Galacia 1:6 - Marahay na Bareta Biblia

⁶ Nagngangalas ako kun tadaw ta minabaya tolos kamo sa Dios na nag-apod saindo huli sa biyaya ni Cristo, dangan minasunod kamo sa ibang “marahay na bareta.”

Galacia 1:6 ပူးပေါင်းရင်းမြစ်များ

Salmo 106:13

Alagad nalingawan tolos ninda an saiyang mga gibo; dai na hinalat an saiyang hatol.

Isaias 29:13

Nagtaram an Kagurangnan, “An mga tawong ini nagsasabi na nagdodolok sinda sako asin inoomaw ninda ako, alagad an saindang puso harayo sako. An relihiyon ninda gabos sana mga pagsusundon saka mga tradisyon nin tawo na tinoom ninda.

Markos 6:6

Nagngalas siya ta dai sinda nagtubod. Dangan naglibot si Jesus sa pagtukdo sa mga baryo.

Juan 9:30

Nagsimbag an lalaki, “Iyan an makangangalas! Dai palan nindo aram kun saen siya hale alagad napamuklat niya an mga mata ko!

Mga Gibo 15:11

Alagad nagtutubod kita na makakaligtas kita huli sa biyaya kan Kagurangnan na Jesus; siring man sinda.”

Roma 10:3

Dai ninda nasasabotan an katanosan na gikan sa Dios, kaya naghahanap sinda nin sadiring paagi, embes na mag-oyon sa katanosan nin Dios.

Roma 5:2

Huli saiya, nakamtan ta an biyaya nin Dios na satong namamatean ngunyan. Kaya nag-oogma kita sa paglaom na magkakaigwa kita nin kahirasan sa kamurawayan nin Dios.

Roma 8:28

Aram ta na sa gabos na bagay an Dios naggigibo para sa karahayan kan mga namomoot saiya—an mga inaapod niya sosog sa saiyang katuyohan.

Roma 8:30

Kaya an mga linaen nin Dios poon pa sa kapinonan, saiyang inapod; an mga inapod niya pinangagin niyang matanos sa saiya saka hinirasan niya kan saiyang kamurawayan.

1 Corinto 4:15

Huli ta maski igwa kamo nin sampolong ribong giya ki Cristo, saro sana an ama nindo. Ako an nagin ama nindo ki Cristo Jesus huli sa paghulit ko kan Marahay na Bareta saindo.

2 Corinto 11:4

Huli ta maogma nindong tinutugotan an siisay man na maghulit saindo nin ibang Jesus, bako idtong ipinaghulit mi; inako nindo an ibang espiritu saka mensahe na laen man sa Espiritu saka sa Marahay na Bareta na inako nindo samo.

2 Corinto 2:17

Bako kaming arog sa ibang tawo na an paghulit kan tataramon nin Dios garo sana pagpabakal nin baratong paninda; sinugo kami nin Dios, kaya tudok sa puso kaming nagtataram sa atubangan niya bilang sorogoon ni Cristo.

Galacia 1:11

Mga tugang, boot kong masabotan nindo na an Marahay na Baretang ipinaghulit ko bakong gikan sa tawo.

Galacia 1:15

Alagad, pinili ako nin Dios bago pa ako namundag, asin inapod niya ako huli kan saiyang biyaya. Kan binoot na niyang

Galacia 1:7

An katunayan, mayo nin ibang “marahay na bareta,” alagad sinasabi ko ini huli ta igwa nin nagkapirang tawo na nagpaparibok saindo saka naghihingowang ribayan an Marahay na Bareta ni Cristo.

Galacia 2:14

Kan mahiling ko na dai sinda nagsusunod kan katotoohan kan Marahay na Bareta, sinabihan ko si Pedro sa atubangan ninda gabos, “Saro kang Judio, alagad namumuhay ka siring sa pagano, asin bakong siring sa Judio. Kun siring kaiyan, paano mo mapipirit na mamuhay an mga pagano siring sa mga Judio?”

Galacia 2:2

Nagduman ako huli ta ipinahayag sako nin Dios na dapat akong magduman. Sa sarong hilom na pakipag-olay sa mga lider, ipinaliwanag ko sainda an Marahay na Bareta na ipinaghuhulit ko sa mga pagano. Habo kong masayang an sakong gibo sa nakaaging panahon asin sa ngunyan.

Galacia 2:5

Alagad dai nanggad kami nagpahunod sainda maski sa kadikit na panahon, tanganing an katotoohan kan Marahay na Bareta magdanay para saindo.

Galacia 2:7

Ata ngani, nahiling ninda na ipinaniwala sako nin Dios an paghulit kan Marahay na Bareta sa mga pagano, siring na ipinaniwala niya ki Pedro an paghulit kaiyan sa mga Judio.

Galacia 5:14

Huli ta an bilog na Katogonan naootob sa saro sanang togon, “Kamotan mo an saimong kapwa siring sa pagkamoot mo sa sadiri mo.”

Galacia 5:4

Kamong mga naghihingowa na magin matanos sa Dios huli sa Katogonan, siblag na ki Cristo. Napasuhay kamo sa biyaya nin Dios.

2 Tesalonica 2:14

Inapod kamo nin Dios para sa bagay na ini sa paagi kan Marahay na Bareta na ipinaghulit mi saindo; inapod niya kamo tanganing magkaigwa kamo nin kabtang kan kamurawayan ni Jesu-Cristo na satong Kagurangnan.

1 Timoteo 1:14

Itinao sako kan satong Kagurangnan an saiyang nagsusupay na biyaya, kaiba an pagtubod asin pagkamoot na nasa sato huli sa pakisumaro ki Cristo Jesus.

1 Timoteo 1:3

Siring sa pakiolay ko saimo kaidto kan maduman ako sa Macedonia, boot ko na magpawalat ka sa Efeso huli ta may nagkapirang tawo duman na nagtutukdo nin mga salang doktrina, asin pagbotan mong mag-ontok sinda.

2 Timoteo 1:9

Ilinigtas niya kita saka inapod tanganing magin sadiri niya, bakong huli kan ginibo ta, kundi huli sa sadiri niyang katuyohan asin biyaya. An biyayang ini itinao niya sato ki Cristo Jesus bago magpoon an panahon,

2 Timoteo 2:1

Aki ko, magin makosog ka huli sa biyaya na yaon ki Cristo Jesus.

1 Pedro 1:15

Kundi mamuhay kamong tunay na banal, huli ta banal an Dios na nag-apod saindo.

2 Pedro 1:3

Huli kan saiyang Diosnon na kapangyarihan, tinawan kita nin Dios kan gabos tang kaipuhan tanganing mamuhay na banal sa paagi kan satong pakamidbid ki Jesus, na iyo an nag-apod sato na makihiras sa saiyang kamurawayan asin karahayan.

Kapahayagan 22:21

Mapasagabos logod an biyaya ni Jesus na Kagurangnan.