Filipos 2:21 - Marahay na Bareta Biblia

²¹ An gabos nagmamangno sana kan saindang karahayan, bakong kan dapit ki Jesu-Cristo.

Filipos 2:21 ပူးပေါင်းရင်းမြစ်များ

2 Mga Hade 12:6

Alagad kan ikabeynte y tres na taon kan paghahade ni Joas dai pa hinihirahay kan mga padi an Templo.

Isaias 56:11

Arog sinda sa sablok na mga ayam na dai nagkakabarasog. Mayo nin pakasabot an mga lider na ini. Ginigibo kan lambang saro sainda an saiyang nawiwilihan asin hinahanap sana an saiyang karahayan.

Malakias 1:10

Nagsasabi an Kagurangnan nin mga hukbo, “Mawot kong saro sa saindo an magsera kan pintoan kan Templo tanganing dai na kamo mag-amak kan mga mayo nin halagang kalayo sa sakong altar. Dai ko kamo nawiwilihan; dai ko aakoon an mga dolot na dara nindo sako.

Mateo 16:24

Dangan sinabihan ni Jesus an saiyang mga disipulo, “An siisay man na boot sumunod sako, kaipuhan lingawan niya an sadiri niyang buhay, magpasan kan saiyang krus asin magsunod sako.

Lukas 14:26

“An magdolok sako dai magigin disipulo ko kun orog na namomotan niya ki sa sako an saiyang ama, ina, agom, mga aki, mga tugang, asin an sadiri niyang buhay.

Mga Gibo 13:13

Hale sa Pafos, nagsakay si Pablo saka an saiyang mga kairiba asin nakaabot sinda sa Perga, sa Panfilia. Duman nagsuhay sainda si Juan Markos na nagbalik sa Jerusalem.

Mga Gibo 15:38

alagad pinagmarahay ni Pablo na dai siya ipag-iba huli ta dai siya nagdanay sagkod na matapos an misyon ninda, kundi binayaan sinda kaini sa Panfilia.

1 Corinto 10:24

An lambang saro maghanap kan ikakarahay nin iba, bakong kan ikakarahay kan sadiri niya.

1 Corinto 10:33

Aroga nindo an ginigibo ko: sa gabos kong ginigibo, hinihingowa kong mapaogma an gabos; dai ko hinahanap an sadiri kong karahayan kundi an karahayan kan gabos, tanganing makaligtas sinda.

1 Corinto 13:5

bakong maraot an ugale, maimot o maanggoton. Dai nag-iinsistir kan sadiring paagi.

2 Corinto 1:5

Kun paanong kadamay kami kan dakulang kasakitan ni Cristo, siring man sa paagi ni Cristo, kahiras kami kan dakulang ranga nin Dios.

Filipos 2:4

Mayo nin siisay man na maghanap kan saiya sanang ikakarahay, kundi kan ikakarahay man kan iba.

2 Timoteo 1:15

Aram mo na binayaan ako kan gabos na nasa Asia, kaiba si Figelo saka si Hermogenes.

2 Timoteo 3:2

An mga tawo magigin makasadiri, makikwarta, mapaabaw-abaw, mapalangkaw; sinda magigin paramuda, masombikal sa mga magurang, dai tataong magromdom nin utang na boot, saka daing Dios na minimidbid;

2 Timoteo 4:10

Namoot na si Demas sa gawe kan kinaban, kaya binayaan niya ako; nagduman siya sa Tesalonica. Si Crescente nagduman sa Galacia, asin si Tito sa Dalmacia.

2 Timoteo 4:16

Mayo lamang nin nagdamay sako sa enot kong pagdepensa; binayaan ako kan gabos. Patawadon logod sinda nin Dios!