Galacia 3:1 - Marahay na Bareta Biblia

¹ Mga lolong na taga Galacia! Siisay an nakalumay saindo? Malinaw na ipinahayag saindo an pagkagadan ni Jesu-Cristo sa krus!

Galacia 3:1 ပူးပေါင်းရင်းမြစ်များ

Mateo 24:24

Huli ta madatong an mga bakong tunay na Cristo asin an mga bakong tunay na propeta. Magibo sinda nin mga darakulang tanda saka mga ngangalasan tanganing mapatubod ninda an mga tawo, kun posible sagkod an mga tawong pinili nin Dios.

Mateo 7:26

An nagdadangog kaining mga itinaram ko alagad dai nagkukuyog kaiyan, nakakaagid sa tawong lolong na nagtugdok kan harong niya sa baybay.

Lukas 24:25

Dangan sinabihan sinda ni Jesus, “Mga lolong! Mga kulang sa pagtubod sa gabos na sinabi kan mga propeta!

Mga Gibo 16:6

Nag-agi sinda sa rehiyon nin Frigia asin Galacia, huli ta dai sinda tinugotan kan Espiritu Santo na maghulit kan mensahe nin Dios sa Asia.

Mga Gibo 6:7

Padagos an paglakop kan tataramon nin Dios. Padagos man an pagdakul kan mga disipulo sa Jerusalem; dakul man na padi an nakombertir sa pagtubod.

Roma 10:16

Alagad bakong gabos na tawo minaako kan Marahay na Bareta. Si Isaias nagsabi, “Kagurangnan, siisay an nagtubod kan samong bareta?”

Roma 2:8

Alagad an mga tawo na sadiring karahayan sana an iniisip asin habong magmidbid kan tama, huli ta mas sinusunod ninda an sala, maako kan makuring kaanggotan nin Dios.

Roma 6:17

Totoo na kamo mga oripon kaidto kan kasalan, alagad salamat sa Dios ta ngunyan nagkukuyog na kamo nin tudok sa puso kan mga katukdoan na inako nindo.

1 Corinto 11:26

Huli ta sa lambang pagkakan nindo kan tinapay na ini dangan pag-inom sa kalis na ini, ipinapahayag nindo an pagkagadan kan Kagurangnan sagkod na siya magbalik.

1 Corinto 2:2

Pinagmarahay kong lingawan an gabos pwera ki Jesu-Cristo, asin orog na an pagkagadan niya sa krus.

2 Corinto 10:5

Rinurumpag mi an mga putik na argumento; ginagaba mi an lambang kapaabaw-abawan na nakakaolang sa pakamidbid sa Dios; binibihag mi an gabos na pag-isip tanganing magkuyog ki Cristo.

2 Corinto 11:3

Alagad natatakot ako na tibaad arog ki Eva na nadaya kan katusohan kan halas, an saindong mga isip mapasuhay sa tunay saka totoong debosyon ki Cristo.

Galacia 1:2

An surat na ini hale man sa mga tugang sa pagtubod na kaibahan ko, para sa mga simbahan nin Galacia:

Galacia 1:6

Nagngangalas ako kun tadaw ta minabaya tolos kamo sa Dios na nag-apod saindo huli sa biyaya ni Cristo, dangan minasunod kamo sa ibang “marahay na bareta.”

Galacia 2:14

Kan mahiling ko na dai sinda nagsusunod kan katotoohan kan Marahay na Bareta, sinabihan ko si Pedro sa atubangan ninda gabos, “Saro kang Judio, alagad namumuhay ka siring sa pagano, asin bakong siring sa Judio. Kun siring kaiyan, paano mo mapipirit na mamuhay an mga pagano siring sa mga Judio?”

Galacia 3:3

Siring kamo kaiyan kalolong? Nagpoon kamo sa Espiritu nin Dios; boot na nindong taposon sa laman?

