Exodo 9:23 - Marahay na Bareta Biblia

²³ Kaya itinaas ni Moises an saiyang sugkod, dangan pinadaguldol asin pinakikilat nin Kagurangnan saka pinauranan nin yelo an daga.

Exodo 9:23 ပူးပေါင်းရင်းမြစ်များ

Genesis 19:24

Dangan, an Sodoma asin an Gomorra pinauranan nin Kagurangnan nin nagkakalayong asupre.

An Libro ni Job 37:13

An Dios minapadara nin uran tanganing baribihon an saiyang daga; pwede niyang ipadara iyan sa pagpadusa sa mga tawo o sa pagpahiling kan saiyang pagkamoot.

Salmo 147:17

Pinapauran niya an mga yelo na arog kan mga graba; siisay an makakatagal sa lipot na saiyang ipinapadara?

Salmo 148:8

Kalayo asin uran, yelo asin mga panganoron, omawon nindo an Kagurangnan; asin kamong makokosog na doros na minakuyog kan saiyang tataramon.

Salmo 18:13

An Kagurangnan nagdaguldol sa kalangitan; asin nadangog an tingog kan Kahorohalangkawe.

Salmo 29:3

An tingog nin Kagurangnan nasa ibabaw nin katubigan; minadaguldol an Dios nin kamurawayan, an Kagurangnan, sa ibabaw nin mga katubigan.

Salmo 77:18

An ribok kan saimong daguldol yaon sa buhawi; an saimong kikilat nag-ilaw sa kinaban; an daga naglinog asin tinakigan.

Exodo 19:16

Pagkaaga kan ikatolong aldaw, nagkaigwa nin daguldol saka kikilat, nagtunga sa bukid an sarong mahibog na panganoron asin nadangog an makosog na tanog kan trompeta. An gabos na tawo sa kampo nagtarakig sa takot.

Exodo 20:18

Kan madangog kan mga tawo an daguldol saka an tanog kan trompeta asin kan mahiling ninda an kikilat sagkod an nag-aasong bukid, nagtarakig sinda sa takot; kaya nagtirindog sinda sa harayo.

Exodo 9:18

Sa aga, sa siring kaining oras, papauranan ko nin sarong makosog na uran nin yelo an Egipto na dai pa nadangog sa istorya kan dagang ini.

Exodo 9:24

Makosog nin marahay an uran nin yelo na may kaibang kikilat. Ini an pinakamakosog na pag-uran nin yelo sa bilog na istorya nin Egipto.

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Ezekiel 38:22

Papadusahan ko siya sa paagi nin peste asin garadanan. Mahugpa sa saiya, sa saiyang hukbo asin sa mga nasyon na nag-apil saiya an uran asin an yelo, kaiba an kalayo saka asupre.

Josue 10:11

Mantang nagdudurulag an mga Amoreo sa hukbo kan Israel duman sa dalan na paibaba kan Bet-horon, pinauranan sinda nin Kagurangnan nin yelo na garo mga gapo sagkod sa Azeka; mas dakul sainda an nagadan sa yelo ki sa nagadan kan mga Israelita.

Kapahayagan 16:18

Nagkaigwa nin kikilat, makosog na urogudog, daguldol saka makosog na linog. Mayo pa nin siring kakosog na linog poon na lalangon an tawo; ini an pinakakosog sa gabos!

Kapahayagan 16:21

Nag-uran nin darakulang yelo na haros singkwenta kilo an gabat kan lambang saro, saka huminugpa iyan sa mga tawo. Minuda kan mga tawo an Dios huli kan nakakatakot na peste nin uran nin yelo. Nakakatakot an pesteng ini!

Kapahayagan 8:7

Pinatanog kan enot na anghel an saiyang trompeta. Nag-uran sa daga nin yelo saka kalayong may kasalak na dugo. Nasulo an ikatolong kabtang kan daga, an ikatolong kabtang kan mga kahoy saka an gabos na berdeng doot.