an huring kabtang kan buhay ni Job orog pa ki sa naenot. Nagkaigwa si Job nin katorse mil na karnero, seis mil na kamelyo, duwang ribong baka asin sangribong asno.

Salmo 107:38

Benendisyonan niya an saiyang banwaan, asin nagdakul sinda; dai niya itinugot na magdiit an saindang mga hayop.

Salmo 115:16

An langit sadiri nin Kagurangnan, alagad an daga itinao niya sa katawohan.

Salmo 69:34

Omawon siya kan daga asin kalangitan, kan mga dagat asin kan gabos na yaon diyan.

Salmo 8:6

Tinawan mo siya nin kapangyarihan sa gabos mong linalang, ibinugtak mo an gabos sa irarom nin saiyang mga bitis;

Salmo 8:7

an mga karnero asin mga baka, siring man an mga maringis na hayop;

Isaias 45:18

Linalang nin Kagurangnan an kalangitan— siya sana an Dios! Pinorma niya asin ginibo an kinaban— pinapusog niya iyan asin iyan magdadanay. Dai niya iyan ginibong sarong lugar na mamondo, kundi ginibo niyang sarong lugar na eerokan nin tawo. Siya iyo an nagsasabing, “Ako an Kagurangnan, asin pwera sako mayo na nin ibang dios.

Levitico 26:9

Bebendisyonan ko kamo saka tatawan nin dakul na aki; ootobon ko an sakong tipan sa saindo.

1 Timoteo 4:3

Ipinapangalad ninda an pag-agom asin itinutukdo ninda an pag-ayuno sa mga kakanon, na linalang nin Dios tanganing kakanon na may pasalamat kan mga nagtutubod asin nakakaaram kan katotoohan.