Genesis 1:24 - Marahay na Bareta Biblia

²⁴ Dangan nagboot an Dios, “Magkaigwa sa daga kan gabos na hayop: manso asin lalaw, dakula saka sadit,”—asin nangyari ini.

Genesis 1:24 ပူးပေါင်းရင်းမြစ်များ

Genesis 1:23

Nagkahapon dangan nagkaaga: an ikalimang aldaw.

Genesis 2:19

Hale sa daga ginibo nin Kagurangnan Dios an gabos na hayop asin gamgam dangan dinara niya an mga ini sa tawo tanganing ngaranan; an inginaran sainda iyo na an pag-apod sainda.

Genesis 7:14

Kaiba man ninda an gabos na klase nin hayop, manso asin lalaw, dakula asin sadit, saka an gabos na klase nin gamgam.

Genesis 8:19

Dangan grupo-grupong nagruluwas man sa arka an gabos na hayop asin gamgam sosog sa manlaen-laen na klase ninda.

An Libro ni Job 39:1

Aram mo daw kun nuarin namumundag an lalaw na mga kanding? Namasdan mo na daw an pag-ogbon kan usa?

An Libro ni Job 39:19

“Job, ika daw an nagtao nin kosog sa kabayo? Ika daw an nagtao nin haralabang buhok sa saiyang liog?

An Libro ni Job 39:5

“Siisay an nagtao sa lalaw na asno kan saiyang katalingkasan? Siisay an naghubad kan mga gapos kan asnong marikas,

An Libro ni Job 39:9

“An lalaw na baka boot daw na maglingkod saimo? Papalihison daw niya an sarong banggi sa saimong kwadra?

An Libro ni Job 40:15

“Hilinga an impakto na si Behemot, na sakong linalang siring na ika linalang ko; arog kan baka, nagkakakan siya nin doot.

Salmo 104:18

An haralangkaw na bukid para sa mga lalaw na kanding; an kagapoan sarong pailihan para sa mga kuneho.

Salmo 104:23

An tawo minaluwas sa pagtrabaho asin minatrabaho siya sagkod magbanggi.

Salmo 148:10

mga hayop na maringis asin magaro, mga hayop na nagkakamang asin mga gamgam na naglalayog!