Exodo 8:15 - Marahay na Bareta Biblia

¹⁵ Kan mahiling kan hade na garadan na an mga talapang, nagmatagas na naman siya asin dai niya dinangog si Moises saka si Aaron, sosog sa itinaram nin Kagurangnan.

Exodo 8:15 ပူးပေါင်းရင်းမြစ်များ

Exodo 14:5

Kan masabihan an hade kan Egipto na nagdulag an mga Israelita, nagbago nin isip an hade, asin an saiyang mga opisyal. Nagsarabi sinda, “Ano ining ginibo ta? Pinabayaan tang makahale an mga Israelita asin ngunyan nawaraan logod kita nin mga oripon.”

Exodo 4:21

Nagtaram giraray an Kagurangnan ki Moises, “Pag-abot mo sa Egipto, gibohon mo nanggad sa atubang kan hade an gabos na ngangalasan na itinao ko sa saimong kapangyarihan. Alagad papatagason ko an puso kan hade, asin dai niya tutugotan na humale an mga tawo.

Exodo 7:4

Dangan uunaton ko an sakong kamot tanganing padusahan nin makuri an bilog na Egipto asin hahaleon ko duman an mga Israelita na sakong banwaan.

Exodo 8:14

Tinambak kan mga Egipcio an mga gadan na talapang, na nakapabata sa Egipto.

Exodo 8:16

Nagtaram an Kagurangnan ki Moises, “Sabihan mo si Aaron na pakolon kan saiyang sugkod an daga, asin an alpog sa bilog na Egipto magigin mga noknok.”

Exodo 8:28

Nagsabi an hade, “Tutugotan ko kamong mag-atang sa Kagurangnan na saindong Dios duman sa kalangtadan, bastang dai kamo magrayo. Ipamibi mo ako.”

Exodo 8:29

Nagsimbag si Moises, “Pakahale ko digdi, mamimibi ako sa Kagurangnan tanganing sa aga magharale an mga langaw sa saimo, sa saimong mga opisyal sagkod sa saimong mga nasasakopan. Alagad dai mo na nanggad kami pagdayaon asin dai mo na pag-olangon an mga tawo sa pag-atang sa Kagurangnan.”

Exodo 8:32

Alagad nagmatagas na naman an hade, asin dai tinugotan na humale an mga tawo.

Exodo 8:8

Dangan ipinaapod kan hade si Moises saka si Aaron asin sinabihan, “Ipamibi nindo sa Kagurangnan na haleon ining mga talapang asin tutugotan ko nang humale an mga tawo tanganing makapag-atang sa Kagurangnan.”

Mga Talinhaga 26:11

An lolong na minagibo liwat kan parehong kalolongan garo man sana ayam na minabalik sa saiyang isinuka.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Parahulit 8:11

An mga tawo andam sa paggibo nin karatan, huli ta an krimen dai tolos pinapadusahan.

Isaias 26:10

Maski naheherakan mo an mga tampalasan dai nanggad sinda nakakanood sa paggibo nin matanos. Maski digdi sa daga nin mga matanos na tawo sala pa giraray an saindang ginigibo; habo nindang midbidon an saimong kadakulaan.

Oseas 6:4

Alagad nagsasabi an Kagurangnan, “Ano an gigibohon ko saimo Israel? Ano an gigibohon ko saimo Juda? Hidali sanang nawawara an saindong pagkamoot sako arog kan alopoop sa pagkaaga; nakakaagid iyan sa ambon na nawawara amay pa an aldaw.

Hebreyo 3:15

Ini an sinasabi kan kasuratan, “Ngunyan na aldaw kun madangog nindo an saiyang tingog, dai nindo pagpatagason an saindong mga puso arog kan mga ginikanan nindo na nagtumang sa Dios kaidto.”

Hebreyo 3:8

dai nindo pagpatagason an saindong mga puso arog kan mga ginikanan nindo na nagtumang sa Dios kaidto, kan baloon ninda siya duman sa kalangtadan.

Kapahayagan 16:9

Alagad maski nasulo an mga tawo kan makuring init, minuda ninda an Dios na iyo an may kapangyarihan sa siring na mga peste; dai sinda nagsolsol kan saindang mga kasalan, dai sinda nag-omaw sa Dios.

1 Samuel 6:12

Deretsong naglakaw an mga baka sa dalan na pasiring sa Bet-semes, nag-uungal mantang naglalakaw. Nagsunod sa kariton an limang hade kan mga Filisteo sagkod sa pagdolonan kan Bet-semes.

1 Samuel 6:3

Nagsimbag sinda, “Kun ibabalik nindo an Kaban nin Tipan kan Dios nin Israel, kaipuhan ibalik nindo na igwang kaibang regalo para saiya tanganing matubos an saindong kasalan. Sa paaging ini, mararahay kamo asin maaaraman nindo kun tadaw ta padagos niya kamong pinapadusahan.”

1 Samuel 6:6

Tadaw ta pinapatagas nindo an saindong payo arog kan hade nin Egipto asin kan mga Egipcio? Bakong aram nindo kun paano ginibo nin Dios na garo mga lolong an hade nin Egipto asin an mga Egipcio sagkod na nagtugot sindang makahale an mga Israelita?

1 Samuel 6:9

Bantayan nindo; kun magpasiring an kariton sa banwaan nin Bet-semes, an dios nin Israel iyo an nagpadara sato kan makangirhat na pesteng ini; alagad kun dai, bako siya an nagpadara kundi nagkanorongod sana.”