Exodo 8:20 - Marahay na Bareta Biblia

²⁰ Nagtaram an Kagurangnan ki Moises, “Sa agang amay magduman ka sa salog. Sabaton mo an hade sa pagduman niya sa salog dangan sabihan mo siya na nagtaram an Kagurangnan, ‘Tugotan mong humale an sakuyang banwaan tanganing makapagsamba sinda sako.

Exodo 8:20 ပူးပေါင်းရင်းမြစ်များ

Salmo 105:31

Nagboot an Dios, asin nag-abot an mga langaw; mga noknok nakapano sa bilog na daga.

Salmo 78:45

Pinadarahan niya sinda nin mga langaw, tanganing pasakitan sinda; mga talapang tanganing raoton an daga.

Exodo 2:5

Kan magduman sa salog an aking babae kan hade tanganing magkarigos, mantang naglalakaw-lakaw sa pangpang an saiyang mga katabang, nahiling niya an basket sa tahaw kan mga talahib. Ipinakua niya idto sa sarong katabang.

Exodo 3:18

“Dadangogon ka kan sakong banwaan; dangan, kaiba an mga lider nin Israel, magduman kamo sa hade nin Egipto asin sabihan nindo siya, ‘An Kagurangnan, an Dios kan mga Hebreyo, nagpahiling sa samo. Ngunyan, tugote kaming maglakaw nin tolong aldaw pasiring sa kalangtadan tanganing mag-atang sa Kagurangnan, na samuyang Dios.’

Exodo 4:23

Tugotan mong maghale an sakong aki tanganing sambahon ako; kun magsayuma ka, gagadanon ko an matua mong aking lalaki.’”

Exodo 5:1

Pakatapos, nagduman si Moises asin si Aaron sa hade nin Egipto asin nagsabi, “Nagtaram an Kagurangnan, an Dios kan Israel, ‘Tugoteng humale an sakong banwaan tanganing magpyesta sinda sa kalangtadan sa pag-omaw sako.’”

Exodo 5:3

Nagsimbag si Moises asin si Aaron, “Nagpahiling samo an Dios kan mga Hebreyo. Tugote kaming lumakaw nin tolong aldaw pasiring sa kalangtadan tanganing mag-atang sa Kagurangnan na samong Dios. Kun dai mi magibo iyan, tibaad gadanon niya kami sa paagi nin gera o nin helang.”

Exodo 7:15

Kaya sa aga, makipaghilingan ka sa hade pagduman niya sa Salog nin Nilo. Darahon mo an sugkod na nagin halas asin halaton mo siya sa pangpang kan salog.

Exodo 8:1

Dangan nagtaram an Kagurangnan ki Moises, “Dumuman ka sa hade asin sabihan mo siya na ini an itinaram nin Kagurangnan, ‘Tugotan mong humale an sakuyang banwaan tanganing makapagsamba sinda sako.

Exodo 8:21

Pinapatanidan taka na kun magsayuma ka, mapadara ako nin mga langaw bilang padusa sa saimo, sa saimong mga opisyal sagkod sa saimong mga nasasakopan. An mga harong kan mga Egipcio mapapano nin mga langaw asin an daga matatahoban kaini.

Exodo 9:13

Nagtaram an Kagurangnan ki Moises, “Magduman ka sa hade sa agang amay, asin sabihan mo siya na an Kagurangnan, an Dios kan mga Hebreyo, nagtaram, ‘Tugotan mong humale an sakuyang banwaan tanganing makapagsamba sinda sako.