Exodo 8:22 - Marahay na Bareta Biblia

²² Alagad ililigtas ko an Goshen, na pinag-eerokan kan sakong banwaan, tanganing maaraman mo na Ako, an Kagurangnan, iyo an mapangyari sa dagang ini.

Exodo 8:22 ပူးပေါင်းရင်းမြစ်များ

Genesis 46:34

dai nanggad kamo malingaw na magsabi saiya na mga pastor kamo nin mga hayop sa bilog nindong pagkabuhay, siring kan trabaho kan saindong mga ginikanan. Huli kaini, tutugotan niya kamong mag-erok sa rehiyon nin Goshen.” Sinabi ini ni Jose huli ta dai nakikilabot an mga Egipcio sa mga pastor nin hayop.

Salmo 110:2

Ipapadara nin Kagurangnan hale sa Sion an setro nin saimong kapangyarihan. Maghade ka sa tahaw kan saimong mga kaiwal!

Salmo 74:12

Alagad poon kaidto ika na an samuyang Hade, O Dios; dakul nang beses mo kaming ilinigtas.

Exodo 10:23

dai nagkahirilingan an mga Egipcio asin dai nin siisay man na nakahale sa saiyang namumugtakan. Alagad maliwanag sa lugar kan mga Israelita.

Exodo 12:13

An dugo sa mga hamba asin sa itaas kan mga pintoan iyo an tanda kan mga harong na pinag-eerokan nindo. Sa oras na mahiling ko an dugo, lilihisan ko kamo asin mayo nin mangyayari saindo mantang pinapadusahan ko an mga Egipcio.

Exodo 19:5

Kaya ngunyan, kun susunodon nindo ako asin kun ootobon nindo an sakong tipan, pipilion ko kamo bilang sadiri ko sa gabos na banwaan huli ta rogaring ko an bilog na kinaban.

Exodo 20:11

Huli ta sa anom na aldaw ginibo ko an daga, an langit, an kadagatan sagkod an gabos na yaon diyan, alagad sa ikapitong aldaw, nagpahingalo ako. Kaya benendisyonan ko an Sabbath asin pinabanal iyan.

Exodo 7:17

Kaya ini an itinaram nin Kagurangnan tanganing maaraman mo kun siisay siya huli sa gigibohon niya. Hilinga, papakulon ko kan sugkod na ini an Salog nin Nilo asin an tubig magigin dugo.

Exodo 7:5

Sa paaging iyan mamimidbid kan Egipto na ako an Kagurangnan kun padusahan ko na sinda asin iluwas ko na sa saindang daga an mga Israelita.”

Exodo 8:10

Nagsimbag an hade, “Ipamibi mo ako sa aga.” Nagsabi si Moises, “Gigibohon ko an hinahagad mo tanganing maaraman mo na mayo nin ibang dios na arog sa Kagurangnan, na samong Dios.

Exodo 8:21

Pinapatanidan taka na kun magsayuma ka, mapadara ako nin mga langaw bilang padusa sa saimo, sa saimong mga opisyal sagkod sa saimong mga nasasakopan. An mga harong kan mga Egipcio mapapano nin mga langaw asin an daga matatahoban kaini.

Exodo 8:23

Ipapahiling ko an kalaenan kan sakong banwaan sa saimong banwaan. An ngangalasan na ini mangyayari sa aga.’”

Exodo 9:26

An rehiyon nin Goshen, na pinag-eerokan kan mga Israelita, iyo sana an lugar na dai hinugpaan nin yelo.

Exodo 9:29

Nagsabi si Moises, “Pakaluwas ko sa syudad, iitaas ko an sakong kamot sa pagpamibi sa Kagurangnan. Maontok an pagdaguldol asin an pag-uran nin yelo, tanganing maaraman mong an Kagurangnan iyo an kagsadiri kan kinaban.

Exodo 9:4

Lalaenon ko an mga hayop kan mga Israelita sa mga hayop kan mga Egipcio tanganing mayong magadan sa mga hayop na sadiri kan mga Israelita.

Exodo 9:6

Sunod na aldaw, ginibo nin Kagurangnan an saiyang itinaram, kaya nagkagaradan an gabos na hayop kan mga Egipcio alagad mayong nagadan maski saro sa mga hayop kan mga Israelita.

Ezekiel 30:19

Kun padusahan ko na an Egipto sa paaging ini, maaraman ninda na ako an Kagurangnan.”

Malakias 3:18

Mahihiling giraray kan sakong banwaan an kalaenan kan nangyayari sa mga matanos asin sa mga tampalasan, sa tawong naglilingkod sa sako saka sa dai.”