Filipos 2:30 - Marahay na Bareta Biblia

³⁰ huli ta ibinugtak niya sa pag-alaman an saiyang buhay, na dikit pang mawara, huli sa paglingkod ki Cristo tanganing ikatao sako an tabang na dai nindo ikinatao.

Filipos 2:30 ပူးပေါင်းရင်းမြစ်များ

Mga Gibo 20:24

Alagad para sako mayo nin halaga an buhay ko; boot ko sanang matapos an misyon na inako ko ki Jesus na Kagurangnan, na iyo an pagpahayag kan Marahay na Bareta dapit sa biyaya nin Dios.

Roma 16:4

Ibinugtak ninda sa pag-alaman an saindang buhay ngani sana akong ikaligtas; kaya nagpapasalamat ako sainda—bako sanang ako, kundi an gabos na simbahan kan mga pagano.

1 Corinto 15:53

huli ta an malalapaon dapat na masanglean kan bakong malalapaon. An magagadanon dapat na masanglean kan bakong magagadanon.

1 Corinto 16:10

Pag-abot diyan ni Timoteo, akoon nindo siya nin marahay, huli ta pareho ko man siyang naglilingkod sa Kagurangnan.

1 Corinto 16:17

Ikinakaogma ko an pagdigdi ni Estefanas, ni Fortunato saka ni Acaico, huli ta sinda an naglingkod sa lugar nindo dahel ta mayo kamo;

2 Corinto 12:15

Ikakaogma kong uboson an gabos kong pagsadiri, sagkod na idusay an buhay ko, tanganing matabangan ko an saindong kalag. Magluya daw logod an pagkamoot nindo sako huli ta orog ko kamong namomotan?

2 Corinto 4:12

Kaya mantang kami dikit-dikit na nagagadan, kamo nagkakaigwa nin buhay.

Filipos 2:17

Kun an sakong dugo papabuloson bilang kabtang kan saindong atang nin pagtubod, maoogma ako asin makikipag-ogma saindo gabos.

Filipos 2:27

Totoo mananggad na naghelang siya na haros magadan na; alagad naherakan siya nin Dios, bako sanang siya kundi ako man, tanganing ikalikay ako sa sunod-sunod na kamondoan.

Filipos 4:10

Nag-oogma ako nin marahay sa Kagurangnan huli ta pakalihis nin halawig na panahon, nagpahiling giraray kamo ngunyan kan saindong pagmakulog sako. An boot kong sabihon, bako na nalingawan na nindo ako, kundi dai sana kamo nagkaigwa nin oportunidad na ikapahiling an saindong pagmakulog sako.

Filipos 4:18

Uya an patotoo na an gabos inako ko na saindo; sobra pa ngani an inako ko orog na ngunyan na dinara na ni Epaprodito an saindong mga regalo. Ini sarong mahamot na dolot sa Dios, sarong atang na ikinakaogma niyang akoon.

Filemon 1:13

Boot ko kutana na digdi na sana siya sa kaibahan ko, mantang nabibilanggo pa ako dahel kan Marahay na Bareta, tanganing mapaglingkodan niya ako embes na ika an maglingkod sako.

Kapahayagan 12:11

Dinaog siya kan satong mga tugang huli kan dugo kan Kordero asin huli kan katotoohan kan saindang pagsaksi; dai sinda natakot na mawaraan nin buhay—andam sindang magadan.