Galacia 6:7 - Marahay na Bareta Biblia

⁷ Dai nindo pagdayaon an sadiri nindo; an Dios dai maloloko nin siisay man. Kun ano an itinanom nin tawo, iyan man an saiyang aanihon.

Galacia 6:7 ပူးပေါင်းရင်းမြစ်များ

2 Corinto 9:6

Giromdoma nindo ini: an nagtatanom nin dikit, dikit man an aanihon; an nagtatanom nin dakul, dakul man an aanihon.

Oseas 10:12

Nagsabi ako, ‘Aradohon nindo asin tanoman nin katanosan an dai pa natatanoman na daga, dangan anihon an mga biyaya na magigin bunga kan saindong pagigin maimbod sako. Panahon na tanganing magbalik kamo sako, an saindong Kagurangnan, asin madatong ako dangan mawaras nin mga biyaya sa saindo.’

An Libro ni Job 4:8

Siring sa sakong nahiling, an mga nag-aarado sa karatan asin nagtatanom nin kasakitan nag-aani man sana kaiyan.

1 Corinto 15:33

Dai kamo magpadaya: “An mga maraot na kairiba, nakakaraot kan marahay na ugale.”

Mga Talinhaga 11:18

Mayong marahay na makukua an maraot na tawo, alagad an nagtatanom nin katanosan magkakamit nin marahay na balos.

Mga Talinhaga 1:31

kakakanon nindo an bunga kan saindong gibo asin mababaldi kamo sa saindong mga plano.

Efeso 5:6

Dai kamo magpadaya sa kiisay man na nagsasabi kan mga bagay na mayo nin kahulogan; an mga bagay na iyan an dahelan kan pag-abot kan kaanggotan nin Dios sa mga dai nagkukuyog saiya.

Oseas 8:7

Huli ta nagtanom sinda nin doros, mag-aani sinda nin bagyo! An trigo na dai namumunga, dai makukuahan nin arina. Alagad maski mamunga pa iyan, an mga dayuhan man sana an makakan kaiyan.

1 Corinto 6:9

Dai nindo naaaraman na an mga maraot dai magmamana sa Kahadean nin Dios? Dai nindo paglokohon an sadiri nindo. An mga nakikidorog sa bakong agom, nagsasamba sa mga dios-dios, nagsasambay, nagdodorog sa magkasi lalaki o magkasi babae,

Mga Talinhaga 6:14

Karatan an nasa laog kan madaya niyang puso; maski saen, siya an nagpopoon nin iriwal.

An Libro ni Job 15:31

Kun magpakalolong siya sa pagsarig sa karatan, an karatan an magigin balos niya.

Lukas 16:25

Alagad sinabihan siya ni Abraham, ‘Aki ko, giromdoma na kan nabubuhay ka pa sa daga, nakamtan mo an gabos na kaginhawahan, mantang si Lazaro anas pagtios. Ngunyan nasa kaginhawahan siya digdi mantang ika nagtitios.

Santiago 1:22

Bako sanang dangogon nindo an tataramon nin Dios kundi gibohon; ta kun dai, kamo man sana an nagdadaya sa sadiri nindo.

1 Juan 3:7

Mga aki ko, dai kamo magpadaya sa kiisay man! An siisay man na naggigibo nin tama, matanos arog ni Cristo.

Obadias 1:3

Dinaya ka kan saimong kapalangkawan. An pangenot mong syudad sarong bantayan na gapo; an saimong erokan nasa halangkaw na lugar sa kabukidan, kaya nagsasaboot kang, ‘Siisay an makakapababa sako?’

Galacia 6:3

Kun igwang naghohona na siya mahalaga, maski sa katunayan bako man, dinadaya niya an sadiri niya.

Santiago 1:26

An naghohona na siya maki-Dios, alagad dai tataong magpugol kan saiyang dila, nagdadaya sa sadiri niya; an saiyang pagkamaki-Dios mayong halaga.

1 Corinto 3:18

Dai nindo pagdayaon an sadiri nindo. Kun may naghohona saindo na siya madonong sosog sa kinaban na ini, dapat siyang magin garo lolong, tanganing magin siyang talagang madonong.

1 Juan 1:8

Kun magsabi kita na mayo kita nin kasalan, dinadaya ta an sadiri ta, asin mayo sato an katotoohan.

Lukas 21:8

Nagsimbag si Jesus, “Mag-ingat kamo; dai kamo magpadaya. Huli ta dakul an madigdi sa ngaran ko na magsasabi, ‘Ako an Cristo!’ o ‘Nag-abot na an oras!’ Dai kamo magtubod sainda.

Judas 1:18

Sinabihan ninda kamo, “Sa huring mga aldaw, matunga an mga tawong mag-oolog-olog saindo; mga tawong nagsusunod kan saindang maraot na mga kamawotan.”

2 Tesalonica 2:3

Dai kamo magpadaya sa kiisay man sa anoman na paagi. Huli ta bago umabot an Aldaw na iyan mangyayari ngona an huring pagrebelde tumang sa Dios asin matunga ngona an Maraot na itinalaga sa impyerno.

Jeremias 37:9

Ako, an Kagurangnan, nagpapatanid saimo na dai mo pagdayaon an saimong sadiri sa pag-isip na dai na mabalik an mga taga Babilonia, huli ta mabalik sinda.

Oseas 10:13

Alagad embes na gibohon nindo iyan, nagtanom kamo nin karatan asin nag-ani kan bunga kaiyan. Kinakan nindo an bunga kan saindong mga kaputikan. “Huli ta nagsarig kamo sa saindong mga karwahe asin sa dakul nindong soldados,

Ezekiel 14:5

Pinaharayo sa sako kan mga dios-dios na iyan an mga Israelita, alagad huli kan sakong simbag, linalaom kong magigin maimbod giraray sinda sako.