Filipos 3:6 - Marahay na Bareta Biblia

⁶ Naglaad an kamawotan ko na mapaglingkodan an Dios, kaya pinasakitan ko an simbahan. Kun dapit sa pagigin matanos nin sarong tawo huli sa pagkuyog kan mga pagboot sa Katogonan, masasabing dai ako nagkasala.

Filipos 3:6 ပူးပေါင်းရင်းမြစ်များ

2 Samuel 21:2

(Bako man sindang mga Israelita kundi sarong sadit na grupo nin mga Amoreo na pinanugaan kan mga Israelita na aatamanon, alagad boot sindang gadanon ni Saul huli kan saiyang pagmakulog sa banwaan nin Israel asin Juda.)

2 Mga Hade 10:16

Nagsabi si Jehu, “Umiba ka sako tanganing mahiling mo an sakong kaimbodan sa Kagurangnan.” Sabay sinda sa sarong karwahe na nagduman sa Samaria.

Parahulit 7:16

Kaya dai ka magpakamatanos o magpakamadonong nin sobra; tano ta gagadanon mo an saimong sadiri?

Levitico 13:16

Alagad kun nagpila na an gatok asin magputi giraray, maduman an tawong iyan sa padi.

Mateo 23:25

“Herak man saindo, mga paratukdo kan Katogonan asin mga Fariseo! Mga parasagin-sagin! Hinuhugasan nindo an sa luwas kan saindong tasa saka pinggan, alagad sa laog pano kan saindang hinabonan asin dinayaan.

Mateo 5:20

Huli ta sinasabihan ko kamo, na kun an saindong katanosan dai lumampas sa katanosan kan mga paratukdo kan Katogonan asin kan mga Fariseo, dai kamo makakalaog sa Kahadean nin langit.

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Mga Gibo 21:20

Pakadangog kan osipon niya, nag-omaw sinda gabos sa Dios. Dangan nagsabi sinda ki Pablo, “Aram mo man sana, tugang, na rinibong Judio na an nagtubod, asin sinda gabos maimbod na parasunod kan Katogonan ni Moises.

Mga Gibo 22:5

Makakapagsaksi an Halangkaw na Padi saka an bilog na Konseho na totoo ining sinasabi ko. Tinawan ninda ako nin surat para sa mga tugang na Judio duman sa Damasco. Kaya nagduman ako nganing dakopon an mga paratubod dangan darahon digdi sa Jerusalem nganing padusahan.

Mga Gibo 26:5

Haloy na nindang aram na kaayon ako kan pinakaestriktong grupo kan samong pagtubod—an partido kan mga Fariseo. Mapapatotoohan ninda iyan kun boot ninda.

Mga Gibo 8:3

Alagad hiningowa ni Saulo na rumpagon an simbahan; nangharong-harong siya asin ginuyod niya an mga paratubod, lalaki man o babae, dangan ipinabilanggo.

Roma 7:9

Kaidtong mayo nin katogonan, buhay ako. Kan igwa na kan togon, nagkaigwa nin buhay an kasalan, asin ako an nagadan.

1 Corinto 10:32

Dai kamo magtao nin dahelan na magkasala an mga Judio, o an mga pagano, o an simbahan nin Dios.

1 Corinto 15:9

Huli ta ako an pinakasadit sa gabos na apostol—dai ngani ako maninigong apodon apostol, huli ta pinasakitan ko an simbahan nin Dios.

Filipos 2:15

tanganing dai kamo magkasala, kundi magin malinig asin mayong kaninan na mga aki nin Dios sa kinaban na pano nin mga tawong maraot asin tampalasan. Sa siring na paagi, magliliwanag kamo sa tahaw ninda siring sa mga bitoon na nagliliwanag sa langit,

Filipos 3:9

asin makisumaro saiya. Mayo na ako nin sadiring katanosan, an katanosan na nakukua sa pagkuyog kan Katogonan. Igwa na ako ngunyan nin katanosan na itinatao huli sa pagtubod ki Cristo, katanosan na hale sa Dios asin napapatugmad sa pagtubod.

1 Timoteo 1:13

maski kaidto nagtaram ako nin maraot dapit saiya, nagpasakit asin naglanghad saiya. Alagad naherak sako an Dios, huli ta bako pa akong paratubod kaidto asin dai ko aram an sakong ginigibo.

Hukom 6:30

Kaya sinabihan ninda si Joas, “Iluwas mo digdi an saimong aki tanganing samong gadanon! Ginaba niya an altar ni Baal asin pinalod an simbolo ni Asera sa kataed kaiyan.”