Exodo 9:34 - Marahay na Bareta Biblia

³⁴ Kan mahiling kan hade an nangyari, nagkasala naman siya. Nagmatagas siya asin an saiyang mga opisyal.

Exodo 9:34 ပူးပေါင်းရင်းမြစ်များ

2 Mga Cronica 28:22

Kan nagin grabe an kasakitan ni Hadeng Ahaz, orog man logod siyang nagkasala sa Kagurangnan.

2 Mga Cronica 33:23

Alagad bako siyang arog kan saiyang ama na nagpakumbaba saka nagbalik sa Kagurangnan; dai siya nagpakumbaba kundi orog na nagkasala.

2 Mga Cronica 36:13

Nagrebelde si Zedekias laban ki Hadeng Nebukadnezzar na nagpirit saiya na magsumpa sa ngaran nin Dios na siya magigin maimbod ki Nebukadnezzar. Nagin matagas an saiyang puso asin nagsayuma siyang magbalik sa Kagurangnan, an Dios nin Israel.

Exodo 4:21

Nagtaram giraray an Kagurangnan ki Moises, “Pag-abot mo sa Egipto, gibohon mo nanggad sa atubang kan hade an gabos na ngangalasan na itinao ko sa saimong kapangyarihan. Alagad papatagason ko an puso kan hade, asin dai niya tutugotan na humale an mga tawo.

Exodo 7:14

Dangan nagtaram an Kagurangnan ki Moises, “Matagas an puso kan hade asin habo niyang pahaleon an mga tawo.

Exodo 8:15

Kan mahiling kan hade na garadan na an mga talapang, nagmatagas na naman siya asin dai niya dinangog si Moises saka si Aaron, sosog sa itinaram nin Kagurangnan.

Exodo 9:33

Binayaan ni Moises an hade; nagduman siya sa luwas kan syudad, asin itinaas an saiyang mga kamot sa pagpamibi sa Kagurangnan. Dangan nag-ontok an daguldol, an yelo asin an uran.

Exodo 9:35

Siring sa itinaram nin Kagurangnan ki Moises, dai tinugotan kan hade na maghale an mga Israelita.

Parahulit 8:11

An mga tawo andam sa paggibo nin karatan, huli ta an krimen dai tolos pinapadusahan.

1 Samuel 6:6

Tadaw ta pinapatagas nindo an saindong payo arog kan hade nin Egipto asin kan mga Egipcio? Bakong aram nindo kun paano ginibo nin Dios na garo mga lolong an hade nin Egipto asin an mga Egipcio sagkod na nagtugot sindang makahale an mga Israelita?