Filipos 1:6 - Marahay na Bareta Biblia

⁶ Kaya bilog an paniwala ko na an Dios na nagpoon kan marahay na gibong ini saindo, mapadagos kaiyan sagkod na matapos iyan sa Aldaw ni Jesu-Cristo.

Filipos 1:6 ပူးပေါင်းရင်းမြစ်များ

Salmo 138:8

Ootobon nin Kagurangnan an katuyohan niya para sako; Kagurangnan, an saimong pagkamoot mayo nin kataposan. Taposon mo an trabaho na saimong pinonan.

Juan 6:29

Nagsimbag si Jesus, “An ipinapagibo saindo nin Dios iyo ini: magtubod kamo sa sinugo niya.”

Mga Gibo 11:18

Kan madangog ninda ini, inontok ninda an pagtuyaw asin inomaw an Dios. Nagsabi sinda, “Kun siring, tinawan man nin Dios an mga pagano nin oportunidad na magsolsol tanganing magkamit nin buhay na daing kataposan!”

Mga Gibo 16:14

An saro sa mga nagdangog samo iyo si Lydia na taga Tiatira; saro siyang negosyante nin mga tela na kolor purpura. Saro siyang parasamba sa Dios. Binuksan kan Kagurangnan an saiyang puso tanganing mag-ako kan mga sinasabi ni Pablo.

1 Corinto 1:8

Papadanayon niya kamong pusog sagkod sa kataposan, tanganing mayo saindong makuang sala pag-abot kan Aldaw ni Jesu-Cristo na satong Kagurangnan.

2 Corinto 1:15

Bilog an paniwala ko na totoo ini, kaya nagplano ako na mag-aging enot diyan saindo tanganing magkaigwa kamo nin dobleng kaogmahan.

2 Corinto 2:3

Kaya sinuratan ko kamo kaidto tanganing pagdiyan ko saindo, dai ako mapamondo kan mismong mga tawo na dapat magpaogma sako. Huli ta naniniwala ako na kun maogma ako, maogma man kamo.

2 Corinto 7:16

Ako naoogma huli ta totoong masasarigan ko kamo!

2 Corinto 9:4

ta tibaad mag-iriba sako an mga taga Macedonia dangan mahiling nindang bako kamong andam sa pagtabang, mapapasopog ako—dai na sabihon an magigin kasopogan nindo—huli sa sakong paniwala saindo!

Galacia 5:10

Huli ta nagkasararo kita sa Kagurangnan, nananarig ako na dai kamo maako nin ibang kaisipan; nananarig man ako na an tawong iyan na nagpupurisaw saindo, maski siisay man siya, papadusahan nin Dios.

Efeso 4:12

Ginibo niya ini tanganing andamon sa paglingkod an gabos na banal, asin tanganing magtalubo an hawak ni Cristo.

Filipos 1:10

tanganing mapili nindo an pinakamarahay. Dangan magigin malinig kamo asin mayo nin sala pag-abot kan Aldaw ni Cristo.

Filipos 1:29

Huli ta pinapagkanigo kamong maglingkod ki Cristo, bako sana huli sa pagtubod saiya, kundi huli man sa pagtios para saiya.

Filipos 2:12

Kaya, namomotan kong mga tugang, kun kaidtong kaiba nindo ako, danay nindo akong kinukuyog, orog nang magkuyog kamo sako ngunyan na harayo ako saindo. Magtrabaho kamo na may pagkatakot saka pagtakig sagkod na makamtan nindo an saindong kaligtasan,

Filipos 2:13

huli ta nagtatrabaho saindo an Dios tanganing mawoton asin gibohon nindo an saiyang katuyohan.

Filipos 2:16

mantang dinadara nindo sainda an tataramon nin buhay, tanganing sa Aldaw kan pagbalik ni Cristo, ikakapag-orgulyo ko na an gabos kong kapagalan saka trabaho dai nasayang.

Colosas 2:12

Kan binunyagan kamo, ilinubong kamo kaiba ni Cristo; sa bunyag na iyan binuhay kamo liwat kaiba niya, huli sa pagtubod nindo sa kapangyarihan nin Dios na iyo an nagbuhay liwat ki Cristo.

1 Tesalonica 1:3

Ginigiromdom nyamo sa atubang kan satong Dios asin Ama kun paano nindo ipinahiling sa gibo an saindong pagtubod; kun paanong an pagkamoot nindo an nakahiro saindo na magtrabaho nin maigot; kun gurano kasarig an saindong paglaom ki Jesu-Cristo na satong Kagurangnan.

2 Tesalonica 1:11

Ini an dahelan kun tadaw ta danay mi kamong ipinapamibi, tanganing gibohon nin Dios na magin maninigo kamo sa saiyang pag-apod. Papangyarihon logod nin Dios an gabos nindong marahay na mawot sa paagi kan saiyang kapangyarihan, asin mahaman an mga trabaho na ginigibo nindo dahel sa pagtubod.

2 Tesalonica 3:4

Nananarig kami sa Kagurangnan dapit saindo, na ginigibo asin padagos nindong gigibohon an mga ipinagboot mi saindo.

Filemon 1:21

Sinusuratan taka huli ta aram ko na gigibohon mo an sakong hinahagad—asin orog pa kan sakong hinahagad.

Hebreyo 10:35

Kaya dai kamo mawaraan nin kosog nin boot huli ta may katimbang ining dakulang balos.

Hebreyo 12:2

Danay na hilingon ta si Jesus, na iyo an sinasarigan kan satong pagtubod poon sa kapinonan sagkod sa kataposan. Tinios niya an krus asin dai pinahalagahan an kasosopgan kaiyan huli kan kaogmahan na naghahalat saiya; ngunyan nagtutukaw siya sa too kan trono nin Dios.

1 Pedro 5:10

Alagad pakatios nindo sa halipot na panahon, an Dios nin gabos na biyaya, na nag-apod saindo para sa saiyang mayong kataposan na kamurawayan diyan ki Cristo, iyo an matao saindo kan kapanoan nin buhay, kosog asin pagsarig.

2 Pedro 3:10

Alagad an Aldaw nin Kagurangnan maabot siring sa pag-abot nin sarong parahabon. Sa Aldaw na iyan mapapara an kalangitan kasabay an makosog na ribok. Dangan an aldaw, an bulan saka an mga bitoon sa kalangitan matutunaw sa kalayo, siring man an daga saka an gabos na yaon diyan.