Exodo 8:28 - Marahay na Bareta Biblia

²⁸ Nagsabi an hade, “Tutugotan ko kamong mag-atang sa Kagurangnan na saindong Dios duman sa kalangtadan, bastang dai kamo magrayo. Ipamibi mo ako.”

Exodo 8:28 ပူးပေါင်းရင်းမြစ်များ

1 Mga Hade 13:6

Nagsabi si Hadeng Jeroboam sa propeta, “Ipakimaherak mo ako sa Kagurangnan na saimong Dios, asin ipamibi na maomayan an sakong takyag!” Nakimaherak sa Kagurangnan an propeta asin naomayan an takyag kan hade.

Esdras 6:10

tanganing makapagdolot sinda nin maninigong atang sa Dios nin langit asin ikapamibi ninda ako saka an sakong mga aki.

Exodo 10:17

Patawada ako ngunyan na sana sa pagkakasala kong ini asin ipamibi mo ako sa Kagurangnan na saindong Dios na haleon sako an magabat na padusang ini.”

Exodo 3:19

Aram kong dai matugot an hade na maghale kamo sagkod na dai siya mapiritan.

Exodo 7:13

Maski siring, padagos na nagmatagas an hade, asin habong magdangog ki Moises dangan ki Aaron sosog sa itinaram nin Kagurangnan.

Exodo 8:15

Kan mahiling kan hade na garadan na an mga talapang, nagmatagas na naman siya asin dai niya dinangog si Moises saka si Aaron, sosog sa itinaram nin Kagurangnan.

Exodo 8:29

Nagsimbag si Moises, “Pakahale ko digdi, mamimibi ako sa Kagurangnan tanganing sa aga magharale an mga langaw sa saimo, sa saimong mga opisyal sagkod sa saimong mga nasasakopan. Alagad dai mo na nanggad kami pagdayaon asin dai mo na pag-olangon an mga tawo sa pag-atang sa Kagurangnan.”

Exodo 8:8

Dangan ipinaapod kan hade si Moises saka si Aaron asin sinabihan, “Ipamibi nindo sa Kagurangnan na haleon ining mga talapang asin tutugotan ko nang humale an mga tawo tanganing makapag-atang sa Kagurangnan.”

Exodo 9:28

Mamibi kamo sa Kagurangnan huli ta dai mi na matitios ining pagdaguldol asin pag-uran nin yelo. Nanunuga ako na papahaleon ko na kamo; asin dai na kamo maghahaloy digdi.”

Parahulit 6:10

An gabos na nangyayari itinalaan na kaidto. Siring man, aram na nyato kun ano an tawo: dai siya pwedeng makidiskutir sa mas makosog sa saiya.

Jeremias 42:2

saka nakiolay sinda sako, “Ipamibi mo kami sa Kagurangnan na saimong Dios. Mamibi ka para sa samo gabos na natada. Kadakul mi kaidto; alagad ngunyan kadikit na sana kaming natada, siring sa nahihiling mo.

Oseas 10:2

Kaipuhan na magtios ngunyan an mga tawong madaya an puso huli kan saindang mga kasalan. Gagabaon nin Dios an saindang mga altar asin raraoton niya an saindang sagradong mga harigi.

Mga Gibo 8:24

Nagsabi si Simon ki Pedro saka ki Juan, “Pamibian man ako sa Kagurangnan, tanganing dai mangyari sako an arin man sa mga sinabi nindo.”