Filipos 1:8 - Marahay na Bareta Biblia

⁸ Saksi ko an Dios na an paghidaw ko saindo arog kadakula kan pagkamoot saindo ni Cristo Jesus.

Filipos 1:8 ပူးပေါင်းရင်းမြစ်များ

An Libro ni Job 16:19

Maski ngunyan, uya, nasa langit an sakong saksi, asin an nagpatotoo para sako yaon sa kaitaasan.

Isaias 16:11

Kaya nag-aagrangay ako sa kamondoan para sa Moab asin para sa Kir-heres.

Isaias 63:15

Kagurangnan, dungawa kami hale sa langit, saen nag-eerok ka sa saimong kabanalan asin kamurawayan. Haen an saimong dakulang pagmakulog sa samo? Haen an saimong kapangyarihan? Haen an saimong pagkamoot asin pagkaherak? Hare kami pagpabayae.

Jeremias 31:20

“Israel, ika an aki kong namomotan, an aki na sakong nawiwilihan. Kun nasasambit ko an saimong ngaran, ginigiromdom taka na may pagkamoot. Hinihidaw taka kaya maheherakan taka.

Lukas 1:78

Huli sa pagkaherak nin satuyang Dios, papabanaagon niya sato hale sa itaas an aldaw nin kaligtasan,

Roma 1:9

Saksi ko an Dios na danay ko kamong iniiba sa pamibi ko—an Dios na pinaglilingkodan ko nin tudok sa puso sa paagi kan paghulit kan Marahay na Bareta dapit sa saiyang Aki.

Roma 9:1

Katotoohan an sinasabi ko; dai ako nagpuputik huli ta sadiri ako ni Cristo. An sakong konsyensya, na sakop kan Espiritu Santo, nagpapatotoo na dai ako nagpuputik,

2 Corinto 13:9

Naoogma kami kun maluya kami, asin kamo makosog. Kaya ipinapamibi mi an ikakarahay nindo.

2 Corinto 6:12

Mayo kaming tinatago saindo; kamo an may tinatago samo.

2 Corinto 7:15

Kaya an pagkamoot niya saindo nag-oorog, kun nagigiromdoman niya an pagkamakinuyog-kuyog nindo saiya, asin an pag-ako nindo saiya na may takot saka paggalang.

Galacia 1:20

Totoo ining isinusurat ko. Aram nin Dios na dai ako nagpuputik!

Galacia 3:26

Huli kan saindong pagtubod ki Cristo Jesus, kamo gabos nagin mga aki nin Dios.

Galacia 4:19

Namomotan kong mga aki, huli saindo namamatean ko giraray an sakit na inaagihan nin sarong inang nangangaki, sagkod na dai pa nasa saindo si Cristo.

Filipos 2:1

Kun pinapakosog kamo kan buhay diyan ki Cristo, rinaranga kan saiyang pagkamoot, nakikisumaro sa Espiritu, igwa kamo nin pagkaherak asin pakidumamay sa lambang saro,

Filipos 2:26

Kanigoan an saiyang pagmawot na mahiling kamo gabos. Napurisaw an saiyang isip huli ta naaraman nindo na naghelang siya.

Filipos 4:1

Kaya namomotan kong mga tugang, kamo na hinihidaw kong gayo, na sakong kaogmahan asin sakong orgulyo, magdanay kamong pusog sa Kagurangnan.

Colosas 2:1

Boot kong maaraman nindo na kanigoan an sakit ko sa pagtrabaho para saindo, para sa mga taga Laodicea, asin para sa gabos na dai pa nakakamidbid sako nin personal.

Colosas 3:12

Mga pinili kamo nin Dios; saiyang mga banal asin namomotan. Kaya magin kamong maheherakon, maboot, mapakumbaba, mahuyo, saka matinios.

1 Tesalonica 2:5

Aram nindong dai kami sagin-sagin na nag-omaw saindo, ni naggamit nin mga tataramon sa pagdaya nganing magkakwarta. Saksi mi an Dios!

1 Tesalonica 2:8

Huli kan pagkamoot mi saindo, andam ming ihiras saindo bako sana an Marahay na Bareta na hale sa Dios kundi maski pa an sadiri ming buhay. Namomotan mi kamong marahay!

2 Timoteo 1:4

Nagigiromdoman ko an mga pagluha mo, kaya aldaw-banggi akong nagmamawot na mahiling ka, tanganing mapano ako nin kaogmahan.

Filemon 1:12

Pinababalik ko siya saimo ngunyan na garo man sanang dara niya an sakong puso.

Filemon 1:20

Kaya, tugang ko, giboha ini para sako huli sa Kagurangnan; paogmaha an puso ko, bilang sarong tugang ki Cristo!

1 Juan 3:17

Kun mayaman an sarong tawo, dangan nahihiling niya an saiyang tugang na nangangaipo, alagad dai niya tinatabangan, paanong makapagsabi siya na may pagkamoot siya sa Dios?