Genesis 1:14 - Marahay na Bareta Biblia

¹⁴ Dangan nagboot an Dios, “Magtunga sa kalangitan an mga ilaw tanganing masuhay an aldaw sa banggi, asin tanganing maaraman kun nuarin mapoon an mga aldaw, an mga taon patin an mga panahon.

Genesis 1:14 ပူးပေါင်းရင်းမြစ်များ

Genesis 1:13

Nagkahapon dangan nagkaaga: an ikatolong aldaw.

Genesis 1:15

Magliliwanag an mga ini sa kalangitan tanganing magtao nin liwanag sa daga.” Nangyari ini.

Genesis 8:22

Sagkod na yaon pa an kinaban, magkakaigwa nin panahon nin pagtanom asin pag-ani, nin lipot asin init, nin tig-init asin tig-uran, nin aldaw asin banggi.”

Genesis 9:13

ibinubugtak ko an bulalangaw sa mga panganoron. Iyan an magigin tanda kan pakikipagtipan ko sa kinaban.

An Libro ni Job 25:3

May makakabilang daw kan saiyang mga hukbo? Siisay an dai nasisirangan kan saiyang liwanag?

An Libro ni Job 25:5

Uya, maski an bulan bakong maliwanag asin an mga bitoon bakong malinig; sa atubang niya;

An Libro ni Job 3:9

Hare pagtugot na magliwanag saiya an bitoon na makaaga; maglaom logod iyan sa pagdatong nin liwanag, na dai nanggad madatong, ni makahiling kan pirok kan kaagahon;

Salmo 119:91

Nagdadanay sagkod ngunyan an gabos na bagay huli kan saimong kabotan; huli ta sorogoon mo an mga iyan.

Salmo 148:3

Omawon nindo siya, aldaw asin bulan; omawon nindo siya, mga bitoon na maliwanag.

Salmo 148:6

Nagboot siya na mamugtak sinda sa saindang mga lugar sagkod pa man, asin dai ninda pwedeng lapason iyan.

Salmo 150:1

Omawon an Kagurangnan! Omawon an Dios sa saiyang Templo! Omawon siya sa saiyang pusog na kalangitan!

Salmo 81:3

Patanoga nindo an trompeta sa aldaw nin pyesta, kun gimata an bulan asin kun kabilogan kaiyan.

Isaias 40:26

Hilinga nindo an langit! Siisay an naglalang kan mga bitoon na saindong nahihiling? Siya na nangengenot sainda paluwas arog sa sarong hukbo, siya an nakakaaram kan saindang bilang, asin saro-saro niyang inaapod an saindang ngaran! Dakulang marahay an saiyang kapangyarihan— kaya mayong nawawara sainda maski saro man!

Jeremias 10:2

Nagsabi siya, “Dai nindo pag-arogon an gibo kan ibang mga nasyon; dai kamo matakot sa mga tanda na nahihiling sa kalangitan, maski natatakot kaiyan an ibang mga nasyon.

Jeremias 31:35

An Kagurangnan iyo an nagtatao kan aldaw, bilang ilaw kun aldaw, an bulan asin an mga bitoon tanganing maliwanag kun banggi. Pinapahiro niya an dagat kaya naghahagubohob an mga alon; Kagurangnan nin mga hukbo an saiyang ngaran.

Jeremias 33:20

“Nakipagtipan ako sa aldaw saka sa banggi, tanganing magdatong sinda sa tama nindang panahon, asin an tipan na iyan dai nanggad mababago.

Jeremias 33:25

Alagad ako, an Kagurangnan, nakipagtipan sa aldaw saka sa banggi, asin an ginibo ko an mga pagboot na sinusunod sa daga saka sa langit.

Ezekiel 46:1

Ini an itinataram nin Kagurangnan Dios, “An trangkahan kan patyong nasa laog na atubang sa sirangan kaipuhan serado sa laog kan anom na aldaw nin pagtrabaho, alagad kaipuhan bukas iyan sa aldaw nin Sabbath asin sa Pyesta kan Bagong Bulan.

Ezekiel 46:6

Kun Pyesta kan Bagong Bulan, madolot siya nin sarong torilyong baka, anom na kordero asin sarong lalaking karnero na gabos mayo nin kaninan.

Joel 2:10

Tinatakigan an daga mantang nagdadangadang sinda; minakobog-kobog an kalangitan. Minadiklom an aldaw saka an bulan, asin dai minaliwanag an mga bitoon.

Joel 3:15

An aldaw saka an bulan nagdidiklom, asin dai na nagliliwanag an mga bitoon.

Amos 5:8

An Kagurangnan an naggibo kan mga bitoon, kan Pleiades asin kan Orion. Pinapangagin niyang kaliwanagan an kadikloman, asin an aldaw pinapangagin niyang banggi. Inaapod niya an katubigan kan dagat dangan inuula niya iyan sa kinaban. Kagurangnan an saiyang ngaran.

Amos 8:9

Maabot an panahon na pasusulnopon ko an aldaw sa kaodtohan asin papadiklomon ko an kinaban maski aldaw. Ako, an Kagurangnan Dios, an nagtaram.

Mateo 2:2

Naghapot sinda, “Haen an omboy na namundag na magigin hade kan mga Judio? Nahiling mi an saiyang bitoon sa sirangan kaya nagdigdi kami nganing sambahon siya.”

Mateo 24:29

“Pakatapos tolos kan kasakitan sa panahon na iyan, madiklom an aldaw, dai na maliwanag an bulan, mahuhulog an mga bitoon, asin magkakayorogyog an mga planeta sa kaawagan nin langit.

Markos 13:24

“Pakalihis kan panahon nin kasakitan, madiklom an aldaw, dai na maliwanag an bulan,

Lukas 23:45

dangan nabanga sa tahaw an kurtina na nasa laog kan Templo.

Deuteronomio 4:19

Magmaan kamo ta tibaad sambahon nindo asin paglingkodan an nahihiling nindo sa langit—an aldaw, an bulan, saka an mga bitoon. Itinao nin Kagurangnan na saindong Dios an mga ini sa ibang mga banwaan tanganing saindang pagsambahon.

Kapahayagan 6:12

Nahiling ko na tinangkas kan Kordero an ikaanom na selyo. Naglinog nin makosog, nagdiklom an aldaw arog kan itom na tela, saka an bulan nagpula na garo dugo;

Kapahayagan 8:12

Dangan pinatanog kan ikaapat na anghel an saiyang trompeta. Nagdiklom an ikatolong kabtang kan aldaw, an ikatolong kabtang kan bulan asin an ikatolong kabtang kan mga bitoon, kaya nawara an ikatolong kabtang kan saindang liwanag. Nainaan nin ikatolong kabtang an liwanag kan aldaw, saka nadagdagan nin ikatolong kabtang an kadikloman kan banggi.

Kapahayagan 9:2

Kan bukasan kan bitoon an dai matugkad na kairaroman, nagluwas an aso na garo hale sa dakulang horno; nagdiklom an aldaw asin an kaitaasan.