Exodo 9:27 - Marahay na Bareta Biblia

²⁷ Ipinaapod kan hade si Moises saka si Aaron asin sinabihan, “Ngunyan nagkasala ako, an Kagurangnan iyo an tama. Ako asin an sakong banwaan an sala.

Exodo 9:27 ပူးပေါင်းရင်းမြစ်များ

2 Samuel 12:13

Nagsabi si David, “Nagkasala ako sa Kagurangnan.” “Pinapatawad ka nin Kagurangnan; dai ka magagadan,” an simbag ni Natan.

2 Mga Cronica 12:6

Dangan nagpakumbaba an hade saka an mga lider nin Israel asin nagsarabi, “Matanos an Kagurangnan.”

Salmo 129:4

Alagad matanos an Kagurangnan; pinatalingkas niya ako hale sa kaoripnan.”

Salmo 145:17

An Kagurangnan matanos sa gabos niyang mga palakaw, maheherakon sa gabos niyang gibo.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Exodo 10:16

Ipinaapod tolos kan hade si Moises saka si Aaron asin sinabihan, “Nagkasala ako sa Kagurangnan na saindong Dios siring man sa saindo.

Exodo 10:17

Patawada ako ngunyan na sana sa pagkakasala kong ini asin ipamibi mo ako sa Kagurangnan na saindong Dios na haleon sako an magabat na padusang ini.”

Exodo 8:25

Ipinaapod kan hade si Moises saka si Aaron dangan sinabihan, “Lakaw asin mag-atang kamo sa saindong Dios digdi sa banwaan na ini.”

Exodo 8:8

Dangan ipinaapod kan hade si Moises saka si Aaron asin sinabihan, “Ipamibi nindo sa Kagurangnan na haleon ining mga talapang asin tutugotan ko nang humale an mga tawo tanganing makapag-atang sa Kagurangnan.”

Mga Panambitan 1:18

“Alagad tama an Kagurangnan, huli ta dai ko siya kinuyog. Dangoga nindo ako, kamo gabos na banwaan, asin hilinga an sakong kasakitan; an gabos kong mga hoben na lalaki asin babae napaduman sa pagkabihag.

Daniel 9:14

Andam ka sa pagpadusa samo, O Kagurangnan na samong Dios, asin pinadusahan mo mananggad kami huli ta danay na tama an saimong ginigibo, asin dai kami nagdangog saimo.

Mga Bilang 21:7

Nagduman an mga tawo ki Moises asin nagsabi, “Nagkasala kami kan magtaram kami tumang sa Kagurangnan asin saimo. Mamibi ka saiya na haleon an mga halas na ini.” Kaya namibi si Moises para sa mga tawo.

Mga Bilang 22:34

Nagsimbag si Balaam, “Nagkasala ako. Dai ko aram na nakatindog ka sa dalan tanganing olangon ako; alagad kun sa paghona mo maraot para sako an magpadagos, mapuli na ako.”

Mateo 27:4

Nagsabi siya, “Nagkasala ako! Pinasaluiban ko an sarong tawong mayong sala!” Alagad nagsimbag sinda, “Ano an labot mi kaiyan? Problema mo na iyan!”

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.

Roma 3:19

Ngunyan aram tang an nasasabi sa Katogonan gabos ipinapanongod sa mga tawong nasasakopan kan Katogonan, tanganing mayo nanggad nin dahelan an siisay man, asin tanganing an bilog na kinaban iatubang sa paghukom nin Dios.

Josue 7:20

Nagsimbag si Acan, “Totoong nagkasala ako sa Kagurangnan, an Dios nin Israel, asin ini an sakong ginibo:

1 Samuel 15:24

Nagsimbag si Saul, “Nagkasala ako; dai ko kinuyog an kabotan nin Kagurangnan asin an saimong katukdoan. Natakot ako sa mga tawo, kaya sinunod ko an saindang kamawotan.

1 Samuel 15:30

“Nagkasala ako,” an simbag ni Saul. “Maski siring, pahilingan man giraray sa mga lider kan sakong banwaan asin sa bilog na Israel na ginagalangan mo ako. Mag-iba ka sako tanganing makapagsamba ako sa Kagurangnan na saimong Dios.”

1 Samuel 26:21

Nagsimbag si Saul, “Nagkasala ako. Magbalik ka David, aki ko! Dai na ako mag-iisip na gadanon ka, huli ta dai mo ako ginadan ngunyan na banggi. Nagin lolong ako, asin dakula an ginibo kong karatan!”