Galacia 2:1 - Marahay na Bareta Biblia

¹ Pakalihis nin katorseng taon nagbalik ako sa Jerusalem kaiba si Bernabe; ipinag-iba ko man si Tito.

Galacia 2:1 ပူးပေါင်းရင်းမြစ်များ

Mga Gibo 11:25

Pakatapos, nagduman si Bernabe sa Tarso sa paghanap ki Saulo.

Mga Gibo 11:30

Ginibo ninda ini, asin ipinadara ninda ki Bernabe asin Saulo an kwarta na para sa mga kamagurangan.

Mga Gibo 12:25

Kan tapos na si Bernabe asin si Saulo kan saindang misyon, nagbalik sinda hale sa Jerusalem kaiba si Juan Markos.

Mga Gibo 13:2

Sarong aldaw, kan nagsasamba sinda sa Kagurangnan saka nag-aayuno, nagsabi sainda an Espiritu Santo, “Laena nindo para sako si Bernabe asin si Saulo para sa misyon na ipinanongod ko para sainda.”

Mga Gibo 13:50

Alagad pinaribok kan mga Judio an mga lalaking namamayo kan syudad asin an mga babaeng ginagalangan saka maki-Dios. Huli kaini, pinasakitan ninda si Pablo saka si Bernabe dangan pinahale sa saindang teritoryo.

Mga Gibo 14:12

Inapod nindang Zeus si Bernabe asin Hermes si Pablo, huli ta ini an parataram.

Mga Gibo 15:25

Kaya nagtiripon kami asin nagkasararo na sugoon saindo an nagkapirang tawo na pinili mi. Kaiba sinda ni Bernabe asin ni Pablo na namomotan niatong mga tugang.

1 Corinto 9:6

Kami daw sana ni Bernabe an mayo nin deretso na mag-ontok sa paghahanap buhay?

2 Corinto 2:13

Alagad nahadit ako nin marahay huli ta dai ko nakua si Tito na satong tugang. Kaya nagpaaram ako sa mga tawo duman, saka nagdagos sa Macedonia.

2 Corinto 8:16

Alagad salamat sa Dios huli ta ginibo niyang maigot si Tito sa pagtabang saindo arog samo!

2 Corinto 8:23

Dapit ki Tito, siya an katabang ko sa paglingkod saindo; asin dapit sa ibang mga tugang na maiba saiya, sinda an mga sinugo kan mga simbahan, sinda an kamurawayan ni Cristo.

Galacia 1:18

Tolong taon pa bago ako nagduman sa Jerusalem tanganing makihumapot ki Pedro, asin kinseng aldaw ako sa kaibahan niya.

Galacia 2:13

Nag-arog ki Pedro an ibang mga tugang na Judio; maski si Bernabe nadara kan saindang pagsagin-sagin.

Galacia 2:3

Si Tito na kaiba ko, maski sarong Griyego, dai napirit na magpaserkomsisyon,

Galacia 2:9

Nasabotan ni Santiago, ni Pedro saka ni Juan, midbid na mga lider, na tinawan ako nin Dios kan espesyal na trabahong ini. Kaya inabrasa ninda kami ni Bernabe sa pag-ako samo bilang kapwa trabahador. Nagkaoroyon kami gabos na matrabaho kami ni Bernabe sa mga pagano dangan sinda sa mga Judio.

Colosas 4:10

Si Aristarco na kapwa ko bilanggo nangongomusta saindo; siring man si Markos na primo ni Bernabe. (Nag-ako na kamo nin mga togon dapit ki Markos, na akoon nindo siya kun magdiyan siya saindo.)

Tito 1:4

Para ki Tito, ika na tunay kong aki sa pagtubod na inako tang duwa. Mapasaimo logod an biyaya asin an katoninongan nin Dios Ama saka ni Jesu-Cristo na satong Paraligtas.