Genesis 1:2 - Marahay na Bareta Biblia

² an kinaban mayo nin ano man na porma saka laog. An nag-aalimbukay na kadagatan na minatahob kaini napapatos nin kadikloman asin an espiritu nin Dios naghihiro sa ibabaw kan katubigan.

Genesis 1:2 ပူးပေါင်းရင်းမြစ်များ

An Libro ni Job 26:14

Alagad an mga ini sadit sanang kabtang kan saiyang kakayahan, mga hininghing sana na satong nadangog. Siisay an makakasabot kan kadakulaan kan saiyang kapangyarihan?”

An Libro ni Job 26:7

Biniklad nin Dios an langit sa amihan dangan saiyang binitay an daga sa tahaw kan kahiwasan.

An Libro ni Job 38:9

Ako an nagtahob kan dagat nin mga panganoron asin nagpatos kaiyan sa kadikloman.

An Libro ni Job 41:32

An maagihan niya nagigin makinang na dalan, asin pinapangagi niyang maputing subo an dagat.

Salmo 104:30

Alagad kun isinusubol mo an saimong Espiritu, sinda nagkakaburuhay; binabago mo an lalawogon nin kinaban.

Salmo 104:6

Tinahoban mo ini kan dagat siring sa gubing; an mga tubig nakalabaw sa kabukidan.

Salmo 136:6

An daga itinugdok niya sa ibabaw kan katubigan; an saiyang pagkamoot mayo nin kataposan.

Salmo 148:7

Hale sa daga omawon nindo an Kagurangnan; kamong nabubuhay sa dagat asin kamong mga kairaroman.

Salmo 33:6

Sa pagboot nin Kagurangnan, nalalang an kalangitan, an aldaw, an bulan asin an mga bitoon huli kan saiyang tataramon.

Mga Talinhaga 8:24

Namundag ako kan mayo pa an kadagatan, kan mayo pa an mga burabod nin tubig.

Isaias 31:5

Siring na an sarong gamgam naglalayog sa tangod kan saiyang salagan nganing ingatan an saiyang mga siwo, siring man ako, an Kagurangnan nin mga hukbo, an maingat sa Jerusalem asin masurog kaiyan.”

Isaias 45:18

Linalang nin Kagurangnan an kalangitan— siya sana an Dios! Pinorma niya asin ginibo an kinaban— pinapusog niya iyan asin iyan magdadanay. Dai niya iyan ginibong sarong lugar na mamondo, kundi ginibo niyang sarong lugar na eerokan nin tawo. Siya iyo an nagsasabing, “Ako an Kagurangnan, asin pwera sako mayo na nin ibang dios.

Jeremias 4:23

Hiniling ko an daga—mayo ini nin porma saka laog; an kalangitan—mayo ini nin ilaw.

Nahum 2:10

An Nineve raot na, binayaan na nin tawo, asin mamondo! Nanluluya na sa takot an mga puso; nagtatakig an mga tuhod, mayo na an kosog; nanlolongsi an mga lalawogon.

2 Corinto 4:6

An Dios na nagsabi, “An ilaw maliwanag hale sa kadikloman!” Iyo man an Dios na nagtao nin liwanag sa puso ta, tanganing mamidbidan an orog pang kamurawayan na nasa lalawogon ni Cristo.

Deuteronomio 32:11

Ilinigtas nin Kagurangnan an Israel. Siring sa agila, na sa pagtukdo na makalayog an saiyang siwo, sinasalo niya sinda sa nakaunat niyang pakpak, tanganing dai mahulog.