Galacia 2:9 - Marahay na Bareta Biblia

⁹ Nasabotan ni Santiago, ni Pedro saka ni Juan, midbid na mga lider, na tinawan ako nin Dios kan espesyal na trabahong ini. Kaya inabrasa ninda kami ni Bernabe sa pag-ako samo bilang kapwa trabahador. Nagkaoroyon kami gabos na matrabaho kami ni Bernabe sa mga pagano dangan sinda sa mga Judio.

Galacia 2:9 ပူးပေါင်းရင်းမြစ်များ

2 Mga Hade 10:15

Kan maghale si Jehu sa lugar na idto, nasabat niya si Jonadab na aking lalaki ni Recab na nagluwas sa pagsabat saiya. Kinomusta ni Jehu si Jonadab asin sinabihan, “Pareho an dalagan kan isip nyato. Tatabangan mo daw ako?” “Tatabangan taka,” an simbag ni Jonadab. “Kun siring, iabot mo sako an saimong kamot,” an sabi ni Jehu. Kaya inabot ni Jonadab an saiyang kamot, asin tinabangan siya ni Jehu sa paglunad sa karwahe.

Mateo 16:18

“Kaya sinasabihan taka: Ika si Pedro, saro kang gapo asin sa ibabaw kan gapong ini papatindogon ko an sakong simbahan; dawa an kapangyarihan nin kagadanan dai nanggad makakadaog kaiyan.

Lukas 22:8

Sinugo ni Jesus si Pedro asin si Juan saka tinugon, “Dumuman kamo asin andamon nindo an satong pamanggihan sa Paskwa na satong kakakanon.”

Juan 1:42

Ipinag-iba ni Andres si Simon ki Jesus. Kan mahiling ni Jesus si Simon, sinabihan niya ini, “Ika si Simon na aki ni Juan. Ngangaranan kang Cefas.” (An ngaran na ini pareho kan ngaran na Pedro na an kahulogan, “gapo.”)

Mga Gibo 12:17

Pinasabot niya sinda na dai magribok. Ipinaliwanag niya sainda kun paanong ilinuwas siya nin Kagurangnan sa bilanggoan. Asin nagsabi siya, “Ibareta nindo ini ki Santiago saka sa ibang mga tugang.” Dangan naghale siya saka nagduman sa ibang lugar.

Mga Gibo 15:13

Pakataram kan duwa, nagsabi si Santiago, “Mga tugang, hinanyoga nindo ako!

Mga Gibo 15:7

Pakatapos nin halawig na debate, nagtindog si Pedro asin nagsabi, “Mga tugang, aram nindo na kaidto pinili ako nin Dios na maghulit kan Marahay na Bareta sa mga pagano, tanganing makadangog sinda kan ebanghelyo saka magtubod.

Mga Gibo 4:36

Iyo ini an ginibo ni Jose, na sarong Levitang taga Cipre, na inapod Bernabe kan mga apostol (na an boot sabihon, “Parapakosog nin Boot”).

Roma 1:5

Sa paagi niya, tinawan ako nin Dios kan balaog nin pagkaapostol tanganing huli ki Cristo madara ko an gabos na nasyon sa pagtubod asin sa pagkuyog ki Cristo.

Roma 12:3

Huli sa biyaya na itinao sako nin Dios, ini an masasabi ko saindo: Dai kamo mag-isip nin labaw pa saindo kundi magin mabini kamo sa saindong pag-isip. Hukoman nindo an saindong sadiri sosog sa sukol kan pagtubod na itinao nin Dios saindo.

Roma 15:15

Alagad nagin pusoan ako sa surat kong ini dapit sa ibang mga bagay sa pagpagiromdom saindo. Nagin pusoan ako huli sa biyaya na itinao sako nin Dios,

1 Corinto 15:10

Alagad huli kan biyaya nin Dios sako nagin siring ako kaini ngunyan, asin an biyaya niya sako dai nasayang. Sa katotoohan, nagtrabaho ako nin mas maigot ki sa ibang mga apostol, maski ngani bako mananggad ako an naggigibo, kundi an biyaya nin Dios na nasa sako.

2 Corinto 11:5

Sa paghona ko, dai man ako mahuhudyan sa espesyal nindong mga apostol.

2 Corinto 12:11

Ako nagin garo lolong; kamo an nagpirit sako na magin siring. Kamo kutana an dapat na mag-omaw sako. Huli ta maski mayo ako nin halaga, bako akong menos ki sa mga espesyal na apostol nindo.

2 Corinto 8:4

Nakimaherak sinda samo na tawan sinda nin kahirasan sa pagtabang sa mga banal duman sa Judea.

Galacia 1:16

ipahayag sako an saiyang Aki, tanganing ikapaghulit ko an Marahay na Bareta dapit ki Cristo sa mga pagano, dai ako nakihumatol sa kiisay man na tawo,

Galacia 1:18

Tolong taon pa bago ako nagduman sa Jerusalem tanganing makihumapot ki Pedro, asin kinseng aldaw ako sa kaibahan niya.

Galacia 2:1

Pakalihis nin katorseng taon nagbalik ako sa Jerusalem kaiba si Bernabe; ipinag-iba ko man si Tito.

Galacia 2:2

Nagduman ako huli ta ipinahayag sako nin Dios na dapat akong magduman. Sa sarong hilom na pakipag-olay sa mga lider, ipinaliwanag ko sainda an Marahay na Bareta na ipinaghuhulit ko sa mga pagano. Habo kong masayang an sakong gibo sa nakaaging panahon asin sa ngunyan.

Galacia 6:3

Kun igwang naghohona na siya mahalaga, maski sa katunayan bako man, dinadaya niya an sadiri niya.

Efeso 2:20

Kamo man pinatindog sa pundasyon na ibinugtak kan mga apostol saka kan mga propeta, na an gapong patugmadan iyo si Cristo Jesus mismo.

Efeso 3:8

Ako an pinakamenos sa gabos na mga banal. Alagad itinao sako an biyaya nin paghulit kan Marahay na Bareta sa mga pagano dapit sa daing sukol na kayamanan ni Cristo,

Colosas 1:29

Huli kaini nagtatrabaho ako nin maigot sa tabang kan kapangyarihan ni Cristo.

1 Timoteo 3:15

Alagad sinusuratan taka na kan mga bagay na ini tanganing kun maabala ako, aram mo na an maninigong gawe sa pamilya nin Dios, na iyo an simbahan kan buhay na Dios, an harigi saka balwarte kan katotoohan.

1 Juan 1:3

Kun ano an nahiling mi saka nadangog sinasabi mi saindo, tanganing kamo man magin kasaro mi sa pakisumaro sa Ama saka sa Aki niyang si Jesu-Cristo.

Kapahayagan 3:12

An mga manggagana gigibohon kong garo harigi sa templo kan sakong Dios; dai na nanggad sinda mahale diyan. Isusurat ko sa mga hariging iyan an ngaran kan sakong Dios saka an ngaran kan syudad kan sakong Dios, an bagong Jerusalem na maibaba hale sa langit, hale sa sakong Dios. Isusurat ko man sa mga iyan an sakong bagong ngaran.