Filipos 3:1 - Marahay na Bareta Biblia

¹ Sa kataposan, mga tugang, mag-ogma kamo sa Kagurangnan. Dai ako nauuyam na isurat giraray an mga bagay na ini, huli ta ini para sa ikakarahay nindo.

Filipos 3:1 ပူးပေါင်းရင်းမြစ်များ

1 Mga Cronica 15:28

Sa siring na paagi, an Kaban nin Tipan dinara sa Jerusalem kan gabos na Israelita. Nagkurahaw sinda gabos sa kaogmahan, kasabay an tanog kan mga trompeta, asin kan mga gimbal, saka an makosog na musika kan mga arpa asin lira.

1 Mga Cronica 16:10

Magmuraway kita sa banal niyang ngaran; mag-ogma an mga pusong naghahanap sa Kagurangnan.

1 Mga Cronica 29:22

Kan aldaw na idto, nagkakan sinda saka nag-inom sa atubang nin Kagurangnan sa dakulang kaogmahan. Sa ikaduwang beses, ipinagrukyaw ninda si Solomon bilang hade. Sa ngaran nin Kagurangnan, linahidan ninda siya bilang saindang kagsakop, asin si Zadok bilang padi.

Nehemias 8:10

Magpuli na kamo asin magbangkete. Hirasan nindo nin kakanon saka inomon an mga mayo kaiyan. An aldaw na ini banal para sa satong Kagurangnan, kaya dai kamo magmondo. An kaogmahan na itinao saindo nin Kagurangnan magigin kakosogan nindo.”

An Libro ni Job 22:26

Dangan danay kang mananarig sa Dios asin maaaraman mong siya an ginigikanan kan saimong kaogmahan.

Salmo 149:2

Mag-ogma ka, O Israel, huli kan saimong Kaglalang; mag-ogma kamo, mga aki nin Sion, huli kan saindong hade!

Salmo 32:11

Mag-ogma kamo sa Kagurangnan maggayagaya kamong mga matanos. Magkurahaw kamo sa kaogmahan, kamong mga nagkukuyog saiya!

Salmo 33:1

Kamo gabos na matanos, mag-ogma sa Kagurangnan; kamong mga makinuyog-kuyog, omawon nindo siya.

Salmo 37:4

Hanapa an saimong kaogmahan sa Kagurangnan, asin itatao niya saimo an minamawot nin saimong puso.

Salmo 42:4

Ini gabos nagigiromdoman ko kun binubuksan ko an sakuyang puso, kan pinapangenotan ko an kadaklan, pasiring sa harong nin Dios, mantang maogmang nagkukurahaw saka nag-aawit nin pasasalamat— sarong katiriponan na nagseselebrar sa dakulang kaogmahan.

Salmo 5:11

Alagad mag-ogma logod an mga minapasurog saimo; danay na mag-awit sa kaogmahan. Suroga sinda na mga namomoot saimo, tanganing mag-ogma sinda sa saimo.

Salmo 97:1

Hade an Kagurangnan; mag-ogma logod an daga! Mag-ogma logod an mga baybayon kan dagat!

Isaias 41:16

Papatoronon mo sinda; dadarahon sinda kan doros sa harayo, asin iwawarak sinda kan bagyo. Dangan magigin maogma ka huli ta ako an saimong Dios; oomawon mo ako, an banal na Dios nin Israel.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Isaias 65:14

Mag-aawit sinda sa kaogmahan, alagad maghihibi kamo sa dakulang kamondoan.

Joel 2:23

“Maggayagaya kamo, banwaan nin Sion, mag-ogma kamo sa ginibo para saindo kan Kagurangnan na saimong Dios. Itinao niya saindo an tama sanang uran; pinahugpa niya para saindo an dakul na uran, an enot saka an huring uran arog kaidto.

Sofonias 3:14

Pag-awit asin pagkurahaw sa kaogmahan, banwaan nin Israel! Pag-ogma sa bilog mong puso, O Jerusalem!

