Filipos 2:26 - Marahay na Bareta Biblia

²⁶ Kanigoan an saiyang pagmawot na mahiling kamo gabos. Napurisaw an saiyang isip huli ta naaraman nindo na naghelang siya.

Filipos 2:26 ပူးပေါင်းရင်းမြစ်များ

2 Samuel 13:39

alagad kan matapos na an saiyang pagmondo sa pagkagadan ni Amnon, nagin labi-labi an pagkapungaw niya na mahiling an aki niyang lalaki na si Absalom.

2 Samuel 24:17

Nahiling ni David an anghel na nanggagadan kan mga tawo, asin sinabihan niya an Kagurangnan, “Ako an nagkasala. Ako an nakaginibo nin maraot. Ano an naginibo kan mga tawong ini? Ako asin an sakong pamilya an padusahan mo.”

An Libro ni Job 9:27

Kun ako maghuyom asin maghingowang lingawan an kulog na sakong namamatean, minabalik sako an gabos kong pagtios tanganing pagiromdomon ako na ibibilang ako nin Dios sa mga may sala.

Salmo 69:20

An puso ko naroronot kan mga pagduhagi, kaya ako nawawaraan nin paglaom. Hinanap ko an pagkaherak, alagad mayo lamang; an mga pararanga, alagad mayo man.

Mga Talinhaga 12:25

An kahaditan minapagabat kan puso nin tawo, alagad minapaogma saiya an marahay na tataramon.

Isaias 61:3

tanganing tawan an mga nagmomondo sa Sion nin kaogmahan saka kagayagayahan embes na kamondoan, nin sarong awit nin pag-omaw embes na sarong panambitan. Makakaagid sinda sa mga kahoy na itinanom mismo nin Kagurangnan. Gigibohon ninda an tama, asin oomawon an Dios huli kan saiyang ginibohan.

Mateo 11:28

“Madya kamo sako, kamo gabos na napapagal asin nagagabatan, ta tatawan ko kamo nin kapahingaloan.

Mateo 26:37

Ipinag-iba niya si Pedro saka an duwang aki ni Zebedeo. Nakamate siya nin labi-labing kamondoan asin kahorasaan.

Mga Gibo 21:13

Alagad nagsimbag siya, “Tadaw ta nagtatangis kamo asin pinapaluya nindo an boot ko? Andam ako bako sanang magpabilanggo kundi maski magpagadan sa Jerusalem dahel sa Kagurangnan na Jesus.”

Roma 1:11

Boot ko nanggad kamong mahiling tanganing mahirasan kamo nin biyaya na espirituwal nganing pakosogon kamo.

Roma 12:15

Mag-ogma kamo kaiba kan mga nag-oogma; maghibi kamo kaiba kan mga naghihibi.

Roma 9:2

kun nagsasabi ako na makuring gayo an kamondoan ko asin mayong kataposan an kulog sa puso ko

1 Corinto 12:26

Kun nakukulogan an sarong kabtang, an gabos man nakukulogan. Kun inoomaw an sarong kabtang, an gabos nakikihiras sa kaogmahan.

2 Corinto 9:14

Kaya tudok sa pusong ipapamibi ninda kamo huli kan dakulang biyaya na ipinahiling nin Dios saindo.

Galacia 6:2

Magpatarabang-tabang kamo sa pagdara kan saindong mga pasan; sa siring na paagi, kinukuyog nindo an katogonan ni Cristo.

Efeso 3:13

Kaya hinahagad ko saindo na dai manluya an saindong boot huli na lamang kan tinitios ko para saindo; ini gabos para sa karahayan nindo.

Filipos 1:3

Nagpapasalamat ako sa sakong Dios sa gabos na panahon na nagigiromdoman ko kamo.

Filipos 1:8

Saksi ko an Dios na an paghidaw ko saindo arog kadakula kan pagkamoot saindo ni Cristo Jesus.

Filipos 2:25

Naisip ko na kaipuhan papulion ko saindo an satong tugang na si Epaprodito, na kaiba ko sa trabaho saka sa pakilaban, asin nagin man sorogoon nindo sa pagtabang sako.

Filipos 2:27

Totoo mananggad na naghelang siya na haros magadan na; alagad naherakan siya nin Dios, bako sanang siya kundi ako man, tanganing ikalikay ako sa sunod-sunod na kamondoan.

Filipos 4:1

Kaya namomotan kong mga tugang, kamo na hinihidaw kong gayo, na sakong kaogmahan asin sakong orgulyo, magdanay kamong pusog sa Kagurangnan.

1 Pedro 1:6

Ipag-ogma nindo ini maski kamo nasasakitan sa kadikit na oras huli kan mga manlaen-laen na pagbalo,