Galacia 5:4 - Marahay na Bareta Biblia

⁴ Kamong mga naghihingowa na magin matanos sa Dios huli sa Katogonan, siblag na ki Cristo. Napasuhay kamo sa biyaya nin Dios.

Galacia 5:4 ပူးပေါင်းရင်းမြစ်များ

Roma 11:6

Pinili sinda nin Dios huli kan saiyang biyaya, bakong huli sa mga ginibo ninda; ta kun dahel sa gibo, an biyaya nin Dios bakong tunay na biyaya.

Roma 3:20

Huli ta mayo nin siisay man na magigin matanos sa Dios huli sana sa pagsunod kan Katogonan; an Katogonan iyo an nagpapamidbid sa tawo na siya nagkasala.

Galacia 2:21

Dai ko isinisikwal an biyaya nin Dios. Huli ta kun an tawo nagigin matanos sa Dios sa paagi kan Katogonan, mayong halaga an pagkagadan ni Cristo.

Galacia 5:2

Hinanyoga nindo ako! Ako, si Pablo, an nagsasabi saindo na kun magpaserkomsisyon kamo, nangangahulogan na si Cristo mayo nin halaga para saindo.

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.

Hebreyo 4:1

Kaya mantang nagdadanay an panuga nin Dios na makakalaog kita sa pahingaloan niya, mag-ingat kita tanganing mayong masabi na dai kita nakapasar sa paglaog duman.

Kapahayagan 2:5

Kaya giromdoma an ginikanan mo kan ika nahulog! Magbakle ka dangan gibohon mo giraray an dati mong ginigibo kaidto. Ta kun dai ka magbakle, madiyan ako asin hahaleon ko an saimong kandelero sa namumugtakan kaiyan.