Galacia 4:8 - Marahay na Bareta Biblia

⁸ Kaidto na bako pa nindo midbid an Dios, oripon kamo kan mga espiritu na bakong hale sa Dios.

Galacia 4:8 ပူးပေါင်းရင်းမြစ်များ

2 Mga Cronica 13:9

Pinahale nindo an mga padi nin Kagurangnan, an kapagarakian ni Aaron, saka an mga Levita dangan nagbugtak kamo nin mga padi arog kan ginibo kan ibang mga nasyon. An siisay man na magdolok na may darang ogbon na baka o pitong karnero, pwedeng konsagrahon bilang padi kan inaapod nindong mga dios-dios.

Exodo 5:2

“Siisay an Kagurangnan na iyan?” an hapot kan hade. “Tano ta pagdangogon ko siya asin pahaleon ko an mga Israelita? Dai ko midbid an Kagurangnan, asin dai ko nanggad tutugotan na humale an mga Israelita.”

Isaias 37:19

Sinurulo ninda an mga dios kan mga nasyon na iyan na bako man talagang mga dios, kundi mga kahoy saka gapo na ginibo nin tawo.

Jeremias 10:25

Iula mo an labi-labi mong kaanggotan sa mga nasyon na dai nagmimidbid saimo, asin sa mga tawo na dai nag-aapod kan saimong ngaran. Ginadan ninda an saimong banwaan; rinonot nanggad ninda kami asin binayaan nindang raot an samong daga.

Jeremias 16:20

Makakagibo daw an tawo nin sadiri niyang mga dios? Dai! Kun gumibo siya, an mga iyan dai pwedeng magin totoong dios.”

Jeremias 2:11

Igwa daw nin nasyon na nagribay kan saiyang mga dios-dios, maski ngani an mga iyan bakong tunay? Alagad rinibayan ako kan sakong banwaan, ako na nagtao sainda nin kaomawan, irinibay sako an mga dios-dios na dai makakatabang sainda.

Jeremias 5:7

Naghapot an Kagurangnan, “Tadaw ta papatawadon ko an kasalan kan sakong banwaan? Binayaan ninda ako asin nagsamba sinda sa mga dios na bako man totoong dios. Pinakakan ko an sakong banwaan sagkod na sinda nabasog, alagad nakidorog sinda sa bako nindang agom saka sinayang ninda an saindang panahon sa mga babaeng maraot.

Juan 1:10

An Tataramon yaon sa kinaban asin ginibo nin Dios an kinaban sa paagi niya, alagad dai siya namidbid kan kinaban.

Mga Gibo 14:12

Inapod nindang Zeus si Bernabe asin Hermes si Pablo, huli ta ini an parataram.

Mga Gibo 17:23

Huli ta sa paglakaw-lakaw ko, namasdan ko an mga lugar na pinagsasambahan nindo asin nahiling ko man an sarong altar na may nasusurat nin siring, ‘Sa Dios na Dai Midbid.’ An Dios na ini na sinasamba nindo maski dai nindo midbid, iyo an Dios na irinurukyaw ko saindo.

Roma 1:23

Tinalikodan ninda an Dios na mayong kagadanan; an sinamba ninda iyo an mga ginibong ladawan na kabaing sa mga tawo o mga gamgam o mga hayop na apat an bitis asin mga hayop na nagkakamang.

Roma 1:28

Huli ta habo sindang magmidbid sa Dios, pinabayaan na niya sinda sa mga maaati nindang kaisipan, saka sa mga sala nindang gibo.

1 Corinto 1:21

Huli sa kadonongan nin Dios, ginibo niyang imposible para sa mga tawo na mamidbidan siya sa paagi kan sadiri nindang kadonongan. Alagad pinagmarahay nin Dios na iligtas an mga minatubod saiya huli kan Marahay na Bareta na ipinaghuhulit mi, maski sa paghona kan ibang mga tawo an mensaheng iyan kalolongan.

1 Corinto 12:2

Aram nindo na kan kamo bako pang mga paratubod, nadara kamo sa manlaen-laen na paagi nin pagsamba sa mga dios-dios na mayong buhay.

1 Corinto 8:4

Kun siring, ini an masasabi ko dapit sa pagkakan na idinolot sa mga dios-dios: aram nyato na an mga dios-dios minarepresentar sa mga mayo nin buhay; aram nyato na saro sana an Dios.

Galacia 4:3

Siring man kita kaiyan kan aki pa kita sa pagtubod, nasa irarom pa kita kan mga espiritung nagsasakop kan kinaban.

Efeso 4:18

mayo sinda nin pakasabot. Mayo sindang kabtang sa buhay na itinao nin Dios, huli kan saindang kamangmangan saka katagasan nin puso.

1 Tesalonica 1:9

huli ta sinda mismo an nagbabareta kun paano nindo kami inako kan dalawon mi kamo; kun paano an pagtalikod nindo sa mga dios-dios tanganing makapaglingkod kamo sa totoo saka buhay na Dios,

1 Tesalonica 4:5

bakong sa karigsokan arog kan mga pagano na dai nakakamidbid sa Dios.

2 Tesalonica 1:8

nganing padusahan an mga habong magmidbid sa Dios saka an mga dai nagkukuyog kan Marahay na Bareta ni Jesus na Kagurangnan.

Josue 24:15

Kun habo nindong maglingkod saiya, magpili kamo ngunyan kun siisay an saindong paglilingkodan, an mga dios-dios na dating sinasamba kan saindong mga ginikanan sa Mesopotamia o an mga dios-dios kan mga Amoreo, na an saindang daga iyo an saindong pinag-eerokan ngunyan. Alagad para sako asin para sa sakong pamilya, an Kagurangnan an samong paglilingkodan.”

Josue 24:2

Sinabihan ni Josue an mga tawo, “Iyo ini an tataramon nin Kagurangnan, an Dios nin Israel: ‘Kaidtong panahon, an saindong mga ginikanan nag-erok sa ibong kan Salog nin Eufrates asin nagsamba sa ibang mga dios. An saro sa mga ginikanan na ini iyo si Tera, na ama ni Abraham asin ni Nahor.

1 Pedro 4:3

Kanigoan nang panahon an ginamit nindo kaidto sa paggibo kan ginigibo kan mga pagano. Namuhay kamo sa karigsokan, sa mga kamawotan nin laman, sa bururatan, sa sobrang karakanan, sa irinoman asin sa pagsamba sa mga ipinangangalad na dios-dios.

1 Juan 3:1

Hilingon nindo kun gurano kadakula an pagkamoot nin Dios sa sato, kun kaya inapod kitang mga aki nin Dios, asin iyan totoo. Dai kita midbid kan kinaban nin huli ta bakong midbid kaiyan an Dios.