Exodo 7:17 - Marahay na Bareta Biblia

¹⁷ Kaya ini an itinaram nin Kagurangnan tanganing maaraman mo kun siisay siya huli sa gigibohon niya. Hilinga, papakulon ko kan sugkod na ini an Salog nin Nilo asin an tubig magigin dugo.

Exodo 7:17 ပူးပေါင်းရင်းမြစ်များ

1 Mga Hade 20:28

Sarong propeta an nagduman ki Hadeng Ahab asin nagsabi, “Iyo ini an itinaram nin Kagurangnan: ‘Huli ta nagsasabi an mga taga Siria na ako sarong dios kan kabukidan asin bako kan kapantayan, tatawan taka nin kapangganahan laban sa dakula nindang hukbo. Dangan maaaraman nindo na ako an Kagurangnan.’”

2 Mga Hade 19:19

O Kagurangnan na samong Dios, nakikimaherak ako, iligtas mo kami sa mga taga Asiria, tanganing maaraman kan mga nasyon sa kinaban na ika sana, O Kagurangnan, an Dios.”

Salmo 105:29

Pinangagin niyang dugo an mga katubigan asin ginadan an mga sira duman.

Salmo 78:44

Ginibo niyang dugo an mga salog, kaya nawaran nin tubig na maiinom an mga Egipcio.

Salmo 83:18

Masabotan logod ninda na ika sana an Kagurangnan; na ika an orog kahalangkaw sa bilog na kinaban.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Exodo 1:22

Kaya nagboot an hade sa mga Egipcio, “Itapok nindo sa Salog nin Nilo an lambang bagong mamundag na lalaki sa mga Hebreyo, alagad pabayaan nindong mabuhay an gabos na aking babae.”

Exodo 10:2

siring man tanganing ikaosip nindo sa saindong mga aki asin mga makoapo kun paano ginibong ngingisihan an mga Egipcio kan ipahiling ko sainda an mga ngangalasan. Kamo gabos makakamidbid na ako an Kagurangnan.”

Exodo 4:9

Kun habo pa nanggad sindang magtubod sa duwang ngangalasan na ini asin habong magdangog saimo, kumua ka nin tubig sa Salog nin Nilo asin iula mo sa mamarang daga. An tubig magigin dugo.”

Exodo 5:2

“Siisay an Kagurangnan na iyan?” an hapot kan hade. “Tano ta pagdangogon ko siya asin pahaleon ko an mga Israelita? Dai ko midbid an Kagurangnan, asin dai ko nanggad tutugotan na humale an mga Israelita.”

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Exodo 7:20

Ginibo ni Moises asin ni Aaron an ipinagboot nin Kagurangnan. Sa atubang kan hade dangan kan saiyang mga opisyal, itinaas ni Aaron an saiyang sugkod saka pinakol an tubig kan Nilo, kaya an bilog na salog nagin dugo.

Exodo 7:5

Sa paaging iyan mamimidbid kan Egipto na ako an Kagurangnan kun padusahan ko na sinda asin iluwas ko na sa saindang daga an mga Israelita.”

Ezekiel 25:17

Papadusahan ko sinda nin makuri asin mabalos ako sainda. Mamamatean ninda an sakong kaanggotan. Dangan maaaraman ninda na ako an Kagurangnan.”

Ezekiel 29:9

An Egipto magigin sarong alang saka mamondong daga. Dangan maaaraman mo na ako an Kagurangnan. “Huli ta nagsabi ka na sadiri mo an Nilo asin ika an naggibo kaiyan,

Ezekiel 30:19

Kun padusahan ko na an Egipto sa paaging ini, maaraman ninda na ako an Kagurangnan.”

Ezekiel 30:8

Kun suloon ko na an Egipto asin magadan na an gabos na nagtabang kaiyan, dangan maaaraman ninda na ako an Kagurangnan.

Ezekiel 32:15

Kun pamondoon ko na an Egipto asin gadanon ko na an gabos na nag-eerok diyan, maaaraman ninda na ako an Kagurangnan.

Ezekiel 32:6

Iuula ko an dugo mo sagkod na maglakop iyan sa mga bukid asin mapano kaiyan an mga sapa.

Ezekiel 38:23

Sa paaging ini ipapahiling ko sa gabos na nasyon na ako dakula asin banal. Maaaraman ninda na ako an Kagurangnan.”

Ezekiel 39:28

Dangan maaaraman kan sakuyang banwaan na ako an Kagurangnan na saindang Dios, huli ta ako an nagpatapok sainda sa mga dayuhan na nasyon, asin ako an nagtipon saka nagpabalik sainda gabos sa sadiri nindang daga; mayo akong iwawalat maski saro sainda.

Daniel 4:17

Iyo ini an desisyon kan andam na nagbabantay na mga anghel. Kaya paaraman nindo sa gabos na banwaan saen man na lugar na an Kahorohalangkaweng Dios igwa nin kapangyarihan sa mga kahadean nin tawo asin siya an pwedeng magtao kan mga iyan sa saiyang mapili—maski sa mga pinakasadit na tawo.’

Daniel 4:32

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka. Dangan aakoon mo na may kapangyarihan sa mga kahadean nin tawo an Kahorohalangkaweng Dios asin na itinatao niya an mga iyan sa saiyang mapili.”

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Daniel 5:21

Pinahale siya sa tahaw nin mga tawo, asin nagin siring sa hayop an saiyang kaisipan. Namuhay siya kaiba kan mga lalaw na asno, nagkakan nin doot siring sa baka, asin nagkatorog sa kaomahan na mayo nin nakakatahob saiya sa paghugpa kan ambon. Sa kahuri-hurihi, inako niya na an Kahorohalangkaweng Dios iyo an naghahade sa gabos na kahadean nin tawo asin na pwedeng itao an mga iyan sa kiisay man na saiyang mapili.

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Kapahayagan 11:6

An duwang saksing ini igwa nin kapangyarihan sa pagsera kan langit nganing dai mag-uran sa panahon kan saindang pagpropesiya. May kapangyarihan man sinda na gibohon dugo an tubig, saka pasakitan an kinaban nin gabos na klaseng peste anoman na oras na booton ninda.

Kapahayagan 8:8

Dangan pinatanog kan ikaduwang anghel an saiyang trompeta. May itinapok sa dagat na garo dakulang bukid na nagkakalayo.