Exodo 7:23 - Marahay na Bareta Biblia

²³ Binayaan niya sinda dangan nagpuli sa saiyang palasyo na garo mayong nangyari.

Exodo 7:23 ပူးပေါင်းရင်းမြစ်များ

An Libro ni Job 7:17

“Ano an tawo, ta pinapahalagahan mo nin marahay? Tadaw ta tinatawan mo nin halaga an mga ginigibo niya?

Salmo 62:10

Hare pagbugtakan an saindong pagsarig sa dahas; hare paglaom sa panghahabon; maski pa magdakul an saindong kayamanan, an saindong puso dai nindo ibugtak diyan.

Exodo 7:22

Alagad sa paagi kan saindang tagong kadonongan ginibo man kan mga salamangkero kan hade an ginibo ni Aaron kaya orog na nagmatagas an hade saka habong magdangog ki Moises asin ki Aaron sosog sa itinaram nin Kagurangnan.

Exodo 7:24

Nagkaralot sa pangpang kan Salog nin Nilo an gabos na Egipcio tanganing may makuang tubig, huli ta dai ninda naiinom an tubig kan Salog nin Nilo.

Exodo 9:20

Natakot sa itinaram nin Kagurangnan an ibang mga opisyal kan hade, kaya pinasirong ninda an saindang mga oripon asin mga hayop.

Exodo 9:21

Alagad an iba dai natakot sa patanid nin Kagurangnan kaya pinabayaan sa kaomahan an saindang mga oripon asin mga hayop.

Mga Talinhaga 22:17

Paghinanyog asin tutukdoan taka kan mga tataramon kan mga madonong. Adalan mo an saindang mga katukdoan,

Mga Talinhaga 24:32

Minasdan ko asin pinaghorophorop an bagay na ini dangan may nakua akong magayon na adal:

Mga Talinhaga 28:14

Paladan an tawong danay na may pagkatakot sa Kagurangnan, alagad mapapahamak an matagas an payo.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Isaias 47:7

Naghona ka na danay kang magigin reyna, kaya dai mo naisip an mga bagay na ini o nagiromdoman an magigin kataposan kaiyan.

Jeremias 36:24

Alagad dai lamang natakot o nagpahiling nin anoman na tanda nin pagmondo an hade, ni an siisay man sa mga opisyal niya.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Ezekiel 40:4

Sinabihan niya ako, “Aki nin tawo, maghinanyog ka asin maanan mo nin marahay an gabos na ipapahiling ko saimo, huli ta iyan an dahelan kun tadaw ta ipinag-iba taka digdi. Ipapahayag mo sa banwaan nin Israel an gabos mong mahihiling.”

Habakkuk 1:5

Dangan nagtaram an Kagurangnan sa saiyang banwaan, “Masdan nindo an mga nasyon sa palibot nindo, asin magngangalas kamo sa saindong mahihiling. Magibo ako nin ngangalasan na dai nindo tutubodan kun ioosip sana saindo.

Malakias 2:2

Kaipuhan na omawon nindo ako sa paagi kan saindong ginigibo. Kun dai kamo magdangog sa sakong sinasabi, dadarahan ko kamo nin maldisyon. Mamaldisyonon ko man an mga biyaya na inaako nindo. Sa katunayan, minaldisyon ko na an mga iyan, huli ta dai nindo pinahalagahan an sakong pagboot.

Deuteronomio 32:46

nagsabi siya sainda, “Kuyogon nindo ining mga pagboot na itinatao ko saindo ngunyan na aldaw. Itukdo nindo ini sa saindong mga aki tanganing maotob ninda an gabos na katukdoan nin Dios.

1 Samuel 4:20

Kan naghihingagdan na siya, sinabihan siya kan saro sa mga babaeng nagtabang saiya, “Pakosoga an saimong boot! Sarong lalaki an ipinangaki mo!” Alagad dai nagmangno ni nagsimbag an agom ni Finehas.