Filipos 3:7 - Marahay na Bareta Biblia

⁷ Alagad an gabos na iyan na kaidto may pakinabang para sako, ngunyan ibinibilang kong mayo nin pakinabang huli ki Cristo.

Filipos 3:7 ပူးပေါင်းရင်းမြစ်များ

Genesis 19:17

Pakatapos, nagsabi an sarong anghel, “Dulag na kamo! Ligtasan an saindong buhay! Dai kamo magsalingoy asin dai kamo mag-ontok sa kapantayan. Magduman kamo sa kabubuldan tanganing dai kamo magadan.”

Genesis 19:26

Alagad nagsalingoy an agom ni Lot kaya nagin sarong hariging asin siya.

An Libro ni Job 2:4

Nagsimbag si Satanas, “Itatao nin tawo an gabos tanganing mabuhay sana.

Mga Talinhaga 13:8

An kayamanan nin sarong tawo iyo an pantubos kan saiyang buhay, alagad an sarong dukha mayo nin pambayad sa saiyang katalingkasan.

Mga Talinhaga 23:23

Bakong sayang maski bakalon mo an katotoohan, kadonongan, katukdoan saka pakasabot, alagad mahalaga ini nin marahay kaya dai dapat ipabakal.

Parahulit 3:6

panahon nin paghahanap, saka panahon nin pagkakawara; panahon nin pagsaray, saka panahon nin pagtapok;

Mateo 16:26

Huli ta anong pakinabang nin sarong tawo, makamtan man niya an bilog na kinaban kun mawara an saiyang buhay? O ano an ikakatubos kan tawo tanganing makamtan niya giraray iyan?

Markos 10:50

Hinukas kan buta an saiyang alikboy, paluksong nagtindog saka nagdolok ki Jesus.

Lukas 14:26

“An magdolok sako dai magigin disipulo ko kun orog na namomotan niya ki sa sako an saiyang ama, ina, agom, mga aki, mga tugang, asin an sadiri niyang buhay.

Lukas 14:33

Siring man, an dai saindo magbaya kan gabos na sadiri niya, dai magigin disipulo ko.

Lukas 16:8

Inomaw kan kagurangnan an madayang enkargado huli ta ginamit niya an saiyang isip. Huli ta an mga aki kan kinaban na ini mas madodonong magpalakaw kan mga pagsadiri ninda ki sa mga aki nin liwanag.”

Mga Gibo 27:38

Pakakakan ninda, ihinulog ninda an trigo sa dagat tanganing gumian an barko.

Hebreyo 11:26

Aram niya na an pagtios nin pag-olog-olog para ki Cristo mas mahalaga ki kan gabos na kayamanan sa Egipto, huli ta pinaglalaom niya an balos sa maabot na panahon.