Exodo 8:32 - Marahay na Bareta Biblia

³² Alagad nagmatagas na naman an hade, asin dai tinugotan na humale an mga tawo.

Exodo 8:32 ပူးပေါင်းရင်းမြစ်များ

Exodo 4:21

Nagtaram giraray an Kagurangnan ki Moises, “Pag-abot mo sa Egipto, gibohon mo nanggad sa atubang kan hade an gabos na ngangalasan na itinao ko sa saimong kapangyarihan. Alagad papatagason ko an puso kan hade, asin dai niya tutugotan na humale an mga tawo.

Exodo 8:15

Kan mahiling kan hade na garadan na an mga talapang, nagmatagas na naman siya asin dai niya dinangog si Moises saka si Aaron, sosog sa itinaram nin Kagurangnan.

Exodo 8:31

Ginibo nin Kagurangnan an hinagad ni Moises: hinale niya an mga langaw sa hade, sa saiyang mga opisyal sagkod sa saiyang mga nasasakopan; mayong natada maski sarong langaw.

Exodo 8:8

Dangan ipinaapod kan hade si Moises saka si Aaron asin sinabihan, “Ipamibi nindo sa Kagurangnan na haleon ining mga talapang asin tutugotan ko nang humale an mga tawo tanganing makapag-atang sa Kagurangnan.”

Exodo 9:7

Nagsugo an hade tanganing siyasaton an nangyari, asin naaraman niya na mayo nin nagadan sa mga hayop kan mga Israelita. Alagad nagmatagas an hade asin dai tinugotan na humale an mga tawo.

Isaias 63:17

Tadaw ta itinugot mong maglagalag kami sa saimong mga dalan? Tadaw ta pinatagas mo an samong mga payo kun kaya nagtalikod kami saimo? Magbalik ka, huli na lamang sa mga tawong naglilingkod saimo, huli na lamang sa banwaan na danay na sadiri mo.

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.

1 Samuel 6:6

Tadaw ta pinapatagas nindo an saindong payo arog kan hade nin Egipto asin kan mga Egipcio? Bakong aram nindo kun paano ginibo nin Dios na garo mga lolong an hade nin Egipto asin an mga Egipcio sagkod na nagtugot sindang makahale an mga Israelita?