Exodo 8:26 - Marahay na Bareta Biblia

²⁶ “Bakong tama na gibohon mi iyan,” an simbag ni Moises, “huli ta maaanggot an mga Egipcio sa gigibohon ming pagdolot nin mga hayop sa Kagurangnan na samong Dios. Kun digdi kami magdolot asin mahiling kami kan mga Egipcio, dai daw ninda kami gapoon?

Exodo 8:26 ပူးပေါင်းရင်းမြစ်များ

Genesis 43:32

Pinuwestohan si Jose sa sarong lamesa asin an mga tugang niya sa saro pang lamesa. An mga Egipcio na nagkakakan duman suhay man na pinuwestohan huli ta dai ninda maaako na makahampang sa pagkakan an mga Hebreyo.

Genesis 46:34

dai nanggad kamo malingaw na magsabi saiya na mga pastor kamo nin mga hayop sa bilog nindong pagkabuhay, siring kan trabaho kan saindong mga ginikanan. Huli kaini, tutugotan niya kamong mag-erok sa rehiyon nin Goshen.” Sinabi ini ni Jose huli ta dai nakikilabot an mga Egipcio sa mga pastor nin hayop.

2 Mga Hade 23:13

Binasang-basang niya an mga altar na nasa sirangan nin Jerusalem, sa parteng habagat kan Bukid nin mga Oliba. An mga altar na ini ginibo ni Hadeng Solomon para ki Astarte, an makauuyam na diosa nin Sidon, para ki Kemos, an dios nin Moab, asin para ki Molek, an dios nin Ammon.

Esdras 9:1

Pakatapos na magibo an gabos na ini, dinolok ako kan nagkapirang lider kan banwaan nin Israel dangan sinabihan, “An mga tawo, an mga padi, asin an mga Levita dai nagsuhay sa mga tawo na nag-eerok sa kataraed na mga nasyon nin Ammon, Moab, saka Egipto, o sa mga Cananeo, Heteo, Perezeo, Jebuseo saka Amoreo. Inaarog pa ninda an makauuyam na mga gawe kan mga ini.

Exodo 3:18

“Dadangogon ka kan sakong banwaan; dangan, kaiba an mga lider nin Israel, magduman kamo sa hade nin Egipto asin sabihan nindo siya, ‘An Kagurangnan, an Dios kan mga Hebreyo, nagpahiling sa samo. Ngunyan, tugote kaming maglakaw nin tolong aldaw pasiring sa kalangtadan tanganing mag-atang sa Kagurangnan, na samuyang Dios.’

Exodo 8:8

Dangan ipinaapod kan hade si Moises saka si Aaron asin sinabihan, “Ipamibi nindo sa Kagurangnan na haleon ining mga talapang asin tutugotan ko nang humale an mga tawo tanganing makapag-atang sa Kagurangnan.”

Isaias 44:19

An paragibo nin ladawan mayo nin pakasabot o kadonongan nganing magsabi, “An kabanga kan kahoy sakong iginatong sa kalayo. Nagluto ako nin tinapay asin nagdarang ako nin karne dangan kinakan ko iyan. An kabanga kan kahoy ginibo kong ladawan. Uya akong nagluluhod sa sarong kaputol na kahoy.”