Galacia 4:9

Ngunyan na midbid na nindo an Dios—o an dapat kong sabihon, ngunyan midbid na kamo nin Dios—tadaw ta boot nindong magbalik sa mga maluluya saka makaheherak na mga espiritu? Nganing kamo magin oripon giraray ninda?

Galacia 5:11

Mga tugang, kun naghuhulit pa ako na kaipuhan an pagserkomsisyon, siring kan sinasabi ninda, tadaw ta pinapasakitan pa ako sagkod ngunyan? Kun totoo man iyan, dai na kutanang problema an paghulit ko manongod sa krus ni Cristo.

Efeso 3:8

Ako an pinakamenos sa gabos na mga banal. Alagad itinao sako an biyaya nin paghulit kan Marahay na Bareta sa mga pagano dapit sa daing sukol na kayamanan ni Cristo,

Efeso 4:14

Dangan bako na kitang arog kan mga aking sadit na madaling ianod saka ipadpad kan katukdoan kan mga tusong tawo na minakabit sa iba sa salang dalan sa paagi kan saindang mga pagdaya asin pagputik.

Efeso 5:15

Kaya mag-ingat kamo sa saindong pamumuhay. Mamuhay kamo siring sa mga madonong, bakong siring sa mga tawong mangmang.

Deuteronomio 32:6

Arog kaini an pagbalos nindo sa Kagurangnan, kamo na sarong lolong asin mayong isip na banwaan? Siya an saindong ama, saindong Kaglalang, an nagpatindog saindo bilang sarong banwaan.

2 Tesalonica 1:8

nganing padusahan an mga habong magmidbid sa Dios saka an mga dai nagkukuyog kan Marahay na Bareta ni Jesus na Kagurangnan.

Hebreyo 11:8

Huli sa pagtubod, nagkuyog si Abraham kan apodon siya nin Dios; nagduman siya sa daga na ipinanuga nin Dios saiya bilang pamana. Binayaan niya an sadiri niyang daga maski dai niya aram kun saen siya maduman.

Hebreyo 5:9

Kan maotob na niya ini, siya nagin burabod nin kaligtasan na daing kataposan para sa gabos na nagkukuyog saiya.

1 Pedro 1:22

Ngunyan na malinig na an saindong buhay huli sa pagkuyog kan katotoohan, dangan igwa na kamo nin tunay na pagkamoot sa kapwa nindo mga paratubod, magkaminorootan kamo nin tudok sa puso.

1 Pedro 4:17

Nagdatong na an panahon kan pagpoon kan Paghukom nin Dios; huhukoman niyang enot an mga tawong sadiri niya. Kun sato siya magpoon, ano daw an kataposan kan mga tawong dai nagtutubod sa Marahay na Bareta nin Dios?

2 Pedro 2:18

Halangkaw sindang manaramtaram alagad mayong laog; dinadagka ninda sa paagi kan mga karompotan nin laman an mga dai pa nahaloy na makasuhay sa kaibahan kan tawong sala an pamumuhay.

Kapahayagan 18:3

Huli ta an gabos na nasyon nag-inom kan arak nin saiyang karigsokan. An mga hade sa kinaban nakipagdorogan saiya asin an mga negosyante sa daga nagyaman huli kan sobra niyang kapasloan sa laman.”

Kapahayagan 2:20

Alagad igwa ako nin masasabi tumang saimo: tinutugotan mo an babaeng si Jezebel, na nagsasabing propeta siya nin Dios. Nagtutukdo siya asin dinadaya niya an sakong mga sorogoon tanganing maggibo nin karigsokan saka magkakan nin mga inatang sa mga dios-dios.

1 Samuel 13:13

Sinimbag ni Samuel si Saul, “Sala an ginibo mo; dai mo kinuyog an togon na itinao saimo nin Kagurangnan na saimong Dios. Kun nagkuyog ka, kutana tinugotan ka asin an saimong kapagarakian na maghade sa Israel sagkod lamang.