Exodo 7:15 - Marahay na Bareta Biblia

¹⁵ Kaya sa aga, makipaghilingan ka sa hade pagduman niya sa Salog nin Nilo. Darahon mo an sugkod na nagin halas asin halaton mo siya sa pangpang kan salog.

Exodo 7:15 ပူးပေါင်းရင်းမြစ်များ

1 Mga Cronica 16:21

Alagad dai nagtugot an Dios na igwang mag-api sainda; an mga hade saiyang pinatanidan huli sainda.

Exodo 2:5

Kan magduman sa salog an aking babae kan hade tanganing magkarigos, mantang naglalakaw-lakaw sa pangpang an saiyang mga katabang, nahiling niya an basket sa tahaw kan mga talahib. Ipinakua niya idto sa sarong katabang.

Exodo 7:10

Kaya nagduman sinda sa hade dangan ginibo an ipinagboot nin Kagurangnan; itinapok ni Aaron an saiyang sugkod sa atubangan kan hade asin kan saiyang mga opisyal, asin nagin halas an sugkod.

Exodo 7:14

Dangan nagtaram an Kagurangnan ki Moises, “Matagas an puso kan hade asin habo niyang pahaleon an mga tawo.

Exodo 8:20

Nagtaram an Kagurangnan ki Moises, “Sa agang amay magduman ka sa salog. Sabaton mo an hade sa pagduman niya sa salog dangan sabihan mo siya na nagtaram an Kagurangnan, ‘Tugotan mong humale an sakuyang banwaan tanganing makapagsamba sinda sako.

Ezekiel 29:3

Sabihan mo siya na ini an itinataram nin Kagurangnan Dios: Kalaban taka, hade nin Egipto, ika na sarong dakulang buaya, na naglulubgob sa salog. Nagsasabi kang saimo an Nilo asin ika an naggibo kaiyan.