Galacia 1:9 - Marahay na Bareta Biblia

⁹ Sinabi mi na ini kaidto, alagad ngunyan sinasabi ko giraray: kun igwa nin maghulit saindo nin marahay na bareta na laen man kan Marahay na Baretang inako nindo, mapa impyerno logod siya!

Galacia 1:9 ပူးပေါင်းရင်းမြစ်များ

Mga Talinhaga 30:6

Dai mo pagdugangan an saiyang mga tataramon, ta tibaad tuyawon ka niya dangan ipahiling niya na saro kang putikon.”

Jeremias 23:16

Nagtaram an Kagurangnan nin mga hukbo sa mga taga Jerusalem, “Dai nindo pagdangogon an mga sinasabi saindo kan mga propeta; nagtutukdo sinda saindo kan mga paglaom na mayo nin halaga. Nagtataram sinda nin mga bisyon na hale sa sadiri nindang kaisipan asin bakong hale sako.

Mga Gibo 18:23

Pakalihis nin halipot na panahon, naghale siya sa Antiokia; dinuman niya saro-saro an mga banwaan sa rehiyon kan Galacia asin Frigia, sa pagpakosog kan pagtubod kan gabos na disipulo.

Roma 16:17

Mga tugang, nakikimaherak ako saindo na mag-ingat kamo sa mga tawong ginigikanan nin pagkabaranga saka nin mga kaolangan sa katukdoan na nanodan nindo. Maglikay kamo sainda.

Roma 9:3

para sa mga tugang ko, an mga karasa ko. Mawot ko pang maldisyonon ako nin Dios asin isuhay ki Cristo para sainda.

2 Corinto 1:17

Kan magplano ako kaini, masasabi daw nindo na pabago-bago ako nin isip? Masasabi daw na kan nagplano ako, pareho ako kan tawong kinabanon na minasabi tolos nin “Iyo” asin “Dai” nin sabay?

Deuteronomio 12:32

“Giboha nindo an gabos na ipinagboboot ko; dai nindo iyan pagdagdagan o pag-inaan nin ano man.

Deuteronomio 4:2

Dai nindo pagdagdagan o pag-inaan an mga ipinagboot ko saindo. Kuyogon nindo an mga pagboot nin Kagurangnan na saindong Dios na itinao ko saindo.

Filipos 3:1

Sa kataposan, mga tugang, mag-ogma kamo sa Kagurangnan. Dai ako nauuyam na isurat giraray an mga bagay na ini, huli ta ini para sa ikakarahay nindo.

Filipos 4:4

Mag-ogma kamong danay sa Kagurangnan. Inuulit ko, mag-ogma kamo!