Filipos 3:5 - Marahay na Bareta Biblia

⁵ Sinerkomsisyon ako kan an edad ko saro pa sanang semana. Namundag akong Israelita, gikan sa tribu ni Benjamin, sarong tunay na Hebreyo. Kun dapit sa pag-otob kan Katogonan kan mga Judio, saro akong Fariseo.

Filipos 3:5 ပူးပေါင်းရင်းမြစ်များ

Genesis 14:13

Alagad igwa nin sarong lalaki na nakadulag, asin an gabos na nangyari inosip niya ki Abram, an Hebreyo na nag-eerok harani sa sagradong mga kahoy ni Mamre na Amorita. Si Mamre asin an saiyang mga tugang na si Escol asin Aner, mga kaapil ni Abram.

Genesis 40:15

Bako kong kagustohan an pagdigdi sa Egipto; kinidnap ako sa daga kan mga Hebreyo, asin minsan digdi sa Egipto, mayo akong ginibong ano man tanganing ilaog sa bilanggoan.”

Genesis 41:12

Yaon duman an sarong hoben na Hebreyo, an oripon kan kapitan kan mga bantay. Kan isaysay mi saiya an samong mga pangatorogan, ipinaliwanag niya samo an kahulogan kan mga ini.

Jonas 1:9

Nagsimbag si Jonas, “Hebreyo ako. Nagsasamba ako sa Kagurangnan, an Dios nin langit, an naglalang kan daga asin kan dagat.”

Lukas 1:59

Sa ikawalong aldaw kan aki, nagduman sinda tanganing serkomsisyonon siya. Ngangaranan kutana nindang Zacarias an aki, sunod sa ngaran nin saiyang ama,

Lukas 2:21

Pag-abot kan ikawalong aldaw, sinerkomsisyon an aki asin nginaranan siyang Jesus, an ngaran na itinao kan anghel bago siya ipangidam.

Lukas 5:38

Kaya an bagong arak dapat ipalis sa mga bagong lalagan na anit.

Mga Gibo 22:3

“Saro akong Judio; namundag ako sa Tarso kan Cilicia, alagad nagdakula digdi sa Jerusalem. Nag-adal ako ki Gamaliel asin maigot na tinukdoan sa pagsunod kan Katogonan nin satong mga ginikanan. Siring saindo, naglingkod ako sa Dios sa bilog kong puso.

Mga Gibo 23:6

Kan mahiling ni Pablo na an nagkapira sa konseho mga Saduceo asin an iba mga Fariseo, nagkurahaw siya, “Mga tugang! Saro akong Fariseo, gikan sa pamilya nin mga Fariseo. Sinisiyasat ako ngunyan digdi huli sa sakong paglaom na an mga gadan bubuhayon liwat!”

Mga Gibo 6:1

Kan an mga disipulo nagdadakul na, nagkaigwa nin iriwal an mga Griyegong Judio saka an mga Hebreyo. Nagsarabi an mga Griyegong Judio na an saindang mga balong babae napapabayaan na tawan kan sa aroaldaw na rasyon.

Roma 11:1

Kaya ini an hapot ko: Isinikwal na daw nin Dios an sadiri niyang banwaan? Dai! Israelita man ako; si Abraham an sakong ginikanan asin kabilang ako sa tribu ni Benjamin.

2 Corinto 11:22

Mga Hebreyo sinda? Iyo man ako. Mga Israelita sinda? Iyo man ako. Kapagarakian sinda ni Abraham? Iyo man ako.

1 Samuel 4:6

Kan madangog kan mga Filisteo an kinurahaw, nagharapot sinda, “Ano an kahulogan kan kinurahaw na ini sa kampo kan mga Hebreyo?” Kan maaraman ninda na nag-abot sa kampo an Kaban nin Tipan nin Kagurangnan,