Exodo 9:15 - Marahay na Bareta Biblia

¹⁵ Garadan na kuta kamo kun ika asin an saimong banwaan sakong pinahelang.

Exodo 9:15 ပူးပေါင်းရင်းမြစ်များ

2 Samuel 7:23

Mayo nin ibang nasyon sa kinaban arog kan Israel, na saimong ilinigtas sa kaoripnan tanganing gibohon na sadiri mong banwaan. An darakula asin makangangalas na mga bagay na ginibo mo para sainda nakapabantog saimo sa bilog na kinaban. Pinalayas mo an ibang nasyon asin an saindang mga dios-dios mantang nagdadangadang an saimong banwaan, an banwaan na saimong pinatalingkas sa Egipto tanganing saimong masadirihan.

1 Mga Hade 13:34

An kasalan niyang ini an nagin dahelan kan pagkaraot asin pagkapuho kan paghahade kan saiyang pamilya.

2 Mga Hade 17:36

Kuyogon nindo ako, an Kagurangnan, na nagluwas saindo hale sa Egipto sa dakulang kapangyarihan asin kosog; magduko kamo sako asin magdolot nin atang.

2 Mga Hade 19:35

Kan bangging idto sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga kan sunod na aldaw, mahihiling sindang nahuhutad, gabos gadan!

Exodo 14:28

Nagbalik an tubig asin natahoban an gabos na karwahe, an mga nagpapadalagan kaiyan, sagkod an gabos na hukbo nin Egipto na naglamag kan mga Israelita sa dagat; mayong natada maski saro.

Exodo 3:20

Kaya gagamiton ko an sakong kapangyarihan asin papadusahan ko an Egipto sa paagi nin makangingirhat na mga bagay na gigibohon ko duman. Pakatapos kaiyan papahaleon na niya kamo.

Exodo 9:14

Ngunyan, bako sana an saimong mga opisyal saka mga nasasakopan an papadusahan ko, kundi sagkod ika, tanganing maaraman mo na mayo nin makakaarog sa sako sa bilog na kinaban.

Exodo 9:16

Alagad binuhay taka tanganing ipahiling saimo an sakong kapangyarihan, asin tanganing makalakop sa bilog na kinaban an sakuyang ngaran.

Exodo 9:3

papadusahan taka. Papadarahan ko nin makangirhat na helang an gabos mong hayop—an saimong mga kabayo, mga asno, mga kamelyo, mga baka, mga karnero, saka mga kanding.

Exodo 9:6

Sunod na aldaw, ginibo nin Kagurangnan an saiyang itinaram, kaya nagkagaradan an gabos na hayop kan mga Egipcio alagad mayong nagadan maski saro sa mga hayop kan mga Israelita.

Mga Talinhaga 2:22

Alagad an mga tampalasan mawawara sa daga asin an mga madaya magagabot arog sa mga tinanom diyan.