Filipos 2:14 - Marahay na Bareta Biblia

¹⁴ Gibohon nindo an gabos na bagay na mayong gumod-gumod o pakisuhay,

Filipos 2:14 ပူးပေါင်းရင်းမြစ်များ

Salmo 106:25

Nagngorob-ngurob sa laog kan saindang mga tolda, asin dai dinangog an tingog nin Kagurangnan.

Mga Talinhaga 13:10

An kapaabaw-abawan mayo nin ibubunga kundi iriwal. Sarong kadonongan an paghagad nin hatol.

Mga Bilang 14:27

“Sagkod nuarin maggugurumod-gumod tumang sako an mga maraot na tawong ini? Nadangog ko an saindang mga reklamo.

Mateo 20:11

Pakaako ninda kan bayad, nagreklamo sinda sa kagsadiri.

Markos 14:5

Pwede kutanang ipabakal iyan nin labi pa sa tres syentos na denaryo dangan itao an kabaklan sa mga dukha!” Tinuyaw ninda an babae.

Markos 9:14

Pagbalik ninda sa ibang mga disipulo, nahiling ninda na an mga ini pinalibotan nin dakul na tawo. An nagkapirang mga paratukdo kan Katogonan nakikipagdiskutiran sa mga disipulo.

Lukas 5:30

An nagkapirang Fariseo asin paratukdo kan Katogonan na kaayon ninda nagreklamo tumang sa mga disipulo ni Jesus, “Tadaw ta nagkakakan kamo asin nag-iinom kaiba kan mga parasingil nin buhis asin mga parakasala?”

Mga Gibo 15:2

Alagad diniskutir sinda ni Pablo saka ni Bernabe kaya nagkaigwa nin mainit na debate dapit kaini. Pinagkaoroyonan ninda na padumanon sa Jerusalem si Pablo saka si Bernabe asin an iba pa, nganing makipag-olay sa mga apostol saka sa mga kamagurangan duman dapit sa bagay na ini.

Mga Gibo 15:39

Huli kaini nagkasimbagan si Pablo asin si Bernabe; kaya nagsuhayan sinda. Ipinag-iba ni Bernabe si Markos; nagsakay sinda pasiring sa Chipre.

Mga Gibo 15:7

Pakatapos nin halawig na debate, nagtindog si Pedro asin nagsabi, “Mga tugang, aram nindo na kaidto pinili ako nin Dios na maghulit kan Marahay na Bareta sa mga pagano, tanganing makadangog sinda kan ebanghelyo saka magtubod.

Mga Gibo 6:1

Kan an mga disipulo nagdadakul na, nagkaigwa nin iriwal an mga Griyegong Judio saka an mga Hebreyo. Nagsarabi an mga Griyegong Judio na an saindang mga balong babae napapabayaan na tawan kan sa aroaldaw na rasyon.

Roma 12:18

Sagkod sa makakaya nindo, mamuhay kamong matoninong sa kaibahan nin gabos na tawo.

Roma 14:1

Akoa nindo an tawong maluya sa pagtubod, alagad dai nindo siya pagdiskutiron dapit sa saiyang mga opinyon.

Roma 16:17

Mga tugang, nakikimaherak ako saindo na mag-ingat kamo sa mga tawong ginigikanan nin pagkabaranga saka nin mga kaolangan sa katukdoan na nanodan nindo. Maglikay kamo sainda.

1 Corinto 10:10

Dai kita dapat maggurumod-gumod, siring kan ginibo kan iba sainda, kaya ginadan sinda kan Paragadan.

2 Corinto 12:20

Natatakot ako na pag-abot ko diyan, iba kamo sa linalaom kong mahiling; ako man iba sa linalaom nindong mahiling. Natatakot ako na tibaad an maabotan ko mga iriwal, ororihan, aranggotan, irimotan, rilibakan, pakaraot, kapaabaw-abawan saka kariribokan.

Galacia 5:15

Alagad kun garo kamo mga hayop na nagdudurulakan, mapapahamak kamo gabos. Kaya mag-ingat kamo.

Galacia 5:26

Dai kita dapat magpaabaw-abaw o mag-aragyatan o mag-ororihan.

Filipos 2:3

Dai kamo maggibo nin anoman para sana sa sadiring karahayan o tanganing maghambog; kundi sa kapakumbabaan, ibilang nindo na mas marahay an iba ki sa saindo.

1 Tesalonica 5:13

Itao nindo sainda an dakulang paggalang asin pagkamoot, dahel kan trabaho ninda. Magiriba-iba kamong matoninong.

1 Tesalonica 5:15

Hingowahon nindo na mayo saindong magbalos nin maraot sa maraot, kundi dayaday kamong maggibo nin marahay sa lambang saro saindo saka sa gabos na tawo.

Hebreyo 12:14

Hingowahon nindong magkaigwa nin katoninongan sa kaibahan kan gabos; mamuhay kamong banal, huli ta kun mayo kaiyan, mayo nin siisay man na makakahiling sa Kagurangnan.

Santiago 1:20

An kaanggotan nin tawo dai nakakatabang sa matanos na katuyohan nin Dios.

Santiago 3:14

Alagad kun sa puso nindo igwa nin pag-ori, kapaitan saka kapasloan, dai kamo mag-orgulyo asin dai kamo magkasala sa katotoohan.

Santiago 5:9

Mga tugang, dai kamo maghinanakit sa kapwa tanganing dai kamo hukoman. An Hukom madali nang mag-abot!

1 Pedro 3:11

Talikdan niya an karatan asin maggibo nin matanos; hingowahon na makamtan an katoninongan.

1 Pedro 4:9

Maogmang padagoson nindo sa saindong harong an saindong kapwa.

Judas 1:16

An mga tawong ini danay na naggugumod-gumod saka nagbabasol sa iba; sinusunod ninda an saindang maraot na mga kamawotan; mga mapalangkaw sinda, asin sagin-sagin na inoomaw an mga tawo huli sa pakinabang na makukua ninda.