Sofonias 3:17

Kaibahan mo an Kagurangnan na saimong Dios; siya an paralaban na nagtatao saimo nin kapangganahan. Mawiwilihan ka nin Kagurangnan, asin tatawan ka niya nin bagong buhay sa saiyang pagkamoot. Mag-aawit siya asin mag-oogma huli saimo,

Zacarias 10:7

Magigin makosog arog sa mga soldados an banwaan nin Israel, maogma, siring sa mga lalaking nakainom pa sana nin arak. An kapangganahan na ini magigiromdoman kan saindang mga kapagarakian asin maoogma sinda huli kan ginibo nin Kagurangnan.

Mateo 5:12

Arog man kaini an ginibo sa mga propetang naenot saindo. Orog na mag-ogma kamo, ta dakula an balos saindo sa langit.

Lukas 1:47

an sakong kalag nag-oogma sa Dios na sakong Paraligtas;

Roma 5:11

Bako sana iyan, nag-oogma kita sa Dios huli sa Kagurangnan tang si Jesu-Cristo, na dahel saiya kita naging katood nin Dios.

2 Corinto 13:11

Ngunyan, mga tugang, paaram na saindo! Maghingowa kamong magin orog karahay; sunodon nindo an mga hulit ko; magkasararo kamo saka mamuhay na matoninong. Mapasaindo an pagkamoot asin an katoninongan nin Dios.

Efeso 6:10

Sa kataposan, magin makosog kamo sa pakisumaro sa Kagurangnan, sa kosog kan saiyang kapangyarihan.

Deuteronomio 12:18

Alagad kakakanon nindo iyan asin kan saindong mga aki, kaiba an saindong mga oripon saka an mga Levita na nag-eerok sa saindong mga banwaan, duman nanggad sana sa atubang nin Kagurangnan na saindong Dios, sa lugar na saiyang pinili. Duman mag-oogma kamo, huli kan gabos na saindong naginibo.

Deuteronomio 16:11

Sa atubang nin Kagurangnan, mag-ogma kamo kaiba an saindong mga aki saka mga oripon, kaiba an mga Levita, mga dayuhan, mga ilo asin mga babaeng balo na nag-eerok sa saindong mga banwa. Gibohon nindo ini sa lugar na pagsasambahan.

Filipos 3:3

Kita an tunay na pagkaniserkomsisyonado, bakong sinda; huli ta nagsasamba kita sa Dios sa paagi nin Espiritu asin nagmumuraway diyan ki Cristo Jesus. Dai kita nananarig sa seremonya sa hawak,

Filipos 4:4

Mag-ogma kamong danay sa Kagurangnan. Inuulit ko, mag-ogma kamo!

Filipos 4:8

Sa kataposan, mga tugang, panoa nindo an saindong mga isip kan mga bagay na marahay saka maninigong omawon: mga bagay na totoo, noble, matanos, malinig, maninigong kamotan asin galangan.

1 Tesalonica 4:1

Sa kataposan, mga tugang, nakikimaherak kami saindo asin sinasadol mi kamo sa ngaran ni Jesus na Kagurangnan, na mamuhay kamo nin orog pa kan pamumuhay nindo ngunyan—pamumuhay na sosog sa nanodan nindo samo—nganing mapaogma nindo an Dios.

1 Tesalonica 5:16

Magdanay kamong maogma.

Santiago 1:2

Mga tugang ko, ikaogma nindo kun magkaigwa kamo nin manlaen-laen na pagbalo,

1 Pedro 3:8

Sa kataposan, dapat na magkasararo kamo gabos sa espiritu, magmakulog sa kapwa, magkaminorootan siring sa magturugang; magkaigwa kamo nin mahuyo na puso asin mapakumbabang boot.

1 Pedro 4:13

Alagad mag-ogma kamo sa pakihiras nindo sa mga kasakitan ni Cristo, tanganing mag-ogma man kamo asin maggayagaya kun ihayag na an saiyang kamurawayan.

2 Pedro 3:1

Namomotan kong mga tugang, ini an ikaduwang surat na ipinapadara ko saindo. Sa duwa kong surat, hiningowa kong pukawon saindo an malinig na pag-isip huli sa pagpagiromdom saindo kan mga bagay na ini.

1 Samuel 2:1

Namibi si Hanna: “An sakong puso nag-oogma sa Kagurangnan; maogma ako huli kan saiyang ginibohan! Mga kaiwal sakong ngingisihan; maogma akong marahay huli kan saiyang tabang!